حمد
خيبة كل ها صار عشان انا قلت أنى حبيبها صديت اطالعها كانت تُمسح ويها : خولة عندج ملابس
هزت رأسها بهي
صديت عنها اطالع الشارع ما اعرف وين بروح : اوكي سمعي نقزي ورا غيري ها البس
نزلت الكلينكس و تاكدت ان مافي مكياج بويها و نقزت ورا زلت سيت المعيون و نزلت تحتة عشان ما اطالعها تميت اقلب بالأغاني لين موقفت على عراقي علّيت الصوت شفتها نطت جدام و كانت لابسة بنطلون قطن اسود مخطط ابيض من اديداس و فانيلة سودة بدون أكمام و سيعة و مفتوحة من الصدر : ليش لابسة ها الفانيلة غيريها بعدين ما تشوفين الجو بارد
طالعتني : انا مب بردانة
شفت جاكيتي الأحمر مفرور وراء شلتة و عطيتها أيا : لبسي بننزل الشيشة (محطة البترول )
طالعتني : عادي بنزل جي
قلت لها و انا معصب : تفهمين عربي انتي غطي صدرج و ها البقع الحمر
طالعتني و هي تشل الجاكيت : عساس ها البقع الحمرة انا السبب فيها انزل انا ما اريد انزل
اتنهدت و طالعتها : اذا ما بتنزلين انا مب نازل
فتحت الباب و نزلت و نزلت انا ورآها كانو الشباب يطالعونها وقفت جنبها و همست لها : لا تبعدين عني
طالعتني : بأخذ لى اكل
رحت أخذ السلة خمت كل شى في الشيشة : خلصت
طالعتها : ليش ناوية تأخذين زيادة
طالعتني : انا من امس مب ماكلة الا شبس و كولا بعد امس مب اليوم ليكون انتي رديتي البيت و ماكلتي شى غبية ما شفتي كيف كنتي تعبانة اليوم
طالعتني :خلاص بحاسب و باكل
قلت لها :خلِ انا بحاسب
قالت :عندي فلوس ترا اووووة صح
طالعتها :شو
قالت :خل انروح البنك اسحب كل الفلوس قبل لا يسكر ابوي حسابي
دفعت و رحنا البنك ما كان في حد :يمكن دوامهم خلص بنى بكرة
طالعتني : و المدرسة
طالعتها و هي تفتح كيس الجبس : اكيد ما بتروحين اول مكان بيدورونج في المدرسة
_____________________________
زايد
شفتة مطرش لى مسج بدايتة (زيود محتاجك تراني شارد من العدالة ) ششششو مسوي بعد كمل ( ابا اشوفك عند البحر مكانة المعتاد ) شلت سويج السيارة و لبست كندورتي و ركبت السيارة و طرت عندة )
______________________________
