دائي ودوائي
الجزء 13
اتصلت بيزن وكتله شلون السالفه تصير فهمني
يزن-باجر الصبح نلتقي وافهمج بس ماريد احد يعرف لان والدي ميقبل بس صراحه اني تاره تهمني فخليها بيناتنا وحتى زيد ليدري
ساره-اساسا اني مكتله من كتلي لتحجين اني ممصدكه اكو هيج فرصه زين شكد يكلف العلاج
يزن- يكلف هواي
ساره- يعني شكد
يزن- 15الف دولار
ساره- يعني 20مليون مو
يزن- اي بلي وواسطه مني ومن والدتي خفضو للعشرين
ساره- ممنونه منك وماعرف شون اشكرك
يزن- المهم تاره تطيب بداخلي لاول مره اساعد انسان والمشكله جنت صادق وياها مع انه بنفس الوكت زيد دينضر وهذا الرايده بس الاكثر انه كنت افكر بتاره يعني عصفورين بحجر
نهيت المكالمه وجيت احاول انام دك التلفون ساره
يزن- الو ساره تفضلي
الو--
يزن- صوت يشبه صوت ساره بس اهدى بهواي واحلى كلت الو منو
تاره- اني اااا--سكتت
يزن- راسن عرفت هاي تاره عدلت من كعدتي وكلبي كام يدك سريع همست تاره
تاره- اي اني بس ردت اشكرك على وكفتك
يزن- بعدج كلشي مشايفه هسه تطيبين وتصيرين متحتاجين الي ولا لدم اي احد بعد
تاره- الله يسمع منك واشيل الحمل من على اكتاف اهلي اشكرك رديت بيه الامل
يزن- مسويت شي ولتشكريني
تاره- اوك مع السلامه وممنونه منك
يزن- الله وياج سديته واتذكرت من بستها طلعت الصور متاثر بيها تذكرت طعم شفايفها البريئه العمرها ماضاكها غيري ونضراتها التعبانه كلش شخصيه نادره من برائتها وهدوئها احس حتى الورد اشرس منها هاي اخذها اخليها بس كاعده ملكه لان ميصير تلزم شي غيري اوووف ربي بس لو زيد يزيح عن طريقي
ساره- خابر زيد ورديت عليه ضل يسالني شبيج لان مكدرت اضم او امثل ماكو شي موضوع تاره ومنين اجيب فلوسه شاغلني حيل زيد كام يصيح شبيج ومتغيره واني اكوله مبيه شي وراها سديت الهط بوجهه ضجت طلعت حجيت وي والدي عاللي كال علي يزن وكالي نتداين وانتي تفكين الدين واني اعيشكم ساره- واني هم جنت ماويه هيج صبح الصبح ورحت للمركز تلاكيت وي يزن فهمني التفاصيل وكلي لازم تسافر من وكت لان حجزتلها وراها اجه زيد سلم ونضرلي بنضره عنب وغضب مهتميت كل همي هسه تاره خابرت والدي يحضر جوازها ومستمسكاتها وتحايلها الطبيه وكعدت بالمكتب مالتي افكر اجه الدكتور علي واجتمع بيزن وزيد بالغرفه الاجتماعات دكتور علي- بابا زيد اني موافق مدامك انت حابها زيد- اي بابا مشكور شوكت نخطبها دكتور
علي- بالوكت اللي تريده
يزن - المن تخطب اوكف
زيد- ساره احبها واريد اخطبها
يزن - شنوو ساره حبيبتي شنو تخطبها
زيد- شنو قصدك بحبيبتي وانت من شوكت تعرفها
يزن- عدي علاقه بيها قبل لتعرفك جانت تشتغل بمستشفى ابويه وحتى علاقه جنسيه بيناتنا اكو
زيد- عرفت بي ديكذب كمت وكفت بكل غرور وشنو اليثبت
يزن- ابتسم اذا تريد اخذها اني شبعت منها
زيد- ضربته متحملت والدي كام يصيح
يزن- جنت كلش فرحان واني دا ااذي طلعت التلفون وكتله هاك شوف الصور شوف وين نايمه بفراشي وتريد تخطبها بالعافيه عليك صارت سهله عدك الفضايح كلت هالحجايه وعرفت اني ماكو عدي اي امل وي تاره بعد اللي صار
زيد شفت الصور هاي ساره نايمه جواه ودتبوسه واني لزمه ايد متنطيني متحملت طلعت عليها سحلتها من حجابها للمكتبه وقفلت الباب جان غضب بداخلي احس روحي دتحترك نزعت الحزام وضليت اضربيها وكطعت شعرها وسبيتها جان تتوسل تكولي بس فهمني شكو وتبجي ىتصيح والمكتبه عازل فمدرت بال ملختها ودميتهز
ساره- عمري مااحد مد ايده عليه وهو هسه عذبني عذاب مخله لا حزام لا كلمات لاايده لا شعري واني بس ردت افهم بيش اني متهمني
وضل يصيح طلعتي فاره الاطباء واحد واحد وحته يزن واني تبيعين شرف براسي وانت عاهره فتحت عيني كولها ممصدكه اللي اسمعه منه
رجعت ليوره كم خطوه كتله كافي لهنانه وبس كل البيناتنا ينتهي ما اسمح تحجي حجايه لا البسك تهمه اعتداء عليه بهاي الاثار زيد _والله العاهره كلشي يطلع منها
ساره- صحت كافييي احترم روحك لا اربيك الا شرفي
زيد _هو وينه شرفج من الصور اللي نايمه جواه وتتباوسين وياه مووو
ساره- منو عن منو تحجي
زيد- يزن حبيب الكلب
ساره -الكلام اللي سمعته معناه يزن شوه سمعتي ومعناه ماكو موضوع علاج لتاره تدمرت ردته كدام عيني كتله جيبه يمي شوفني اثباتك
زيد- بسيطه هسه صحت يزن ودخلته للغرفه
يزن- انصدمت من شفت منضر ساره مدمايه اخذ زيد تلفوني من ايدي وساره تباوعلي تريد تفهم لاول مره اتندم على اذيه زيد مو علموده بس علمود حكسر كلب ساره
