الحلقة 39
ريان خلص كل المرضى وقال للسكرتيرة بتاعتة انة رايح مشوار
ونزل ريان وركب عربيتة وراح عند ......
طلع وبيخبط ع الباب وفتحت
شيماء : رياااااان ازيك ؟
ريان وبيبصلها بصة هى مش فاهمة معنى النظرة
ريان : انا كويس يا شيماء
شيماء : امير مش هنا لو كنت بتسال علية ؟
ريان : انا عارف ان امير مش هنا وعشان كدة جيت اصل الكلام اللى هقولة هو مينفعش يسمعةة
شيماء باستغراب : طب اتفضل ادخل
دخل وقفلت الباب
شيماء : اتفضل ادخل اقعد عقبال مااعملك فنجان قهوة
ريان وواقف وقفة ثقة وحاطط ايدة ف جيبة
ريان : انا مش جاى اضايف يا شيماء وانا عارف انى مينفعش ادخل وجوزك مش موجود بس اعمل اية الكلام دة خطير شوية
شيماء : هو فى اية ؟؟
ريان : انا هقولهالك لاخر مرة يا شيماء ابعدى عن طريق لوجين
شيماء : اييييية ؟؟
ريان : فهمتى ولا افهمك تانى
شيماء بعصبية : طريق لوجين اية اللى ابعد عنة
ريان بزعيق : متصتعبطيش مش انت اللى اجرتى واحد عشان يخبط لوجين بالعربية
شيماء بتوتر : ايية اللى انت بتقولة دة انا ابعت واحد يخبط ينت خالتى بالعربية
ريان وهو بيحك ف دقنة : ممممممم بصى متحاوليش تنكرى عشان انا معايا الدليل
شيماء : دليل اية ؟؟
ريان : تسجيل صوتى
شيماء بخوف وزعيق : انت فاكر ان الموضوع دة هيعدى بالساهل انا هقول لامير وهو هيتصرف معاك
ريان بابتسامة سخرية : هه بججد هتقوليلة اية ؟؟ هتقوليلة انك بعتى واحد يموت لوجين
شيماء بعيون حمرا : لا... هقولة انك بتيجى هنا كل يوم بعد ما هو بيمشى ... هقولة انك عايز تعتدى علية ... هقولة انك بتقولى اتطلقى منة عشان اتجوزك
ريان : وتفتكرى هيصدقك مثلا
شيماء : هيصدقنى وهتشوف
ريان : ممم باماراة العلقة بتاعت كل يوم صح
شيماء بصتلة وكانت عايزة تقتلة
ريان : ههههههههه انا هستاذن وامشى ولاخر مرة بقولهالك
وبيعد ع صواببعة بعدد الكلامات
ابعدى.عن.طريق.لوجين
وفتح الباب وطلع ورزعة
شيماء واقفة وهتموت
بتدور ع اى حاجة عشان تنتقم منة
فلاش باك
تاالت يوم جواز راحو صحاب شيماء عشان يباركولها
وبعد الكلام الكتير اللى ف الاول
منة : بت يا شيماء
شيماء : ايوة يا مونى
منة : كان ف واد موز اوى ف فرحك عايزة رقمة
شيماء : ممممم موز اوى
منة : اوى اوى اوى
شيماء : اسممة اية ؟
منة : معرفوش
شيماء : اوعى يكون اسلام
منة : هو اسمة اسلام
شيماء : استنى بس عشان ميحصلش لغبطة ... اوصفيلى شكلة كدة
منة : مممم بصى هو طويل بعرض ومش ابيضانى اوى هو امحاوى وعندة غمازات
وكمان عندة دقن
شيماء : انت كدة صعبتيها علية
منة : طب بوصى كان ف بنوتة قمر اوى برضو كانت واقفة معاة وماسكة فية
ومش بتسيبة خالص ورقصو مع بعض سلو البت اللى كانت لابسة فستان اسود طويل
شيماء : اااااااه انت تقصدى ع رياااان
منة : ريان هيييييييح
شيماء : واخرتهاا
منة : ولا حاجة هعلقة شوية الواد موز موز ولو تطورت العلاقة ممكن اقع ف حبة
ونتجوز
شيماء : ريان انسان محترم جدا واللى معاة دى بنت خالتى لوجين يعنى
مستحيل اعمل كدة واديكى رقمة ابدا
منة بزعل : بقا كدة يا شيمو ماشى
باااااااااااك
جريت بسرعة بعد ماافتكرت الحوار اللى بينها وبين منة
ودخلت جابت الاجندة بتاعت الارقام
واتصلت بصحبتها
شيماء : منةةة
منة : ايوة يا شيمو عايزة اية؟؟
شيماء : مش انت كنتى عايزة رقم ريان
منة بفرحة : ااااااه
شيماء : طب اكتبى عندك 011........
