Musmos na kaisipan, murang edad
damdamin ang nakaaangat
pagkatao'y malayang napapahayag
damdaming hilaw sa panahon ngunit tapat.
Damdaming nakatago, nagbabadyang kumawala
pilit nilalabanan sapagkat di maihayag
puso'y sumisigaw isipang tikom
damdaming di mapahayag.
Damdaming malayang pinaparamdam
puso't isipay pareho ang nilalaman
pilit pinipigilan upang kapwa di masaktan
damdaming pagkakataon ay di maaring pagigyan.
Minsan akala mo umaayon na ang lahat
subalit isang panig lang pala ang nakararamdam
habang ang isa ay naalala ka dahil limot siya ng iba
damdaming isang panig lamang.
Distansiya ay sadyang balakid.
sinusubok ng pagkakataon at panahon
pilit lumalaban alang-ala sa kabiyak
damdming magkalayo di maiwasan ang pag-iyak
Masayang magkasama at nag-uusap
kapwa pinadarama anh damdaming nagliliyab
di alintana ang tao sa paligid , ang mundo ay pag-aari
damdaming mapagbigay at matapat pawang naghahari.
Taon ay lumipas, buhok na kumupas
pinatatag ng pagkakataon, pinagtibay ng panahon
di bumitaw, kasiyaha'y walang hangganan ang tanging pabaon
damdaming subok na ng panahon.