ساره- اباوع على يزن بس ردت افهم اني مسويه شي وياه مثل الحلم عبالك زيد طلعلي صور بالموبايل انتبهت زين فتحت عيني كولها بداخلي هاي تاره حبيبتي وانتبهت عليها مغمضه عينها يعني مخدرها الحقير الف نفكير براسي والف حسبه اخاف سوالها شي اخاف اخذ عذريتها كمت اصيح يا حقير وضليت اضرب بي فقدت يزن- فهمت ساره اني شسويت وتدمرت معرفت شسوي المهم زيد يتحطم وححطم تاره وياه للاسف ضلت تضرب بيه دفعتها وكعت اغمى عليها
زيد- تركتها وطلعت وصحت وحده من الممرضات تصحيها
ساره- صحيت ابجي واريد اكوم بالي يم تاره لازم افحصها كمت وعدلت نفسي وغسلت وجهي
ورحت للبيت هدل تفاجاو وكتلهم وكعت بدلت تاره واخذتها ويايه للدكتوره كتلها فحوصات كامله لازم قبل منروح لعمان واقتنعت ووديتها للدكتوره واني متفاهمه قبلها وي الدكتوره دخلت وطلعت فحصتها من طلعت كلتلي ماما اي شي ماكو ولا متقرب اطمني اصلا ابد مكايسها ساره- دمعت عيوني شفت الصور بعيني يمكن متلاعب بيها الحقيرضليت افكر منهاي راد يوديها لعمان فكرت استفزه بس بعد خل افكرلها يله وصلنا للبيت وارتاحيت المهم اختي مبيها شي اما زيد فلازم الغي من حياتي واشوفلي غير شغله مدام شك بيه معناها ميعرفني انتهت بيناتنا هدات اعصابي ولخاطر تاره
خابرت يزن اهدده
يزن- دك تلفوني وره فتره يله رديت كنت خايف منها الوً
ساره- باوع اني اعرف ليش هيج سويت حتى تضر زيد ويعوفني ويرجع لحياته المهم زيد بعد ميهمني بس ردت اعرف صدك اكو هيج علاج لو لا
يزن- اي اكو والله واني اسم صرتي طرف بالمشكله واول مره اتندم لان اذيت زيد مو عموده بس عمود تاره
ساره- سالفه تاره اريدها تصير والا ابلغ عنكً ومن التحاليل اكدر اثبت انها كانت متخدره اذا انت مو ببالك هالشي المهم لو تسوي سالفه عمان يزن- اني بالحالتين بلغتي او ما بلغتي سالفه عمان لازم اسويها بس لتكولين لناره عاللي صار تره مو متحمله والله تروح بيها
ساره- ماكو داعي دكولي اختي واعرف شبيها انت بس لتتقرب منها
يزن _ماراح اتقرب منها بعد اصلا اللي ردته صار وزيد بالملحق ودا اسمعه يكسر بالغراض اكيد جايب ويا حبوب من المستشفى
ي
ساره - يطبه طوب انت ويا الله يحاسبكم بس اختي اطيب
يزن- راح تطيب
سديت التلفون بوجهه افكر بزيد التعب اللي تعبته كله حيروح لبست هدومي ورحت لبيته دكيت الباب فتحلي السايق كلي الحكيله دخلت ركض جان توه يريد يبلع صحت زيد وطلعتهن من حلكه باوعت بعينه اني خاينه ماشي بس ما اسوه علمودي ترجع تدمر حياتك انتبه على روحك شوف وين وصلت والبارحه شفتحت
زيد- اطلعي عاهره الاطباء شكد يدفعولج
ساره- بحياتي كلها ممتحمله مذله بكدد ماحملت منك بس ميخالف تاره تستاهل اكثر اصحى زيد هاي كولها لان اني طلعت من حياتك هيج تحبني ومتكدر دوني حته لو خنتك
زيد _شمرت الحبوب انتي وحده متستاهلين دمعه على يا اساس اهدم روحي
ساره- كلش زين تعرف ولتثق باي وحده نصيحه درت وجهي وردت اطلع صاحني عاهره مدرت بال اذا مجيتي الباجر تنسجنين
ساره - وكفت وضهري عليه انداريت شنووو
زيد- تعاي باجر حتى اذلج بعد لان بيناتنا عقد تضلين تشتغلين ويايه خمس سنوات والله راح اوريج الويل واجيب كل اصدقائي يشبعون بيج
ساره- طلعت متخبله شون اني وقعت هالعقد خرب شون وثقت بهيج زمره قويت روحي اساسا ماعدي مجال ادور شغل وتاره بحاجه الي الصبح بدلت ورحت واخذت كل اولويات تاره وامي لان امي حتسافر وياها وقدمت على قرض من البنك واستلمته ويزن سهل المهمه بكفالته باجر ماما وتاره طالعين لعمان والله يرجعلي اختي بسلامه بعد شهر دخلت للمركز متاخره نصف ساعه علمود القرض ودخل يزن ورايه ما اكدر اباوع بوجهه
دخلت المكتب ورتبته وحضرت كلشي
زيد- طلعت من العمليات صارت بوجهي شفتها وبعدني ممرتاح اريد اكتلها بعد كتلها سوي كهوه وجيبيها للمكتب ونزعي الجبه ابقي بالبنطرون وفتت للغرفه ساره- سويت الكهوه وفوتتها اله ومنزعت الجبه طبعا دخلت خليتها على ميزه محتاج شي دكتور رفع نضره ضل يتفرج على جسمي بطريقه مقززه دنكت زيد- تدرين شكد حرام عليج انج تمثلين الديانه والعفه وانتي مطكوكلج سيفونه بمستشفى الوالد ساره- ضليت مدنكه ومجاوبته وكف وتقدم ناحيتي نزعي الجبه اثناء الدوام ولبسي فد شي حصر السكرتيره لازم تجذب نضر ساره- بس هذا مكان علاج مو سمسره نسوان زيد- والله شوفي انتي شكد تاخذين عالساعه واحنا حاضرين متحملت طلعت من الغرفه كعدت عالميز جسمي كله نمل اني بيا حال وهذا ديسممني لا اله الا الله ربي كون ويايه يارب قويني باجر سفره تاره ىماما والامور تمام لحد هسه ويزن توسل بيه ما اكول لتاره على سالفه الصور واني لحد هسه ساكته خل تطيب واروح اهجم بيته شرف الناس لعبه بيده زيد صار اخر همي وطلعته منوكلبي بعد ماسمعت منه الحجي اللي يجرح