منة : هييييييييه بقا معايا الموز
شيماء : بصى عايزاكى تدلعية وخدية من لوجين ف اسرع وقت ممكن
هو فاتح عيادة ف .... وشغال دكتور نفسى هديكى خطة تعمملى اللى هقولك علية
منة : قووووووولى
........
ف الشركة
لوجين دخلت مكتب ادهم
لوجين : بابا
ادهم : ايوة يا حبيبتى ف حاجة
لوجين : لا ابدا بس بصراحة مش عايزة اخبى عليك
ادهم : قولى يا حبيبتى
لوجين : عايزة اشوف ريان هروحلة شوية هو ف العيادة
ادهم وقام وقف : انت بتهزرى
لوجين : يا بابا بجد هو ف مقام خطيبى دلوقتى وبجد هو وحشنى اوى
ادهم : فين العيادة دى ؟
لوجين بفرحة : ف ......
ادهم : ماشى تمام بس مش هتروحى لوحدك السواق هيوصلك وهيفضل قاعد
مستنيكى
لوجين : اية دة انت مش واثق فية يا بابا
ادهم : مش حكاية ثقة بس عشان الناس
لوجين : بابا ريان فاتح عيادة يعنى لو انا روحت هيقولة مريضة
ادهم : ولية تخلى الناس يقولو عليكى مريضة
لوجين : يعنى هم يعرفونى يا بابا
ادهم : لوجين انا خلاص رجعت ف كلامى ومش هتروحيلة
للوجين وودبت ف الارض : يوووة بقاا
وخرجت وهى متعصبة وخدت شنطتها وروحت
........
اسما : اية يا اسلام مش فاهمة حاجة
اسلام بفرحة : بقولك الالبوم نزل يا بنتى
اسما : اييييييية بجددددد
اسلام : اه والله افتحى قنوات المزيكا بسرعة
اسما : حااااضر خليك معايا
وجابت الريموت وشغلتة
اسما وبتسمع الاغنية وكانت اغنية من غيرك تامر عاشور
طبعا مش هالف كلمات لكل اغنية ف الالبوم فجبت اغانى انا بحبها
وانااا من غيرك
الدنيا لما ف اتخيلها
بلقينى صعب اكملها
وانا لو قدرت اعيش بعدك
دة انا اموت ولا ان اعملها
واناا من غيرك
احلامى مش عايزز احلمها
تبقى الحياة زى عدمها
كلمة حبيبى استحرمها
مع حد غيرك اقولها
اسما : الللللله جميلة اوى الاغنية دى
اسلام : كل كلمة بقولها بهديهالك
اسما مبتسمة : مبروووووكك يا اسلام
اسلام : الله يبارك فيكى
اسما : بص احنا لام نحتفل لازم تعمل حفلة وتعزم فيها صحابك والعيلة
اسلام : طبعااااااا يا روحى
..........
