دائي ودوائي
الجزء الاول
سلام اليوم قصتنا حلوه وبيها دافع
ساره- هلاو اني عمري 18سنه خريجه معهد تمريض تخرجت وتوضفت بالمستشفى وباجر دوامي وعدي اخت وحده تاره بس خطيه مريضه حبيبتي لازم نبدل دم بشكل سنوي الها والدي ووالدتي موجودين الحمد لله عدنا بيت بالسعب اجار وبابا يشتغل عده جمبر عالشارع يبيع بي حلويا وجكاير وقراصات وهالسوالف مرتاحين كلش بس شوي تاره تاثر علينه لان بابا براس السنه يتداين ويضل 8اشهر يوفي بدينه يله يفك كل سنه وغير هالشي جدا مرتاحين
ثاني يوم داومت وطايره بشغلي والمفروض اداوم خفر اني كلش خدومه واحب اخذم وردت اساعد بابا عالعيشه وكلش قويه وسبعه معتمده على نفسي بكلشي كملت اول يوم الي بالمستشفى وهسه اني نايمه بغرفه الممرضات بس ماكو بس اني وبنيه لخ جبيره بالعمر نايمه توني دا اغفه وطب ولد للغرفه تهجم عليه يريد يتحرش بيه الله سترني ودفعته قوي وقفلت الباب ضليت ارجف ثاني يوم شفته عرفت بي دكتور انصدمت رحت قدمت شةوى عليه للمدير وكلي هذا مسنود من الوزاره ماكدر اسوي شي انتي دافعي عن نفسج
ساره- تخبلت وكلت اعوف الشغل وتذكرت مضره بابا من كتله راتبي هلكد وفرح وكلي بعد ما اتداين من احد فلوس تبديل دم اختج عليج واني فرحت بهالمسووليه رجعت عن قواري وقررت ابقى وادافع عن نفسي خليت سجينه جوه راسي وهم نفس الشي اجه يريد يتحرش بليل طلعت السجينه وتقاويت ويا لو مو دكتور ثاني فات اني اروح بالزلك طلع وعافني وهددني ثاني يوم رحت للمدير وكتله استقبل انقلني غير مستشفى بلكن احسن المدير حباب وخلوق ويساعد العالم
دكتورعلي- بابا عدي الج حل اذا قبلتي او رفضتي يضل الموضوع بيناتنا
ساره _اي دكتور ماشي شنو الحل
دكتور علي- اني عدي ابني مدمن مبقيت مكان مرحتله وحاليا عازله بملحق بصف بيتي ومخليت دكتور معالجه ونفس الحاله اصلا نزيد هو حاليا ميكدر يمشي ولا يشوف وكلولي سنه ويموت اذا بقه يبلع الحبوب والابر واني ما اتحمل اشوفه يتالم فانطي الحبوب ويبقى النهار كوله نايم وم ارجع بليل انطي اكل وابدله الحفاض وانطي الحبوب ويرجع ينام
ساره- دكتور شكد فتره علاجه
الدكتور- 50يوم مياخذ المخدرات يطيب وي الاكل الصحي الصحي الاعتيادي
ساره- يعني اذا مدارات فوك المعتاد يطيب باسرع
الدكتور- طبعا بعد انتي وقابليتج اني حته خدامه مقبلت تبقى
ساره- شون مسيطر عليه ميطلع
الدكتور- اني رابطه بقفاله بالبيت بسريره
ساره- بقيت مصدومه اليشوف مصايب الناس تهون عليه مصيبته
الدكتور - انتي فكري بالموضوع ورديلي خبر
ساره- دكتور السبت ارد جواب
الدكتور - انتضر جوابج
ساره- جنت ناويه اسال ماما وبابا اشوف وايهم اني مصممه اروح اذا مكتف ميكدر يسوي شي واني وحدي بالملحق محد يكدر يقربلي عجبتني فكره اني اداري انسان واطلع من الموت اريد اجرب هالاحساس
رجعت سالتهم قبلو وكلولي جربي واذا مكدرتي عوفي كلشي خطيه بالا كلي بنتي عوفي كلشي وةعدي بالبيت محد جابرج على شي ساره- بابا اني درست مو جتى ابقى بالبيت
