البارت 38
سمع آسر ما صدمه بشده وجعله يتسمر مكانه ..فقد استمع لصوت الخادمه تتحدث علي الهاتف مع احد ما وتنقل له اخبارهم وقد زكرت اسم ساره و......
الخادمه : ايوه يا هانم .....لا لسه بيدور علي مدام ساره ومش بيرجع غير متاخر ينام شويه ويطلع يدور تاني ....حاضر يا هانم هفضل متابعهم وبلغك اول باول .....حاضر يا هانم انا خدامتك
وفجاءه دخل آسر فارتبكت الخادمه كثيييرا وظهر الخوف علي ملامحها بشده وسقط الهاتف من يده
الخادمه بخوف : آسر بيه ....حضرتك عاوز حاجه
آسر : كنتي بتكلمي مين
الخادمه بتوتر : هاااا مكنتش بكلم حد
آسر بصوت عالي : انطقي احسنلك وقولي كنتي بتكلمي مين
الخادمه بخوف : مكنتش بكلم حد
فقد آسر اعصابه من تمسكها بالانكار وتقدم ناحيتها بخطي سريعه وامسك بعنقها وضغط عليه حتي كاد يقتلها ولكن فجاه دخل الجميع بعد ان اخبرتهم خادمه اخري كانت تراقب الموقف من بعيد وعندما وجدت آسر يتقدم من الخادمه وعلي وشك قتلها ركضت بسرعه واخبرت الجميع ....تقدم ياسين بسرعه باتجاه آسر وبصعوبه ابعده عن الخادمه قبل ان تموت
ياسين : اهدء يا آسر ....انت بتعمل ايه ...سيبها خلاص هتموت
الخادمه : كح كح ....الله يخليك يا ياسين بيه خليه يسبني
آسر بعصبيه : وحيات امي لو ما اعترفتي بكل حاجه لاقتلك
الخادمه برعب : خلاص خلاص هقول علي كل حاجه ...بس ابوس رجلك تسبني اروح لعيالي
عزالدين بحده : انطقي قولي هببتي ايه
الخادمه : من كام شهر في وحده جيتلي البيت ودتني فلوس كتير اوي مقابل اني ابلغها كل اخباركم وكمان ادتني شريط دواء وقالتي احط منه لمدام ساره كل يوم في العصير واني اراقبها كويس وفي يوم سمعت مدام ساره بتكلم واحد في التليفون علشان تحضر مفجاءه لسعاتك وبتتفق معاه تقابله ...ورحت قولتلها فرحت اوي ودتني فلوس زياده وكمان ادتني حاجه احطها لساره هانم قبل ما تروح تقابل اللي كانت بتكلمه بساعه او اكتر
آسر بغضب : يا بت ال ....... هاتي الحاجه اللي ادتهالك
الخادمه : حاضر ....ثم ذهب للمطبخ وعادت سريعا وهي تحمل شريط دواء به حبوب صفراء صغيره وكيس صغير به مسحوق ابيض
نظر لهم الجميع ولم يعرفوا ما بهم
آسر : ايه ده
ياسين : تعال نسأل عليهم في الصيدليه
آسر : طيب يالا بسرعه .....وثم ذهبوا سريعا وعادوا ووجوههم تحمل الصدمه والغضب
مرفت بلهفه : هااا يا ابني لقيت ايه
آسر بغضب وعصبيه هادره : بنت الكلب كانت بتدي مراتي منع الحمل والكيس الابيض كان عباره عن ماده مخدره تخليها دايخه وتعبانه وده يبرر اللي قاله يوسف انا كانت تعبانه واغمي عليها ....آآه يا ولاد الكلب خطه مدروسه بالمللي وانا زي الحمار ساعدتهم وضيعت مراتي مني
عزالدين : اهدء يا ابني ...ان شاء الله هنلقيها
آسر وهو ينظر للخادمه بغل : مين اللي اداكي الحاجات دي يا بنت ال ******
الخادمه بخوف : معرفش ...معرفش
ياسين بحده : انطقي بدل ما بلغ البوليس
الخادمه : لا والنبي يا بيه بلاش البوليس ...انا عندي عيال عاوزه اربيهم
مرفت بصرامه : طيب انطقي وقولي مين اللي قالك تعملي كده
الخادمه : وحده اسمها نيفين
آسر بصدمه : نيفين ....يا بنت ال **** ازاي مشكتش فيها
عزالدين : نيفين مين
آسر بتوتر : بعدين يا بابا ...ثم وجه حديثه للخادمه ...تتصلي بيها حالا وتقوليلها انك عرفتي حاجات مهمه ولازم تقبليها وتحاولي تعرفي منها مكان شقتها ....اكيد هي اللي عارفه مكان ساره
أنت تقرأ
القاسي العنيد
Romanceهو شخصية عنيدة جرحها الحب فأصبح قاسي جدا ينتقم من كل جنس حواء اما هى فتعشقة بشدة لذلك قررت تغييرة وان تعيد له ثقته في الحب فهل ستستطيع ببراءتها ان تتغلب على عنادة وقسوتة؟؟؟؟ سارة & آسر 《القاسي العنيد 》