بليل
لوجين قاعدة ف اوضتها ومدايقة ومخنوقةة
لوجين : انا هتصل بية ماهو مش معقول اقعد يوم بحالة من غير ماسمع صوتة واوشوفة
تحت ف الفيلا الباب بيخبط
شيماء : ازيك يا خالتو
سوزان : ازيك يا شيمو
شيماء : انا كويسة ... لوجين فين ؟
سوزان : فوووق استنى اناديها
شيماء : لالا انا هطلعلها
سوزان : اوكية اطلعى
وطلعت شيماء وفتحت الباب وكانت لوجين هتتصل بريان ولما لقت شيماء قفلت
لوجين : شيمااء تعالى اخيرا شوفناكى
شيماء : لوجين انا جاية اقولك كلمتين وماشية
لوجين : قولى يا شيماء ف حالة ولا اية ؟
شيماء : ايوةة ... لوجين خلى ريان يبعد عنى وخلية ميجليش البيت تانى وامير مش موجود
لوجين بصدمة : اايييية ريااااااان ؟
شيماء : ايوة
لوجين : طب وفيها اية اكيد بيجى عشان امير
شيماء : لوجين ريان بيجى ف الوقت اللى امير مش موجود فية
لوجين اتصدمت اكتر : ريان لا انت كدابةة
شيماء : لو مش مصدقانى روحى اسالية
لوجين : لا انت كدابة يا شيماء ريان بيحبنى انا ومستحيل يعمل كدة ابدا
شيماء : تمام انا كدابة ولو مش عايزة تصدقى خليكى كدة بيضحك عليكىى
لوجين بعصبية وبدموع : انت عااايززة منى ايية ؟؟ هاا قوليلى انت عايزة منى اية ... انت كل حاجة بحبها
بتخديها منى فاكرة يا شيماء ... فاكرة لما كنا داخلين 5 ابتدائى وبابا كان جايبلى شنطة جديدة
ولما شوفتيها شبطتى فيها وساعتها ... انا قولت لماما اديهالك عشان صعبتى علية ... فاكرة لما كنا ف اولى اعدادى
لما المدرسة كرمتنى عشان طلعت الاولى ... فاكرة انت عملتى فيا اية ... روحتى قطعتى شهادة التقدير
اينعم قعدت اعيط شوية بس بعد كدة سامحتك ... والا لما كنا ف 3 ثانوى ... لما طلعتى معايا ف اللجنة
وكنتى قاعدة ورايا وكل شوية تقوليلى مش عارفة السؤال دة ودة ... ساعتها انا قولتلك كل اجابات الامتحان
والوقت ضاع علية وانا بغششك ومعرفتش اعمل حاجة لنفسى وطلعت بدرجة النجاح بالظبط ... لما كبرنا
خطفتى منى امير ... امير دة اللى كان اول حب ف حياتى وانت كنتى عارفة انى بحبة ورغم كدة
لفيتى علية وخدتية منى ... والا ريان هه الانسان الوحيد اللى عمرى مالقيت زية ولا هلاقى حد يعوضى بية
وجاية دلوقتى تاخدية منى كدة بسهولة طب لية ؟؟ .... حرام عليكى ... انا عايزة اعرف انت بتكرهينى لية ؟
شيماء بشراسة : انا مش بكرهك يا لوجين ... اللى حولية هم اللى كرهونى فيكى ... عارفة يعنى اية كل يوم حد
يقولى انت لية مطلعتيش زى بنت خالتك ... بنت خالتك شاطرة ومجتهدة وقمورة وحلوة والناس كلها بتحبها
اشمعنا انتى ؟؟ ... وبابا يقولى خدى لوجين قدوة ليكى ... وماما تقوولى قربى منها وخليكى صحبتها
وشوفى هى بتعمل اية وبتفكر ازاى واعملى زيها ... ع اساس ان مفيش حد غيرك ملاك ف الدنيا دى
انا مخطفتش امير منك يا لوجين ... امير هو اللى اعجب بية وحبنى ... وهو اللى فضل ورايا ... اما حكاية ريان
فمتخافيش مش هخدو منك ميلزمنيش انا بحب امير وهفضل معاه
وسابتها ومشيت
لوجين رمت موبايلها ع الارض وقععدت تعيط ورمت نفسها ع السرير
.........
اسلام عدى ع اسما وخدها وخرجوا
ف الشارع
وماسكة الموبايل وبتسمع الاغانى
اسما : انا فرحانة اوى ع الالبوم
اسلام : وانا كمان انا عايزك تحفظى كل كلمة ف الالبوم
اسما : اه طبعا هحفظ كل الاغانى وعقبال الالبوم الجديد
اسلام : يارب يعجب الناس الاول
اسما : اسلام كان ف اغنية حزينة اوى اسمها ....
اسلام مقاطعا : نفس الحنين
اسما : ايوة هى دى لية كدةة تغنى اغنية حزينة
اسلام : يا حبيبتى اكيد مش الالبوم كلة اغانى هيصة او رومانسية لازم يبقى منوع
وبعدين بقا لعلمك الاغنية دى اللى غنتها لما قدمت اول مرة وانا اللى اصريت
اححطها ف الالبوم لان الاغنية دى اللى تعبر عن مشاعرى لما كنا سايبين بعض
اسما بصتلة وابتسمت : انا عايزة بيبسى
اسلام : من عيونى يا قلبى
........
