"لا تنسى أنك فى نظر العالم مجرم وفى نظر قلبك ...إنسان اراد الإنسانيه"
يسير فتحى فى الردهات المظلمه مترقبا حتى وصل الى تلك الحجره وأخرج المفاتيح وفتحها وقال
"يا دكتور .إنت هنا "
ليقوم ذاك الجالس من على الأرضيه ذات الخشب المهترئ ويقول مازحا
"دكتور إيه يا فتحى ..هنا مفيش كلفه "
ثم خرج من الحجره واقفل خلفه الباب وسار خلف فتحى وقال
"الباقى كلهم برا صح"
اومأ فتحى قائلا
"ايوه يا دكتور بلال ..كلهم برا ومتقلقش هارون بيه مش هيخرج من مكتبو دلوقتى ..أصل فيه ناس جديده جايه"
أدار بلال عيناه وقال فى سخريه
"صحيح ..إحنا فى يناير "
فضحك فتحى قائلا بمزاح
"ده موسم يا دكتور ..فاضل ١٥ يوم على عيد الثوره ..لازم نلحق نلم الشباب هنا عشان ميعملوش شوشره"
فتمتم بلال قائلا فى ألم
"على رأيك ..إن الواحد يطلب حقو فى البلد دى بقت شوشره"
ثم أخفى الألم قائلا
"عالعموم جهز الأدوات بتاعتى عشان ابقى اعالجهم "
ففتح فتحى عيناه على مصراعيها قائلا
"يالهوى ..انا نسيت أجهز حجرة الإستقبال ..عن إذنك يا دكتور انت عارف الطريق كويس"
ثم سار مبتعدا تاركا بلال يكمل سيره بمفرده ..تاركا لخياله مساحته الخاصه ويبدأ فى سرد قصه سعيده خطتها أنامل براقه من صنع الخيال ..
قصه حياة شبابٍ تعلموا تعليما عاليا ولقوا مصيرهم فى أعلى المنازل .
ولكن سرعان ما يستيقظ من أحلام اليقظه ويرى الواقع الأليم ..أنه ما من شابٍ بسيط حصل على حقه ..بل جميعهم فى نظر الأكابر مصدر للفوضى والإضطرابات ...
دخل إلى تلك الساحه الكبيره ووجد اصحابه متجمعين جالسين على الأرض البارده يتسامرون علّ هذا ينسيهم مرارة المكان ..ولكن عبثا ما ينسوا .
ذهب ناحيتهم وقال
"مساء الخير يا حضرات "
فردوا عليه جميعا وجلس بينهم ،،
نظر له أحد من الجالسين واسمه ماجد
"اتأخرت ليه يا بلال ..افتكرنا هارون شافك"
فنظر له وقال
"معلش يا ماجد ،،اصل خدنى الكلام انا وفتحى. .استعدوا بقا عشان فيه ناس جايين النهارده"
نظروا لبعضهم فقال سالم
"هو ده الموسم؟"
اومأ له بلال فنطق فرد آخر واسمه مازن
"ايه يا سالم إنت مش فى الدنيا ولا ايه "
فضحك سالم وقال
"اعذرنى يا صاحبى ..انا بعرف الأيام هنا بالعافيه "
نطق فرد آخر واسمه أحمد
"يارب يكون مسجون هجره عشان انا زهقت من القاعده لوحدى"
فقال ماجد
"لوحدك ايه يا أحمد إنت معاك غريب"
فقال أحمد وهو ينظر لغريب الجالس بعيدا عنهم وينظر بشرود للأفق
"أمره محيرنى أوى يا ماجد ..مبيتكلمش كلمتين على بعض ،،وممل جدا "
فقال ماجد مازحا
"دى آخرة اللى يفكر يهاجر بره بلدو من غير القانون"
ضحكوا جميعا ثم صمتوا لسماعهم صوت صراخ ..كانوا سيكملون كلامهم لأنهم معتادين على هذه الأصوات ولكن استوقفهم شئ واحد .
هذه صرخات لفتاه ليس لفتى !!!
***********
يا هلا ☺✋
التفاعل كان جميل اوى البارت اللى فات 😭💙
افضلوا كده 🙈🌚
رأيكم؟
البارت ده بيوضح يعنى شويه من الحاجات ..
وزى مانتو شايفين هى سياسيه
.وبتتكلم عن حاجه بتحصل فعلا ..
وفيه حاجات عايزه اوصلها لناس كتير ..
اشوفكو البارت الجاى ❤💙
أنت تقرأ
"تحت التراب"
Übernatürlichesقالوا لى أنه لا شئ تحت التراب سوى عظام أسلافنا . لم أكن أعلم يا صديقى أنه يوجد تحتها جحيم. إنتقلنا إليه بأسماء مجرمين .او هكذا قالوا عنا . نحن مجرمين يا صديقى لأننا فقط أردنا الحياه .. البدايه : ٢٠١٧/١/١٧ cover by @mouisn_cover