رحت للمكتبه العامه جمعت مصادر على مضادات الادمان وعلى كلشي يخصه وكعدت اكتب ملاحضات والاكل اللي يقوي ويطرد منه السموم ويخلي يرجع لعافيته صممت على هالموضوع ومتشوقه اداري انسان مريض انفذ شغلي دراستي
السبت-----
ساره- مرحبا دكتور اني موافقه
الدكتور_ كل هاي دتفكرين
ساره- هههه دكتور اني مقرره من تول بس جنت اجمع معلومات عن الموضوع حتى اعرف اتصرف
الدكتور- اني متفائل بيج وبحماسج وثقتج بنفسج
ساره- انشاء الله دكتور يرجع مثل قبل
الدكتور- شنو تريدين راتب بالشهو شكد
ساره- اا بالنسبه للراتب امي عدي اختي يحتاجلها تبديل دم سنوي اريد تتكفل الها بمستشفاك انه يتبدل دمها هنا بدون تكاليف حته لو كملنا علاج ابنك
الدكتور- حته وان ابني مات اني ماراح اترك اختج كل سنه يتبدل دمها
ساره- الله ينطيه طوله العمر وتشوف احفاده
دكتورعلي- تسلمين شوكت تروحين للملحق
ساره- جنطتي وغراضي كلها بالمخزن مهياه اموري
دكتور- تحبين اوديج هسه
ساره- ماعدي اي مانع رحنا وفتنا لبيته كان قصر وطلعنا من البا الصغيره لمشتمل حلو بس عوسه حديقته ادغال والطرمه مليانه وصخ وطين وباكيتات ادويه فد شي مينحجي دخلت للبيت الهول ريحته تلعب النفس الكهرباء ماكو واكو سديه بيها ولد مربوط ضعيف الدكتور شغل الاضويه باوعت عالولد هطيه جوه عينه ايود ولحيته وشعره كلش مخربط وهدومه مبهذله والفراش كلش وصخ والباكيتات العلاج الفارغه بكل مكان متطشره منضر غير قابل للوصف الدكتور - زيد بابا كوم
زيد- ها بابا جيت
الدكتور - اي بابا شونك
زيد- مثل ما اني محاس بجسمي
دكتور علي- جتي ويايه ممرضه حبابه حتداويك من اليوم بعد
زيد- بابا اخذها وروح مابيه ارجع اعيد الماسات عوفني هاهي بعد
الدكتور- محاوله اخيره لخاطر شيبه ابوك اذا متت اني اموت وراك بايام
زيد- خليها بس مراح تغير شي
الدكتور- ميهم المهم تنضف البيت الاكل تحضره الك والله يسهل بلكن تكدر تبطل المخدر
زيد- بابا ما اتحمل الم
الدكتور - اني عدي ثقه بالمرضه ومتفائل بيها
زيد- ماشي ماعدي غير حل
طلع الدكتور واني بلشت من غير ما احجي اول شي بلشت بالمطبخ الثلاجه عقمتها بالديتول وغسلتها والولد جان نايم واني على نومته نضفت كملت المطبخ وعدلته بسرعه عالحمام والهدوم والهول بهدوء اشتغل تعبت كلت باجر اطلع عالطرمه والحديقه الدكتور نطاني تلفون وخله بي رقم السايق كلي اي شي تحتاجي تتصلبن بي يجيبه الج اتصلت بي ردت منضفات وردت اكياس زبل وطلع هو الزبل وردت مسواك جانت نضرات التعجب مبينه على وجه السايق من شاف البيت وكتله باجر اريد الفلاح يجي الصبح
جاب المسواك ركض سويت شوربه بروكلي اول عنصر يوخر السميه من الجسم وحضرتها اله من يكعد حته اضبط وقت جيت حالته حتى افهم شوكت ارجع اربطه فتت غسلت من كملت شغلي وطلعت صحه وبدت الحاله بس يتالم شوي وكام يصيح يابه بعلو صوته وينج يصيحني هو اعمى ميشوفني ضل يصيح ويسب ويلوب من الالم وهو مربوط بقه على هالحاله ساعتين اغمى عليه وره نص ساعه رجع كعد هم يصيح ويعيد حقنته بحقنه مضاد بس حته السم ميتفاعل بداخله يتوقف هدا شوي وره شوي رجع يصيح ويعيط بكل قوته ويرجف ويعرك غطيته وبديت امسح العرك جنت متوقعه هالشي اول يوم جان صعب منام غير ربع ساعه والباقي كله صياح كضاه بجيت عليه مصدومه مشايفه هيج حاله قبل