زيد- كارهه واريد اذلها خلتني احبها وانعلق بيها وتبيع شرفيات براسي ضليت اتذكر ايامنا وسوالفها مستحيل تسوي هيج جان صار عدها عادي حضني الها تذكرت كل تفصيل صغير
ساره- المركز بعده ممعروف وموهوتي يجون زباين ومرضى فد شي قليل تقريبا 10باليومً ونوزعهم اسنان نسائي عيون واني ارتب وضع المركز واحب شغلي اللي دياذيني زيد بس زيد- وكت الفراغ افتر عالمركز اشوف شكو ماكو واخاف اكو فساد اخاف اكو رشوه اضل مراقب من بعيد افتر لمحت ساره بالمكتبه تقره ضهرها عليه دخلت اشوف شتقره تقربت لكيتها تدرس القريناه اني وياها واوراقي بيدها تقره عليها سديت الباب وقفلتها اندارت خايفه زيد ليش قفلتها الباب افتحها ساره- حاولت اطلع مخلاني تقدم ناحيتي جنت كلش خايفه رجعت ليوره عرفت حيسوي شي والمكتبه الباب والحايط مالتها عازل للصوت يعني لو اموت محد يسمعني زيد- كنت قافل عليها الا اتقرب بالقليل اخذ بوسه واتلمس جسمها تقربت ناحيتها وهي ترجع تسوي نفسها خايفه ابتسمت شنو خايفه يمعوده حالي حال يزن وبقيه الدكاتره ساره- زيد الله يخليك عوفني معقوله تصدك اني عدي هالسوالف خفت منه عيونه تخوف رجعت ليوره انطخيت بالحايط حصرني وخل ايده عالحايط لزمت كلادتي بيها ايه الكرسي ودعاء الجوشن لان بس الله يطلعني منهالمشكله زيد- تقربت منها ردت ابوسها لزمت كلادتها تعجبت كتفتها تقربت من شفايفها ضلت تلهج بشفايفها تردد بشي اني اعرفه وحافظ شفايفها من تلهجه رجعت ليوره مكدرت ليش خايفه مني هيج ماعجبج غمضي عينج وحسبيني يزن او واحد من الدكاتره ساره- زيد انت مصدك الدتكوله اني ساره هيج يطلع مني همست زيد- شون اكذب عيوني ساره- براحتك لعد خلص الحجي مكدرت اكوله وشرف اختي شون بقيت لازمه الكلاده وترجف ايدي لزم ايدي ووخرها شاف الكلاده فتحها وشافها كلي هاي شنو مجاوبته فتحتها لكيت دعاء الحفظ وايه الكرسي ضليت اباوع عليها حاير مستغرب ومتلخبط ساره رسيني الله يخليج عدج سوابق وتبتي ساره- دنكت ومثل بلاع الموس خاف يسوي مشكله وي يزن واني محتاجته هسه وشرف اختي من ناحيه ثانيه ضل يحاجيني احجي كولي جان عدج هالسوالف وتبتي عادي هواي ناس هيج ساره - زيد افتح الباب رحمه لاهلك خليني اروح زيد--الا تحجين فهميني رسيني ساره- اي اي جنت موخوش وتبت بطلت هالسوالف زيد- يعني انتي مو باكر ساره- فتحت عيني كلها دمعت عيني مدا اتحمل يربي تقرب مني فتح الدكم بايد وكتفني بايد اني ارجف زيد-بين صدرها غمضت عينها ضلت تبجي بقيت مستمر افتح العباءه وجسمي يريد جسدها قربت ايدي على صدرها رددت (وجعلنا من بين ايديهم سدا ومن خلفهم سدا واغشيناهم فهم لايبصرون )كش جلدي ودنكت سديت الدكم رفعت عيني بعينها وهديت ايدها ساره- دفعته قوي وفتحت الباب وطلعت اركض زيد- انعل ابو البنات يابو اليتزوج كلهم نفس الشي اخذت كتاب وكعدت اقره واعصابي ترجف اريد اي شي ينسيني ودائما الحبوب تجي ببالي يس مستحيل وحده متسوه تخليني ارجع ليوره كمت رجعت للمكتب كانت عدي عمليه بعد 3ساعات الزائده الدوديه
ضليت افتر بالمركز اشوف شغل الاطباء لمحتها تخابر بالحديقه فتحت الشباك على كيفي اتصنت عليها جانت تبجي وتحاجي امها ماما اي شي تحتاجي تخابرين لتشيلين هم ويزن هناك عده معارف وحاجزاكم غرفه بس ديري بالج على تاره دقيقه لتعوفيها وي يزن ابد الو تاره حبيبتي ديري بالج على روحج ولتعوفين ماما فدوه لكلبج شهر وترجعين احسن من قبل وتكملين دراستج جانت تبجي وتشهك وتحجي وي اختها زيد- هسه عرفت ليش هيج سوت يمكن جانت محتاجه فلوس لاختها زين احنا تكفلنا بتبديل دمها سنويا شتسوي بيها بعد والله حرت رحت للمكتب ودكيتلها تعاي رتبي الهوسه ساره- اجيت ركض ماريد يسمعني حجايه طبيت رتبت المكتب والغراض وهو يراقبني بنضرات متسائله زيد- وجهه صاير دم من البجي وعيونها حمر كلش سالتها هاي شبيج باجيه ساره- سكتت ماريد احجي ويا كملت شغلي تقرب مني مو داحاجيك ليش متجاوبين ساره- ضليت اكمل شغلي مدايره اله بال سحبني من ايدي مو وياج شنو مستصغرتني لزمتها من ركبتها وتذكرت من خنكتها ببيتي احجي ساره- بجيت متحملت بعد مخنوكه عوفني زيد- ردت اموت مم شفتها تبجي يله عفتج كافي سكتي شبيج تاره بيها شي ساره- لالا مبيها شي بس عوفني زيد- ساره تعاي بس كعدي لتبجين كعدتها وقرفصت كدامها ساره ادري بيج ضامه عليه شي اني زيد شبيج العشتي ويا 50يوم وتعرفين عنه كلشي الي طلعتي من حلك الموت احجي اني بيرج والله ما احجي لاحد ولا اسوي شي ساره- بداخلي اكيد حيروح يتعارك وين زين وتخرب السالفه كلها شهر واحجيلك كلشي كتله كلشي ماكو وتاره مبيها شي زيد- زيد محتاجه فلوس خاف تاره محتاجتها اكدر اداينج من راتبج تره يصير ذاك اليوم دكتوره رفل سوتها هيج ساره- لا ممحتاجه
