البارت 11
اخاف الحب
أمنيات فتاة
صعدت وي حسن بس ارتبكت ما اعرف ليش ونفس الوقت تمنيت نظل شوه الأكثر وقت
...
حسن أحسه بارد وحيااه كلها عمل ×عمل وتاديه واجبه تجاه أهله
.....
وصلت ل ريماس شرحت الها شويه بعدها كعدنه نسولف واجه السايق علبه رجعنا للبيت
.....
وظليت يوميه ع هل الحال فترة شهر إجت ايام ابات بس بهالشهر صرنه اصدقاء أكثر اني وحسن وباجر اني هم رايحه الهم وهو كال اني اجي عليج
.....
هلو حسن هسه نازله دقيقه نزلت بيت بابا وطلعت
سئلتني حسن شنو مشتاقيتي الامج كلتله الاشتياق مو بالكلام جاوب ها اي والحب هم مو بالكلام بالنظرات شتكولين اني تردون الصدك بيج اللحظه لو ذابحيني متلكون قطرة دم بيه 😑😐
لزم أيدي كال غفران اني...... فجأه دك فوني طلعته دااجاوب طلعت امي بعد ما اعرف شأحجي من فرحتي لأن شفت رقمها العراقي كالت ولا اني صار 3 أيام بالعراق وجدج أحسن بس بعد يرادله تعب شهر اقل شي عنايه وبالمستشفى الخاص هنا كلتلها زين اجي اشوفكم اليوم
بعد ما خلصت المكالمه سئلني حسن والدتج رجعت كلتله اي كال يله انتي اليوم اووف خلي ريماس بالليل ترجعين تباتين يمنه مادري شو حسيته بعيونه كلام وردت اعرف شنو راد يحجي بس مكدرت اعرف لأن ممعقوله بعد تجربته الفاشله يحبني لا ماصدك😏😏
.....
يلا غفران رجعي اتصلي بالوالده خل تعرف وين مكانهم حتى نروح شويه الهم
اتصلت بوالدتي كالت احنه بالمستشفى نظل هالايام مستشفى...... المهم رحنه الهم وشفت جدو خطيه جان حيل تعبان من السفر و العمليه وامي من التعب شصاير بيها تمنيت نفسي اني بمكان تعبها بس مابيدي شي ظليت يمها شويه سولفنه وسئلتني على زوجة ابوي ....
من طلعت من يمها ضايجه حيييل نقهرت على حالتهم واني عايشه بالرفاهيه وماعرف شصاير بأمي .....
حسن من شافني ضايجه نزل بالطريق كال راح اجيب ماي وأجي من نزل طلع فونه اتصل وضحك
...
وصلنه باب بيت عمو طلعت ريماس ومبدله كلتلها ها ولج عود ترديني اشرحلج جان تباوع ع حسن من خصرها حسن شكيت بيهم وصلنه المدينة الألعاب ولكم هاي وين جبتونه
حسن يعني وين بس شويه تروح الضوجه مالتج شتكولين اني بوقتها حيييل فرحت واخيرأ لكيت شخص هيج يهتملي غير امي صح والدي فلوس ولبس واكل بس مافديوم سئلني شنو تردين طول الفتره الي كعدت بيها يمه
....
بيومها فرحت من كل كلبي ورجعت طفله بالرغم ماعشت طفولتي امي بس ربي يحفظها تعبت عليه هواي
......
ْخلصنه لعب حسن كال عازمكم على فيلم رعب هه اني خفت بس ريماس متعوده تعشينه ودخلنه للسينما شفنه فيلم بس اني كنت ميته رعب من الخوف غمضت عيوني وحضني ابد حسن من خلص الفيلم كال ترى خلص الفيلم يلا نطلع كلتله التوبه اذا اجي وياكم بعد ليش هيج سويتو بيه بس حطيت أيدي ع وجهي من الخجل وريحة حسن كلها بأيدي ضليت اشم بيها ريماس كالت شنو مناويه تمشين اليوم بس تشمين بأيدج حسن بساعتها انتبه عليه وضحك خرب بليسج ريماس فضحتيني 😐😐☺☺☺
حسن ضحك كال شنو لازم اكو ريحة ناس عزاز بأيدج اني من الخجل ياكاع انشكي وبلعيني شدعي عليج ريماس
الطريق كله حسن حاط المرايه وعيونه بعيوني ومشغل اغنيه (حبيبي وانت بعيد محتاج للمسه ايد من غير ولا همسه غمض ومد الايد ) (بعد ماعرف كملوها انتو 😉😉)
بس اني ببالي معقوله هو يحبني صرت بدوامه فجأه لكيت نفسي احبه وأفكر دوووم بي بالرغم من كلامنه العادي
بس كلت لهنا وبس خاف يطلع ميحبني وانصدم طلبت منه يوصلني للبيت مقبل بعدها .......
يتبع
أنت تقرأ
أخاف الحب
General Fiction#أخاف ان اقع ف الحب يا أبي...✋ فأنا اكره اكون #مكسوره... 💔 ك امي .......... #أخاف أن أحبك #جدا فأفتقدك #ثم أتألم #وأخاف أيضا أن #لا أحبك فتضيع #فرصة الحب فأندم...! #أخبريني كيف أحبك #بلا ألم وكيف #لا أحبك بلا ندم...!
