رواية طلبني قلبي وعطيته وطلبته قلبه وتردد

9

مشتاق انا لصـوته مشتاق انا اشـوفه
وحشني كل شي فيـه وحشني كل شي فيه

يادنيا ويــن اللي غدا لروحي رفيق
اللي احبه واعشقه واوله عليه
اللي بوجوده عمري ما ازعل واضيق
اللي ابيع الكــون لجله واشتريه

مشتاق انا مشتاق

مشتاق انا مشتاق

يادنيا وش ذنبي انا .. لاصرت احبه وبجنون
معقوله يهجرني انا .. معقوله بعيونه اهون
وآنا اللي اهديته العمر .. واهديته كل هذي السنين
ليته سأل نفسه في يوم .. بعده ترك قلبه لــمين
آهـ آهـ آهـ متى قلبه يحس بيوم فيني
آهـ آهـ آهـ متى عينه بتبكي لجــل عيني
مشتاق انا مشتاق

والبعد ماينطاق

مشتاق انا مشتاق

يادنيا قوليله .. من غيره اشكيله
ودي اشوفه يوم .. حتى ولو ليله
خليــه يرجعلي .. هو دنيتي واهلي
قوليله يادنـــيا .. بعده انا ملي

آهـ آهـ آهـ متى قلبه بيوم يحس فيني
آهـ آهـ آهـ متى عينه بتبكي لجل عيني
مشتاق انا مشتـاق
مشتاق انا مشتاق