زيد- تقربت منها ويه كم واحد نمتي
ساره _شهكت زيد قسما بالله اذا بعد جبت طاري هالموضوع اطلع واسلم نفسي للشرطه وانعلزابو العقد عفته وطلعت بالباب التقيت بيزن كتله تعال اريد احاجيك اجه ورايه
يزن- وصلت تاره وامج واني الاحد عدي ايفاد للبتراء ابقه سبوعين امر عليهم
ساره- وهالمره شتسوي لاختي تغتصبها وتستغلها لان ضعيفه حالتها من الله لايوفقك
يزن- ساره اسف بس والله انتي واختج بره الموضوع واني مع الاسف دخلت تاره والله ميت قهرساره- احسلك اسكت مطايقه شكلك وصوتك والله اذا صار شي على اختي اشوفك نجوم الضهر يزن - نصيت نضري المهم تطيب وشتريدين تسوين سوي راحت وطلعت من الغرفه انتبهت على زيد جان ديباوع علينا من نحجي خليك تلوب بلكن ترجع لحالتك خليت جهازي عالشحن بغرفه الاجتماعات المشتركه بين المركز والمستشفى مال ابوه وطلعت جان عدي عمليه وي دكتور انس زيد- صار واضح انه هي تحب يزن اكثر مقابلاتها وياه بس ليش تكول لاختها لتثقين بي معقوله تغار عليه اووووف لازم اطلعها من راسي وكلبي رجعت للمكتب واتصلت بيها ردت غده ساره- دقايق ويكون حاضر حضرتله غداه وسويت عصير ووديته للمكتب زيد- اشكرج وطلعت بسرعه وبقينا بالمركز كملت عمليتي وكانت هي تساعدني تمسح العرك وانذكر من جانت تمسح عركي من تجيني الحاله مغطيه وجهه ووججهي بكمامه بس عيونه تحجي
من طلعنا من العمليه التقى ببنيه كانت طبيبه من شافها تفاجا وهي هم ركضت عليه صافحته وينك ضل تساله متغير وصاير احلى زيد- انتبهت على ساره متفاجاه كلت خل اشوفها شحسوي كلت لج هاي وينج وين هالغيبه صايره كمر عيني وضلينا نحجي ونضحك تناسيت وجود ساره التفتت ملكيتها ساره منيه هاي يمكن حبيبته القديمه عيونه وعيونها تكول هيج زيد راح من ايدي المهم اختي تطيب وراها كل جروحي تطيب مو مهم اني كعدت بالمكتب افكر بيها اتصلت والدتي وكالتلي بدو التحاليل وباجر يبدي العلاج يزن- انصدمت بزيد مكمل حياته ولا كانه ساره جانت شي بيها شون لازم اوكعه بمصيبه جان الهوا كلش عالي طلعت ردت اصعد بالسياره القطعه مال مستشفى كلش جبيره جانت عالحافه واني فتحت البراغي حته مركزه يحصل غرامه والكهرباء سويت بيها شورت اثناء اللود تنفجر حتى يحصل غرامه عالكهرباء ردت بس اعطل عمله طلعت جان مطر وهوه كلش عالي رفعت راسي اباوع عالقطعه جانت تتهزهز كلت هسه توكع والكهرباء تنفجر لان الواير معلك بالقطعه واني بنص الشارع اباوع عليها اجه واحد طاير دعمني وما اتذكر شي بعد زيد- سمعت صوت الضربه ركضت باوعت عالشارع شفت يزن واكع بالشارع والناس ملتمه ركضت عليه اصيح يزن ميرد عليه يزن اكعد حاس عليه صحت هالولد تعالو جيبو سديه وشالو والدم ينكط تخبلت شكد بيناتنا كراهيه بس شفته بهالحال تخبلت نقلو ا للطوارئ ورحت وياهم فحصنا عده فطر بالجمجمه وكسر بساق ورضوض بصدره ركض ضمدنا الجروح والكسور جبرناها وبعده بالبنج طلعت صارت بوجهي ساره -زيد
زيد- ها شكو
ساره- صدق يزن هيج اندعم
زيد- اي توه طلعناه شوفي اذا تردين بس بعده مصاحي شفتها ابتسمت بشماته استغربت عفتها مو وكتها
ساره- هاي حوبه اختي البريئه دخلها بموامراته الوسخه بالعافيه عليك بداخلي وراها كتله اني حطلع للبيت محتاج شي
زيد- متشوفي ليزن لعد
ساره- لا شكو شايفته من رخصتك
زيد- الله وياج استغربت شو سالفتها تسطر اووووووف دخت بيها واني بيا حال تدوخ اكبر واحد وره ساعه اني هم طلعت للبيت
وتلفون زيد بيدي طلعت الصور وكعدت اتفرج قربت وشفت الصوره الكاع نفس كاع مستشفى والدي قربت على وجه ساره كانت عبالك نايمه وباوعت اكتافها ضعيفه كلش وهي مربربه معقوله تكون قديمه الصوره ضليت اباوع زيد نايم عليها فوك الجرجف يعني متغطايه وضاهره بس اكتافها وهو نايم عليها بهالوضعيه هو لو صدك بحاله علاقه يكون تحت الجرجف اهوووو هواي اسئله وكلبي يوجعني مدا اتحمل اباوع بعد ضميت التلفون ونمت ضل بالي يم يزن الصبح رحت للمركز ركض للعنايه راقبت الفطر مال جمجمه الحمد لله ماكو اخطار والكسر انشاء الله فتره وينجبر والرضوض دائما نبدلها ضليت افحص عيونه ووجهها واباوع الشعات فتح عينه ابتسمتله الحمد لله عسلامتك يزن
