Shanaya: Queen of the Fairies (Soon To Be Published)

Chapter 13: Ashford

Katahimikan ang sumalubong sa amin lahat pagkapasok namin sa Plysia.

Pinakiramdaman ko ang buong paligid. At first, wala akong naramdamang kakaiba. Well, that's weird. Nanatili akong tahimik at pinakiramdaman nang mabuti ang buong village. I took a deep breath and concentrate. Nagpatuloy kami sa paglalakad hanggang sa makarating kami sa sentro ng Plysia.

"This place is now ruled by them," rinig kong sambit ni Kate na ngayon ay nasa malapit ko na pala. Hindi ko ito nilingon at nagpatuloy sa pagmamasid. "Ito ang pinaka sentro ng Plysia at dito sila namamalagi ngayon."

Tahimik kong tiningnan ang sentro ng Plysia. Sa unang tingin, masasabi mong isang normal na bayan lang ito. Well, it was really a normal village before not until the Ashford came and ruled the whole village. Nagpatuloy ako sa pagmamasid hanggang sa mapansin ang mga Xier na naninirahan sa lugar na ito. May mga iilang taga-Plysia ang napapahinto sa ginagawa nila noong mamataan kami. Ang iba naman'y tila gustong maiyak dahil sa presensya namin ngayon sa village nila. These people badly need help. Kahit sino, basta matulungan lamang sila. Gusto nilang humingi nang tulong pero hindi nila kayang ipagsigawan ang daing nila dahil sa takot sa pamilyang kasalukuyang namumuno sa buong Plysia.

Sa loob ng dalawang taon bilang reyna, ngayon lang ako lumabas sa palasyo upang bumisita sa isa sa village ng Xiernia. At talagang nakakadurog lamang ng puso na ganitong sitwasyon pa ang masasaksihan ko sa village na ito. This is a big failure for me. Wala akong alam sa naging paghihirap nila at ngayon, looking at the Xiers, almost crying when they saw the royal mark on our knight's armor suit, alam kong hindi pa ako huli para punan ang pagkukulang ko bilang reyna nila.

"Kate!" Napalingon kami sa isang babaeng tumatakbo patungo sa kinaroroonan namin. Agad nitong nilapitan si Kate at mabilis na niyakap. Mataman kong tiningnan ang babae. Hindi naman nakawala sa paningin ko ang panginginig nito. And she looks pale, too. Mayamaya lang ay humiwalay ito sa pagkakayakap kay Kate kaya naman ay napansin ko rin ang kung anong mayroon sa suot nitong damit.

It's blood. Puno ng dugo ang kasuotan nito! What happened to her?

"Tanya, calm down. Tell me what happened," mariing wika ni Kate at tiningnan ang kabuuan ng babae. Mabilis na gumuhit ang galit sa mukha nito at muling niyakap ang babae.

"T-They killed them, Kate! They killed my entire family!" Malakas na wika nito at umiyak na. Natigilan ako at hindi inalis ang paningin sa umiiyak na Xier. Mabilis na inalo ni Kate ang kaibigan nito at tiningnan ako. She's crying, too. The pain and anger in her eyes were visible. At noong mas lalong lumakas ang iyak ng kaibigan ni Kate, mariin kong ikinuyom ang mga kamao at inayos ang suot na balabal sa ulo. Napayuko ako at mabilis na ikinalma ang sarili.

Control your emotion, Shanaya!

"Where are they?" malamig na tanong ko. Napatingin naman ang lahat sa akin. Umayos ako nang pagkakatayo at tiningnan ang kaibigan ni Kate. "Tell me. Nasaan sila ngayon?"

"Kate... Sino s-sila?" nahihirapang tanong ni Tanya at muling humiwalay sa pagkakayakap ng kaibigan. "Kate-"

"They will help us," sagot ni Kate at muling tiningnan ako.

Mayamaya lang ay lumapit si Ara sa akin. She leaned closer to me and whispered something. "What's the plan?" she asked me.

Mas dumiin ang pagkakakuyom ko sa mga kamao ko. Sa totoo lang ay wala nang matinong plano sa isipan ko ngayon. Bago pa man kami umalis kanina sa palasyo, isa lamang ang pakay ko sa lugar na ito at iyon ang kausapin ang lider ng Ashford family. Ngunit sa mga nangyayari ngayon, natitiyak kong walang pag-uusap na magaganap sa pagitan naming dalawa. Masyado na nilang inabuso ang kapangyarihang mayroon sila bilang bagong chief ng Plysia. And a simple conversation will definitely not settle the mess they've made with the Xiers of this village!