مشتاق انا مشتاق
________________________________
♥ اجوأء لندن ♥
احمد : ترا من جد سخيفين
فهد وهو يضحك : ههههههههههه انت شايف شكلك معاها
نايف يمسح دموعه : قسم بالله تقول ام وولدها
سعد : ههههههههههه المشكله يحسبها حلوة
احمد : خلاص عاد زودوتها انت وهو
فهد : ههههههههه خلاص خلاص
نايف : شرايكم نطلع الجو ممطر اليوم
احمد : يا رييت انخنقت هنا
سعد : طلعو انتو مفكك الف
فهد : يارجال قم باقي لكم اسبوع وتنقلعون
احمد : اشوفك مبسوط بروحتنا
نايف : الا زعلانين والله من بنكد علي الحين
سعد يحط يده عكتف نايف : افاا وانتو بتجونا
فهد : يلا مشينا
الشباب : يلا
طلعو الشباب وقامو يتمشون وبعدين راحو كوفي
( فهد ونايف سعوديين مع سعد واحمد بالشقة ) فهد : تصدقون اشتقت للسعودية
نايف : وانا بعد
سعد : اشتقت للمقالب الي اسويها
فهد : شباب شرايكم نرجع سوا
احمد : من جدك انت
نايف : انا عندي اجازة الحين
فهد : اي وانا اكنسل
سعد : لا يا رجال تكنسل وترجع من جديد
نايف : فهوود شرايك نتكلم مع الدكتور يعطينا اجازة
فهد : قولتك
احمد : اذا انا اروح احجز بكرا والسفر يوم الخميس
نايف : ليش من بكرا
سعد : لا تنسى بنشتري هدايا
فهد : اووكي خلاص اتفقنا
________________________________
# نرجع للسعودية #
فيصل : ساامي ساامي
سامي نايم : همممم
فيصل : قم لادوس ببطنك
سامي فتح عينه : شتبي
فيصل بصراخ : اقوولك قمم
سامي وهو لف نفسه: نعمم شفييك
فيصل : ليي ما قلتلي عن التحاليل
سامي وهو يفرك عيونه : لا حووول مصحيني عشان كذا
فيصل بعصبية : سامي لا تجنني
سامي : شتبي خلاص
فيصل : الساعه تسع بنروح الدكتور وبنسوي كل شي فاااهم
سامي يسلك معاه : ان شاء الله ان شاءالله
فيصل : نام الحين
سامي : اي نووم يرحم امك جايني مثل الثور الهايج والحين تبيني انام
فيصل : طيب قم نروح لبندر حالته ما تسر العدو
سامي : زييين
________________________________
جوري طايحه ع السرير تبكي
ابرار : جوري قوومي كلي
جوري : احم مابي
ابرار : موب زين الي تسوي بنفسك قومي بلييز عشاني
جوري : لا حول ولا قوة الا بالله
ابرار : يلاااا قومي
جوري : جدي ويين
ابرار بارتباك : هوو ...ر راح
جوري : ابرار شصااير
ابرار : جوري بصراحه .....جدي سووا العزا
جوري بصدمة : سوووا
ابرار هزت راسها
جوري : يعني ....م مات
ابرار تحضن جوري : ان لله وان اليه راجعون
جوري قامت تصيح : مااات يا ابرار ماات وخلاني
جتهم شوق : جوري ابرار يلا نزلو تحت
جوري وهي تصيح: مابي انزل
ابرار : جووري عشاني
جوري وهي تصيح : م اقدر م اقدر
شوق جت ومسكتها من يدها : قوومي معاي
نزلن البنات تحت وكان في حريم بالصاله
والبنات قاعدات حوالين رانيا يواسنها
جوري تهمس لابرار : بروح اقعد بلحديقة
ابرار : بس ....
قاطعتها جوري : مو متحمله اظل هنا
ابرار هزت راسها
جوري اخذت عباتها وشيلتها وقعدت بلحديقة
________________________________
عبدالرحمن : بندر تكفى يا خوي لا تسوي كذا
سعود : انت تعذب نفسك علفاضي
سامي : بندر رد لا تظل ساكت تكلم
بندر : بطلع اقعد برا
فيصل : خلوو يقعد لحاله
طلع بندر يقعد بلحديقة
________________________________
جوري وهي تصيح وماسكه صورة راكان : ليش خليتني ليش تركتني لحالي وما سألت حتى شنو بصير فيني حراام عليك تروح وتتركني كذا تعذبني من بعدك .....راكان تكفى ارجع عشاني والله احبك راكان تكفى لا تروح وتخليني انا احبك والله احبك .........رااااكاااان
كان يطالع فيها شلون تبكي وتصيح كان يشوف دموعها الي تنزل بكل صدق كانها فقدت شي غالي كان وده يبكي هو بعد ويصارخ
بندر تحرك وراح قعد جنبها : كان يجي عند جدي عشان يشوفك كان يتمنى ان يلمحكي لو ثواني تصدقين ان جا قالي انا اول واحد ان يحبك وان بيخطبكي كان يخطط لحياتكم من يوم كان بالثانوية ......-بندر خانته دمعته ونزلت - تصدقين يوم جاني مبسوط سألته شفيك قالي شفتها وتكلمت معاها بحجة البحث بس كانت زعلانه وسألتني انا وش بالنسبه لك تصدقين كان بقولك ان يحبك ويموت فيك وانك اغلا شي بحياته
* جوري صياحها قام يزيد
بندر : بس شوفي الحين حنا متزوجين وراكان بسبب هالزواج راح وخلانا خلاص
جوري وهي تصيح : ا..شت..قتله
بندر وهو يمسح دمعته : وانا بعد
جوري قامت تصيح بقووة
* كانو قاعدين يصيحون كيف طاحت دموعهم ما يدرون كل واحد فيهم حاول بس ما قدر
بس في شي صدمهم صوت شخص : شصاير هنا
بندر : !!!!!!!!!
جوري : !!!!!!!!
نفس السؤال انعاد عليهم : شصااير هنا
بندر وقف بسرعه
جوري : ر...ا...كان وطاحت بلارض
بندر للحين مكانه مصدوم
راكان ركض لجوري : جوري جووري
راكان وقف وراح لبندر : بندر بندر شصاير ليش تصيح وجوري ليش تصيح شصاااار
بندر طالع في ورفع يده وحطها عوجه راكان : انت عايش ما مت
راكان مسك بندر من كتوفه : بندر شفيييك
بندر عينه دمعت وحضن راكان بقوة : انت حي انت ما رحت وخليتنا
راكان مسك راس بندر ومسح دموعه : انا قدامك
ابرار جت عليهم : رااكااان وطاحت هي بعد علارض
راكان راح لابرار : ابرار ابرار قوومي
بندر جا بيحمل ابرار بس مسكه راكان
راكان : حرااام رح شف - وطالع جوري - زوجتك
بندر هز راسه وراح اخذ جوري ودخلها داخل وراكان نادى الخدامه تاخذ ابرار