يزن- شنو الصار اندعمت
زيد- اي اي بس الحمد لله طلعت سليم
يزن- شعدي شنو انضرب
زيد- عدك كسر بالساق وعدك فطر بالجمجمه وعدك رضوض وابتسمت والحمد لله تطيب وترجع احسن من اول
يزن- اهوو شحيطيبني
زيد- كول يا الله وانت دكتور شوي مدارات تطيب
يزن- امي وين جتي
زيد- امك عدها ايفاد بدبي بعد اسبوعين تجي انصل بيها ابويه وطمنها
يزن- منو شالتي وشون لحكتو عليه
زيد- اني سمعت الصوت وركضت الحمد لله اوه ديصير نزيف ولحكنالك بالدماغ بس والله طلع جسمك قوي الحمد لله
يزن- مشكور منك متوقعت حتركضلي انت وتسويلي العمليه
زيد- هههه شون ميكون انجمعنا بصف واحد وخمس سنين ربينا ببيت واحد وتعاركنا هواي بس احنا سوه ونعتبر عائله امك متزوجه ابويه يعني انت بمثابه اخويه
يزن- سمعته ودمعت عيني اذيتك هواي زيد
زيد- انسى كلشي هسه متعرف الله شكاتبلي باجر يزن اني ماعدي اخوه ولا خوات اريدك وكت وكعتي واول واحد انت نورتني من كتلي على ساره موخوش جان تعكلت بيها هسه
يزن- زيد انت غلطان ودمعت عيني
زيد- شنو الغلط بالموضوع صورتها وشفتها بعيني
يزن- زيد ماعرف شكولك بس اني اكثر واحد حقير بهالدنيه والله شميسوي بيه قليل والله الصار استهال اكثر منه بعد ضليت ابجي
زيد- احجيلي يزن ترتاح وابدي صفحه بيضه كتلك فلوس ابويه اخذها كلها عدي املاك امي وعدي دراستي اكدر اكون نفسي بس ماعدي اخ واريدك تكون اخويه نورني تره صارلي اسبوع حاير
يزن- زيد روح لساره ولتعوفها تروح من ايدك ساره ماكو منها تره ومحد لازمها قبلك ولا احد حاجي وياها وبمستشفى ابوك خبلت الدكاتره ومحد كدر يلوحها
زيد- يزن لتخبلني والبصوره منووووو
يزن- ضليت ابجي هاي اختها تاره من جتي تنقل دم خدرتها وطكيت وياها صور بس حتى تشوفهاوتتاذى وترجع للادمان وازيدك بعد اني اشتريت دكاتره بفلوس ابوك حته يبقوك مدمن واني خليت الولد ينطيك الحبوب وانت دتداويني عوفني اموت
زيد- لا مستحيل يزن المثلك لازم ميعيش بس بسيطه شنسالك وحده اثنين
يزن- زيد اكتلني وريحني اني من يوم السويته بهالبنيه هيج تدمرت بين بيه شي ابيض وكمت احس احساس حلو تجاهه وحاولت استغل ساره واساعد تاره وهسه هي دتتعالج بعمان وي امها حتى بعد متضطر تبدل دم سنويا
زيد- تقريت منه خنكته انت لازم تموت لك انت شنو بنيه مريضه شوهت شمعتها شفته ميت بجي عفته ضميره يانبه رحت للمكتبه اركض سديت الباب قفلتها ىكمت اصيح كل قوتي اريد ارتاح بقيت ابجي للضهر وكلها تسال عليه اني ادري بس مكدرت اطلع شيطان جان ويايه بكل خطواتي دمرني وضيع حب حياتي اتذكر تعبها ويايه وابجي واتذكر شكد اذيتها وابجي من كلبي وضليت اضرب بروحي واعض اصبع حسيت بدوخه واني كلشي مماكل من الصبح فتحت باب المكتبه وساره جانت دتفوت من يم الباب ولمحتني جنت دايخ ووجهي احمر وعيوني كلش حمر وانفي
ساره- شفته بهالحاله كلت رجع للحبوب صحت زيد شبيك اتكا على جسمي ووديته للمكتب تمدد عالقنفه دايخ تقربت منه همست متعاطي
زيد- هزيت راسي لا
ساره- لعد شنو شبيها حالتك
زيد- بجيت ومتحملت بقيت ابجي
ساره - ركضت جبت مي ونطيته حبايه مهدئ حالته مبينه صعبه شربها شوي ونام واني كنت قريبه منه غطيته بغطه جنت ماخذته من المستشفى ضليت اراقبه حضرتله عصير وغده وكعدته كوم اتغده مماكل شي موو زيد هز راسه لا وميباوع بعيني
زيد- والله خجلان احط عيني بعينها فوك تعبها ويايه هيج اذلها من امداني
ساره - بديت اوكله وهو ميباوع بوجهي مهامني بس المهم ميرجع لحالته ويضيع تعبنا دك تلفوني رديت الو ها حبيبتي صدك الحمد لله يله اريدج قويه
زيد- اكيد هاي اختها
ساره - تقربت منه كملتله الاكل ورفعت الصينيه وجبت العصير مقبل يشربه جبت القصبه وخليتها بحلكه الله يخليك شربه وجهك اصفر دمعت عينه وميباوع بعيني شربه وكام شوي شوي اتكا هالحايط ساره اخذت الصينيه وطلعت وكعدت بمكتبي اقره وبالي يمه ليش هيج صاير بيه ومرحت شفت يزن ابد
عمان-------
تاره - اتصل يزن على تلفون امي رديت وامي جانت دتجيب الغده الوو
يزن- تحجي همس طبيعتها ومن تحجي تذوب روحي الوو هلو تاره شونج
تاره- الحمد لله
يزن- محتاجه شي
تاره- لا تسلم
يزن- شون تحسين نفسج باول كورس
تاره- ااابس شوي اكو الم خفيف بجسمي شكرا على سوالك
يزن- هدوئها هداني ورخالي اعصابي سكتت فتره
تاره- الو