ضليت اباوع عليه لحد ما للصبح اغمى عليه اول يوم مفروض اقسم المخدرات اول ميحتاجها انطي نص حبايه بعدين ابدي اقلل صيح وعيط بديت نطيته نص نام وره ساعتين كعد منالم رجع صيح نطيته ربع وراها منعته منه وبقه يصيح كلميتالم عفته وطلعت اجه الفلاح سوه الحديقه خليته يسوي فد شي بالزاويه مثل النافوره وراح ونضفت الطرامي ودخلت وبقه هو كل
دائي ودوائي
الجزء الثاني
يكوم كل ساعتين يتالم جسمه يحتاجه بس هالثلث ايام دمرتني بس يبجي ويتوسل ويلبس حفاضه وميقبل ابدلها اله الا يجي والده وينضفه ويبقى يتوسل يريد حبايه حتى يروح المه واني عايفته بس انطي مضادات المفروض 10ايام ويرجع نضره اكل صار مياكل فقط مي حالته ساءت وتفاقمت واني متوقعه هالشي كله ودارسته بس اراقب حالته من يتالم ابجي عليه حاسه الشم ترجع باجر والطعم كذلك الليل كوله يصيح ويعيط فكرت اقره قران بصوت هادي بلكن يهدا بديت اليوم اقرا وهو يصيح متالم ويتوسل نطيني بس ربع حبايه الله يخليج ويصيح بعلو صوته سويت نفسي مداسمعه واقره قران مستمره سكت وبده يبجي ويدعي يارب ساعدني مغلطت طول حياتي ولا اذيت احد مدا اتحمل الاذيه يارب ساعدني لزمت ايده متحملت زيد- لزمت ايدي ايدها دافيه حسيت بامان وبقوه عصرتها قوه نطتني سبحه وكلتلي سبح والله يفرجها عليك كمت اسبح ومن تجي الحاله اندعي مثل ماعلمتني بس من اصير فدمره افقد ماكدر بعد انسه حته الله وهي اسمع دعائها وبجيها ضليت اتالم لحد ما اغمى عليه ساره- مفروض اليوم رابع يوم يصبح احسن ويبدي علاج عكسي ضليت منتضرته يصحى ونضفت وعقمت البيت كله وحضرتله اكله مقوي ومضاد المخدرات زيد- حسيت الم قوي براسي وريحه قويه بخشمي مال ديتول صحت اخخخ راسي ساره- سلامتك هاي مال جوع صار 3ايام مماكل شي زيد- وشنو هالريحه مال ديتول ساره- الحمد لله رجعتلك حاسه الشم زيد- اي دا اشتم ساره - لازم تاكل حتى جسمك يقاوم زيد- اخاف يرجع الالم ساره- شوف دكتور بالحالتين الالم راجع بس اذا رجع وانت مماكل شي حيكون اضعاف من انت ماكل وجسمك قوي لازم جسمك يتقوى حتى يتغلب على الالم زيد- جيبي الاكل ساره- هسه جبت الاكل ووكلته وشرب الحليب دتحس بالطعم زيد - يعني الحمد لله كملت اكل ودا انام ساره- بديت اقره قران بصوت هادى وهو دموعه تجري ويندعي اليوم ضل مرتاح 4ساعات بدون الم نام ساعه وكعد يرجف جنت متوقعه هالشي ضربته مضاد ومسكن الام وبده يتقيا ركضت جبت جيس ومسحت حلكه وضل يتقيا السم كله ورجع نام هو ونايم مسحتله وجهه بمنشفه مبلله بمي دافي وغسول مسحته كله وصار نضيفومشطت شعره وهو محاس عليه رجعت كعدت اقره قران مرت ساعه ورجع يصيح وكان هالمره الالم كلش قوي وصار عصبي كلش بصياحه وكام يفشر اني مراقبته وابجي ساعه واغمى عليه من التعب اللي قريته عن المخدرات