اكرهك كثر الصدف اللي تجمعني فيك لكن افعالك أجبرتني حبك💛🕊

البارت الاول

ام عنود:يلاه نشو الساعه 12 وانتو بعدكم رقود ما الومكم هاا كله من السهر
عنود: ماماه خلين اشوي ارقد بس اشوي وعقب بنش

عائشة:ع طول نشت حاضر امايه ..

طافت اقل عن نص ساعه ام عنود تعبت وهي تقوم فيها اذا ما نشيتي يا عنود والله لاابند المكيف وجوفي كيف بترقدين

عنود :حاضر حاضر بنش عقب عنود اذكرت انه اليوم البنات بيسيرون السينما ع طول سارت الحمام غسلت ويهاا وفرشت اسنانها وركضت عند امها

الام :اكيد تبين شي اعرفج طلباتج ما تخلص شوه تبين قولي
عنود :ماماه البنات بيسيرون عسبت يدرسون ف بيت وحده من البنات ف ماماه بليز خليني اسير

طبعا عنود كذبة هاي الكذبه لانه مستحيل امها تخليها تسير السينما وَيَا ربيعاتها لانه تسمع شوه اللي يستوي اهناك ف تمت تحن تحن لين ما وافقت عواش اختها تعرف سوالفها ومرات عنود تقولها وعقب تندم لانه تم تهددها طبعا هاا كله لمصلحتها

عائشة:احلفي انج بتسيرين وَيَا ربيعاتج تدرسون اعرفج عنود لايكون بتسرين مكان

عنود:تستهبلين وين يعني بسير المريخ مثلاا بنسير ندرس وبناكل وبرد

عائشة : خلاص ما ابا اعور راسي انتي محد يناقشجج بشي كلج عباره عن عناد