يزن- مابيج غير العافيه
تاره- شكرا مع السلامه
يزن - الله وياج اووووف ربي هادئه وناسكه وبريئه واني لعبت ببرائتها احس نفسي شيطان اساسا اني شيطان ضليت ابجي على كل غلط غلطته بقيت افكر بسواد كلبي وبكلام زيد تدمرت من كلي اخذ فلوس ابويه بس اريد اخ اااه من اتذكر طعم شفايفها البريئه بشفاي اذوب
ساره-بقيت افكر بيه شبي هيج متدمر
زيد- دكيتلها اجتي كتلها ساره اذا تريدين هسه نلغي العقد وتاخذين راحتج اني اذيتج هواي احجي وابجي
ساره- ليش شبيك بس فهمني ليش تبجي زيد المثلك يشوف الدنيه كلها تافهه انت واجهت الم محد يتحمله وانت تحملته وهسه واكف على طولك وفاتح مركز طبي
زيد- تحجي وترفع من معنوياتي واني اتكطع ضليت اشهك كافي اسكتي الله يخليج اني ضلمتج وذليتج وانتي كومه تعبتي ويايه
ساره- تاكدت انه يزن كايله كلشي بس اني معاتبه بس عليك ليش انت متعرفني صار شكد وياك تشك بيه
زيد- شفت الصوره غشتني
ساره- هسه انسى كلشي بس اني ما اكدر ارجع ارتبط بيك بس هليني بالمركز ماعدي غير شغله واذا تريد عادي من باجر ادور شغل
زيد- سوي الترتاحيله بس سامحيني
ساره- الله يسامح مو اني تعذرني طلعت واني رافعه راسي وراس اهلي وتربيتي
زيد- ما اكدر بعد طلعت من المركز ورحت للشط ضليت هناك ابجي تعبت من دنيتي تعبت
ساره- رجعت للبيت والدي فاتحني بموضوع انه جايين عليه ناس يخطبوني وخوش ناس ويعرفونا وشرط الولد انه اعوف الشغل
ساره- بابا وشلون تكاليف تاره
والدي - بابا حبيبتي انتي ابقي بهالثلث سنين داومي وراها بطلي من تكمل الفلوس
ساره- ماشي
والدي- او نطلب مهر 20مليون ونوفي الدين وانتي تتزوجين وترتاحين والولد ميتعيب
ساره- اوكي بابا خليني افكر بقيت افكر الليل كوله احسن شي اتزوج ىاخلص من هالموامرات تعبت وتعبت اعصابي ماكو هيج عالم ناس تاكل ناس واحتا ناس بسيطين وعلى نيتنا
اتزوج واطلب مهر واوفي الدين وتاره ترجع متعافايه انشاء الله تكمل دراستها واني ابقى ببيت زوجي ماكدر اشتغل بنص الرياجيل قررت وكلت لوالدي الصبح طلعت للمركز ورتبت الامور ورتبت مكتب زيد وحضرتله الريوك دخل للمكتب واني بعدني موجوده التفتت شفته ورايه نضراته موتتني بس قويت كلبي ردت اطلع لزمني وكعد على ركبه باسني من ايدي رجعيلي ساره اسف ما اشك بيج بعد
ساره- كوم دكتور شنو هاي لتقلل من قيمتك اني رحت او اجيت مره انت تبقى رجال ودكتور اني مستحيل ارجعلك مجتمعكم يختلف احنا ناس بسيطين على كد حالنا منتوالم والله شوفلك وحده نفس مستواك زيد- انتي شدتحجين كل عقلج اعوفج ساره- اي تعوفني لان اني ماريدك خليها ببالك وصدكها وعفته وطلعت ماعدي شي فتت للمكتبه اقره قران حسيت انسدت الباب وانقفلت فزيت التفتت شفته ورايه تقدم ناحيتي غطيت ايدي بوجهي تعبت من سوالفه شوكت ارتاح واخلص شتريد كتله
زيد- رجعيلي
ساره - مافيدك بعد مخطوبه اني ورحت للباب افتحها ركض قبلي وشال المفتاح
زيد _شكلتي مخطوبه منو خاطبج وشوكت عله صوته وتقرب مني صاير نار مو اعصاب رجعت ليوره تقرب مني وصلت للحايط لزم ايدي قوي شوكت انخطبتي
ساره- البارحه اجوي ناس ووافقت واليوم يلبسون الخواتم بليل هاهي قصتنا انتهت زيد ما اكدر اعيش بمجتمعكم
زيد- لزمت حنكها شافج الولد حجيت وياه بالتلفون
ساره- لابعدني اخ اخ عفيه دوخر دفعته تقرب اةثر
زيد- مستحيل احد يلزمج غيري ومتصيرين لغيري
ساره- هالشي شيله من راسك تعبت منك
زيد- ساره افهمي زيد اقتلج واقتل روحي وراج فهمتي تقربت منها نفسها ونفسيً واحد صار بستها قوي اذيتها وراها صار بوسه ناعمه هدات بيها حضنتها وبقيت ابوس بيها لحد مخلص نفسي رجعت ليوره وممصدك بستها باوعت بعينها مغمضه وذايبه رجعت بستها على كيفي تفننت احتضنتهاقوي لتعوفيني باصعب اوقاتي معفتيني تعرفيني هسه
ساره- انت عفتني من احتاجيتك سند ملكيتك بجيت وفقدت طلعت قهري كله وضل يحضن بيه كافي عمري ماعوفج بعد وروحها لامي حضنتها حضنه حسيتها دخلت بضلوعي
ارتاحت وهدات وكعدت وحجيتلها كلشي وهي هم حجتلي لزمت ايدها هاهي بعد صارت كرصه اذن بستها ماريد غيرج كملي نص ديني ساره- بس خل ساره تطيب والله كريم تقرب مني
زيد- بوسه وحده وبعد ما اتقرب منج تقربت هي ودمرتني وباستني ذوبتني احبج كلتها وبستها من راسها يله عمري امشي
زيد- طلعت واني مالك الدنيا ساره ايدي بايدها
ساره- خابرت والدي وكتله ارفض الجماعه ما اريد اتزوج ونهيت الموضوع ليش اكذب على روحي واني روحي بزيد من جنت بالمشتمل فتحت عيني عليه وعلى حنيته وسوالفه