انه اول اسبوع يكون كلش صعب بعدها باليوم مرتين تجي الحاله مده ساعه متواصله ويفك وشوي شوي لخد انتهاء الالم بس ماعرف شوكت اكدر افتح رباط السديه اريد شويه اطلعه بالشمس المستمل داير مدوره حديقه تجنن واني يوميه انضفها اموت عالحديقه اليوم سادس يوم اني ماخذه راحتي لكون هو اعمى البس شورتات وكيمونه وقافله الباب عليه محد يفوت وهو مربوط فماخذه راحتي زيد- حسيت الصبح اسمع صوت العصافير ريحه البيت كولها ورد صحتها دكتوره - نعم هياتني شنو هاي الصوت ساره- فتحت شبابيك البيت حتى شويه تطبلك شمس خوما بردان زيد- لالا حلو عاشت ايدج ساره- هذا شغلي يله ريوك زيد- ماريدًساره- ماكو متريد وراك اوقات صعبه لازم جسمك يكون بيها قوي زيد- ماشي ساره- اكل ريوكه وبده يحس بالطعم زيد- الريوك جان كلش طيب اكلت هواي وراها نطتني حليب وره ساعه عصيراريد افوت للحمام ساره- ماهذ احتياطاتك اخذ راحتك زيد- لالا ماريد اريد افوت للحمام ساره - ضليت حايره خاف تجي الحاله بس توه ساعه هو وره ساعتين يبدي الالم كتله ماشي فتحت الربط ووديته للحمام وكعدته عالغربيه من كمل وغسل صاحتي ساره- شنو رايك تسبح زيد- ريحتي مطيبه مو ساره- عادي انت مريض وماكو احد هنا واني ممرضه متعلمه هيج زيد - ماشي يله تساعديني بس ابقه بالشورت بعدين اصيحج تنطيني الهدوم ساره اوك ماشي - ترست البانيو مي حار وشامبو لزمت ايده كعدته بيه حس بدفو المي ابتسم اول مره اشوف ابتسامته جان بالي يم السعه بقالي تلث ارباع الساعه وتجي الحاله ليفت جسمه علكيفي جان يون من الراحه وغسلت شعره رجع واسه ليوره مرتاح ريد- احس بايدها على جسمي مرتاح همزين جتي هاي احسن دكتوره لزمتني لحد هسه كلهم تعبو وملوًمن صياحي والمي الا هي رخيت اعصابي واونً من الراحه وكلسا اشكرها ساره - كملت وجبتله هدوم نضيفه وطلعت كتله كمل وصيحني وركض بدلتله فراشه وخليت فراش نضيف ناعم معطر صاحني كملت دكتوره ساره- وكفته عالمغسله فرشت اسنانه ولسانه من اثار السم وطله جان كلش مرتاح زين - ارتاحيت كلش احس روحي ردتلي ساره- كعدته وشسورت شعره وخليتله معطر مبتسم زيد- شكد ينطيج ابويه بالشهر ساره- انصدمت من سواله جاوبت بكل هدوء يبدل دم اختي كل سنه زيد - صدك تحجين حته مالها قيمه هالشي ساره- بالنسبه الكم بالنسبه الي غير شي زيد- الله يشفيها ساره شكرا- باوعت عالساعه بعد عدي ثلث ساعه لزمت ايده وكتله كوم نطلع للحديقه زيد- ماشي طلعت وضليت نفتر اني وياها مرتاحين نزعتني النعال امشي حافي عالحشيش ضليت امشي مبتسم الهوه طيب والشمس دافيه وصوت العصافير وريحه الورد والقداح تخبل ساره -باوعت الساعه وباوعت عليه دكتور عدك الام زيد- لالا مرتاح كلش ساره - ابتسمت الحمد لله مستند عليه ويمشيً دكتور- مم يصير عدك الم كلي حته نروح زيد- هسه شمتفاولتلي تذكريني بالالم ساره- اي صح اسفه زيد- خلنكعد ماكو كراسي ساره - اوكف خل اجيب هسه زيد- كعدت وارتاحيت ساره/ اني كعدت يمه واراقبه هادي ومبتسم ويتنفس مرتاح زيد- صار اسبوع ويايه