زيد- امشي نشوف يزن شون صار
ساره- امشي خل نشوف تاليها دخلنه عليه كان كاعد يقره قران باوعتله حمد الله عسللامتك
زيد- شون صرت
يزن- دنكت خجلان منهم ساره طلعت حوبه اختج واستاهل اكثر
ساره - لتكول هيج الله نطاك فرصه تغير من نفسك
يزن - زيد سامحني
زيد- ماعدي غير حل اريد احد يوكف ويايه بعرسي وباوعت لساره يزن- الحمد لله وبجيت الله ينطيكم مثل نيتكم
ساره- الله يصفي نيتك
يزن- شخبار تاره بالي يمها
ساره- اختي مالك علاقه بيها
يزن/ اسف
زيد- يله يابه شون صرت الخميس نفتح الجبس وتجرب تمشي بالعكاز
يزن- زيد كافي تره دا اكره روحي
زيد- يزن محتاجك وياي بالمركز والشين التعرفه احسن من الزين المتعرفه
ساره- يله اترخص اني وطلعت اتصلت بتاره وكلتلي اخبارها وكمت اداوم علدي بشكل يومي بالمركز بقه على علاج تاره اسبوعين وبهالاسبوع كنا ملتهين جدا بيزن وبالمرضى وبالعمليات جان اكو لود واني وزيد فقط بيناتنا نضرات مكدرنا نبقى ببحدنا دقيقه وحده
واني بالمركز انطفت الكهرباء تفاجانا وره دقيقه اجتي وزيد كان ماد ايده وبيده علبه الحلقه المفتوحه وداير مدايري زملائنا كلهم وكلي ساره تتزوجيني تبسمت دمعت عيني عدي بيت تطلبني منه زيد- واذا جنت جايب ابو البيت وهو موافق اذا وافقتي رفعتي راسي ادور التفتت لكيته كدامي وعينه مدمعه حبيبي بابا - عمر ابوج انته وفخره اني موافق اذا وافقتي دكتور زيد ذهب سلره- نصيت وابتسمت وهزيت راسي موافقه كام وباسني من راسي حبيبتي ولبسني الحلقه احلى شي بحياتي انتي صار وما انسى وكفتج ولا انسى من ضربتج ولا انسى من سامحتيني راح اعيشج احلى حياه ساره- ماريد اعيش احلى حياه اريد اعيش وياك مثل مجننا بفتره العلاج زيد- ابتسمت وبستها من ايدها ورحت على ابوها ووالدي بستهم من راسهم وهي هم باست ايد والدي ووالدي كللها هديه لابني جيتيني من السما يزن- كان واكف على صفحه مدنك تقرب منه زيد يعني متباركلي حضنه وصار يبجي زيد- يزن محتاجك لايامي السود لتعوفني ولتغدر بيه يزن - اواعدك
ساره - جنت شبه طايره والكع متشيلني تمنيت تاره ويايه تكون خابرتها كلتلي تعالي محتاجتج مدا اكدر اكمل الاسبوعين بعد نفسي ضاق رحت لزيد حاجيته كلي العلاج يسوي كاابه موقتا ساره- زيد اني لازم اروحلها مدا اكدر
زيد _ماشي وشكد تبقين ساره- اكمل علاجها واجي يزن- عادي اذا جيت شفتها عكب باجر طالع لعمان ايفاد ممكن امر اشوفها ساره- دير بالك توصل يمها ادفنكً
زيد- ساره على كيفج اعصابج
ساره- رجعت للبيت حضرت غراضي وعكب باجر طالعه زيد - الو ساره ساره- ها حبيبي زيد- باعي نعقد سيد وروحي ساره- لا حتى تاره تحضر مهري زيد _حبيبي اعرف منسوي مهر نعقد ونخلص من تجين بس نسوي المهر نحتفل ساره- عجبتني الفكره اصلا احنا ماعدنا مجال خل نخلص هاي الامور ثاني يوم عقدنا وصرنا زوج وزوجه سيد ومحكمه وطلعنا احلى طلعه من جانب اخر
يزن - كل يوم كمت اتصل بتاره كلامها جدا قليل واحب هاي الصفه بيها هدوئها بس بينت انها كلش مكتئبه بسبب العلاج صرنا شبه اصدقاء
الو- تاره شونج اليوم خو ماكو الم
تاره- هلاو الحمد لله لاراح الالم بس شوي محتصره
يزن- منو وياج احركها لعمان بالبيها اذا احد خلاج تضوجين
تاره - هههههه لا والله مادري ليش بس عادي كولها اسبوعين ونكمل العلاج
يزن- ضحكتها موتتني منتهى البرائه والنزاكه والهدوء انشاء الله نكمل على خير وعافيه
تاره -تسلم
يزن - يمكن كم يوم واجي اشوفج
تاره- صدك فرحت كلش
يزن - ليش فرحتي اني مهم عدج
تاره- ها ماعرف مادري يله مع السلامه
يزن - ههه ماشي ماشي شنو تريدين اجيبلج من بغداد
تاره - هههه هواها مشتاقه لهواها
يزن - ماشي مع السلامه
تاره _راح انتضرك
يزن- واني متشوق اشوفج
تاره- سكتت خجلانه باي كلت بهمس
يزن- حضنت التلفون وكلبي راح يوكف
رحت باركت لزيد وساره وكتلها باجر طالع اني وكالت اني هم وثاني يوم توادعت وي زيد اللي دمعت عينه من صعدت الطياره بس اني جنت متشوقه اشوف نصفي الثاني يزن كعد يمي بالطياره
يزن- ساره اريد اشوف تاره
ساره- كتلك لتتقرب منها
يزن- احبها ومدا اكدر ويوميه اخابرها احاجيها دقايق اسال عليها واسده واذا مخليتيني اشوفها اموت نفسي
ساره- جنت مصدومه تحبها وتاره تحاجيك زين هي شنو رايها يزن- والله البارحه كلتلي انتضرك تجي ساره- انت حتاذي اختي مستحيل اخلي العلاقه تستمر يزن- اختج هي اللي صحتني على روحي وصفت كلبي الله يخليج لتحرميني منها
ساره - باوعت عليه نوصل والله كريم بداخلي صح يزن بعد اللي صار متركنا وتغير جذريا وميتعيب طبيب وناجح
وصلنا وتلاكيت وي اختي وروحي ردتلي ويزن منعته يوصل بقينا سوه اني وتاره وهي حبيبتي فرحت كلش بشوفتي وضلينا نسولف لحد منمت وماما هم نامت وهي بقت بالغرفه مال مستشفى واحنا نايمين بالسويت وهي بالغرفه الرئيسيه
تاره- ضليت افكر ب يزن كذب عليه وكلي راح اجي وما اجه ضجت عبالي اشوفه رن التلفون
يزن- الو تاره
تاره- هلو ليش تكدب عليه
يزن - مكدرت اوصل طيارتي باجر انتي وين هسه ووصلتلج ساره
تاره- اي وصلت ونايمه بالغرفه الثانيه وي ماما
يزن - حبيت افاجئها عرفت ماكو احد يمها والغرفه مالتهم كانت ضلمه فتحت الباب علكيفي وبعدني احجي وي تاره عالتلفون تقربت منها وضوه التلفون عاكس على وجههي ابتسمت تاره--فزيت ماعرف من فتح الباب عدلت كعدتي دخل رجال طويل وعضلات وجه الموبايل على وجهه يزن- هلاوو همست تاره- ابتسمت هلو ودنكت حجابي مو يمي وشعري مفلول سحب كرسي وكعد يمي كانت الغرفه ضلمه كلش وبس ضوه الفون اشوف بس عيونه ويشوف عيوني ضلينا كاعدين واحد يباوع عالثاني ساكتين واني كلسا ادنك
يزن- احس حته الحجي ضاع بس اريد اباوع الخضار اللي بعينها ماريد تدنك اريد اشبع شوف منها لزمت ايدها دنكت خجلانه بستها لا يدها
يزن - همست تاره اكيد حاسه بالداحسه مو
تاره - هزيت راسي ذايبه اي من دون كلام
يزن - شون تشوفيني سيء لو طيب
تاره- انت ساعدتني بيوم تبديل الدم ومعفتني وحتى باحلامي شفتك ومره ثانيه ساعدتني بالعلاج اللي هنا واني ماعرفك شون تتوقع تكون طيب لو سيء
يزن- نصيت على ايدها ابجي
تاره- شفته يبجي استغربت بجيت وياه اني واكفه على شعرايه الكاابه فول شبيك تبجي
رفع راسه واسن انتي ليش تبجين
تاره- ماعرف شفتك تبجي متحملت
يزن- فدوه لهالنزاكه والبراءه ضليت اباوع عليها تاره اني سيء كلش وما ارهملج
تاره- ليش تحجي هيج مشغت بطيبتك
يزن- ابجي واحجي حيل صعبت الموضوع عليه
تاره اني مو مثل متضنين اني جنت شيطان وانتي غيرتيني
تاره- خليت ايدي على حلكه اسكته لتحجي هيج ما اقبل
يزن - ذبت بلمستها وبست اصابعها شنو حلمتي بيه من دتبدلين الدم
تاره- دنكت خجلانه ما اكدر احجي
يزن - وبدون مقدمات تقربت من شفايفها وبستها متحملت اشتاقيت لطعمها ذابت بايدي ردت اموت ممصدك انقطع نفسي وخليت راسها على صدري متدرين اني شمسوي بيج ومن وراها حبيتج
تاره- ذبت وروحي راحت من باسني كانما مثل الحلمً كتله ليش سويت هيج واني حلمت بيك هيج تسوي
يزن- صفنت بس لا جانت حاسه وعبالها حلم
متحملت بعد تاره اني احقر انسان ممكن تصادفي بحياتج
تاره- اني مشفتك هيج يزن- تحجي بهمس وتجر الحجايه مثل براءه الاطفال واني حموت قهر شون اذيتها
يزن- فتحت الفون وطلعت الصور شوفي حقارتي
تاره - شفت الصور انصدمت ودمعت عيني باوعته ليش هيج سويت بجيت
يزن- بجت واني ابجي كتلها حتى اوكع بين ساره وزيد بسبب حقدي عليه بس هسه تصافينا وتخاوينا واني قررت ابتعد عن اي غلط ضلت تبجي توسلت بيها موتيني ضربيني لتبجين
تاره- تخبلت من شفتهن بس هم بعدني احبك اخذت الفون ردت هالشي ينتهي وابقى احبه واحس بحبه اخذت الفون من ايده ومسحت الصور ومسحت دموعي هو يراقبني يبجي كتله هاهي ماكو مسويت هيج شي انت زيد- صدمتني بجيت انتي منين مخلوقه من طيبه لج بابا اني ما استحقج تاره- اني مو كل يوميه كلبي راح ينبض اذا جنت مرايدني روح الله وياك واذا حابني لتعوفني
يزن- كلبج الي ينبض
تاره - يزن ماعرف ليش اشوف فارس بالنسبه الي وطيفي الوردي لمن اضوج واختنك
يزن- فرحت بكلامها ابتسمت كتلها تختنكين وجايبلج هوه بغدادً
تاره/ شون تجيب الهوه
يزن- والنبي جايبه فتحت جنطه صغيره جايبها ويايه جنت طلعت نفاخه صغيره كتلها باعي
تاره/ ضحكت ضحك بحياتي مضاحكته مخلي نفاخه بجنطته وجيبلي ريحه من العراق
يزن- ليش تضحكين لج والله هاي هوه بغدا من تختنكين فتحي النفاخه وشتمي بس مو تطلعيت الصوت تفضحينا
تاره- ضليت اضحك وهو يراقبني
يزن- تدرين شداحس نفسي
تاره- شنو همست
يزن- انولدت من جديد نضيف لاسواد بيه ولارحقد بست ايدها وسالتها تاره تتزوجيني
تاره- دنكت خجلانه مبتسمه
يزن- احبج اني من اول مره شفتج بيها تقربت منها اريد بعد اضوك شفايفج كل يوميهوجنت اشتافلها تاره/ دنكت خجلانه
يزن- رفعت واسها على كيفي وبستها برقه بس مو مثل رقتها رجف جسمي وكلبي حضنتها قوي
يزن- يله حروح باجر اجيج
تاره- وين حتروح ابقه
يزن اتمنى بس ساره تذبحني
تاره - ماشي روح يله