لوجين قررت تروح لريان وقامت لبست ومشيت
ووشوية ووصلت عند بيتة
ريان فتح
ريان : حياتى كنت لسة هتصل بيكى
فجاة لقى لوجين ضربتة بالقلم ورملتة الخاتم ف وشة
لوجين بعيون حمرا : انا بكرهك
نيرفين واقفة بعيد وشايفة كل حاجة بتحصل
لوجين وجاية تمشى مسكها ريان
ريان : لوجين انت مجنونة تعالى هنا
لوجين : اوعى ايدك متلمسنيش
ريان ومسكها اكتر ودخلهاا الشقة
وقفل الباب
ريان بعصبية : انت مجنونة ها ف اية ؟
لوجين بدموع : ابعد عنى وسيبنى ف حالى انا مش عايزة اشوفك تانى
رييان : انا عملتلك اية لكل دة ردى علية وفهمينى
لوجين : اية اللى بينك وبين شيماء يا ريان
ريان ودخل ف نوبة من الضحك : شيماء ؟!هههههههههههه ههههههههههه
للوجين : انت بتضحك
ريان : شيماء مين دى يابنتى اللى بينى وبينها دى مرات صحبى قبل
ماتبقى بنت خالتك
لوجين : انت كداب يا ريان انا بكرهك بكرهك
جت نيرفين وهى مخضوضة
نيرفين : اهدى يا بنتى ف اية لكل دة ؟
لوجين وقعدت تعيط ف حضن نيرفين
وريان واقف وحاطط ايدة ف وسطة وعمال يفكر
ريان : ماما ممكن تسيبينا شوية
نيرفين : ماشى يا ريان
ودخلت جوة ولوجين واقفة باصة ف الارض وعمالة تعيط
شدها من ايديها وقعدها ع الكنبة
وهى مستغرباة اوى
وطلع موبايلة واتصل بهادى فاكرينة
ريان : هادى من فضلك هبعتلك عنوان ف ماستدج ربع ساعة والاقيك عندى
هادى : تحت امرك يا استاذ ريان
وقفل وبعتلة العنوان ف رسالة
وقاعد بعيد عنها ومش رادى يبصلها وهى مستغربة اوى وقامت وقفت عشان تمشى
قام وقف ومسكها من ايديها
ريان بحدة : اقعدى نص ساعة وبعد كدة اممشى براحتك
لوجين : هقعد اعمل اية ؟
ريان : هتعرفى كل حاجة
استسلمت وهى لسة بتعيط وقعدت وشوية ووصل هادى
ريان فتحلة وسلم علية ودخلة
هادى : اهلا يا انسة لوجين
طبعا لوجين متعرفوش ولا شافتة قبل كدة
لوجين باستغراب : اهلا
ريان : هادى انا عايزك تحكى الموضوع كلة من اولة لاخرة اكيد فاهم انا اصدى ع موضوع اية ؟
هادى : اكيد يا استاذ ريان ... انسة لوجين انا عارف ان الكلام دة هيتعبك
بس انت لازم تعرفى كل حاجة
لوجين : كلام اية ؟
هادى وحكالها ع كل حاجة
لوجين بصدمة : اييييييية شيماء شيماء هى اللى بعتتك تموتنى
هادى : اه والله يا انسة لوجين انا والله مرتضش هى اللى هدتنى
لوجين وبصت لريان وهو مش راضى يبصلها : بس اية علاقة الموضوع دة بدة
ريان : انا متشكر جدا يا هادى تقدر تمشى انت
هادى : انا قولت كل اللى يرضى ضميرى وربنا يسامحنى بقا ... سلامو عليكو
ريان : وعليكو االسلام ... شككرا يا هادى
هادى : دة واجبى يا ستاذ ريان
ومشى هادى
لوجين وقفت : ريان انت بتضحك علية بعيدا عن الموضوع اللى عرفتة دلوقتى اية علاقة الموضوع دة بدة
ريان وبيكلمها ومش بيبصلها : انا روحتلها البيت عشان اهددها واخوفها
عشان متحاولش تبعت حد يعمل فيكى حاجة كنت خايف عليكى بس اقسم بالله مافى اى
حاجة بينى وبينها اديكى عرفتى كل حاجة لو عايزة تمشى انا مش همسكك
ودخل اوضتة ورزع الباب
لوجين قعدت ع الكنبة وحاطة ايديها ع وشها وهى بتعيط
نيرفين طلعت وراحتها
نيرفين : لوجين انت ظلمتى ريان
لوجين وبصتلها بدموع : اعمل اية ؟
نيرفين : روحى كلمية قوليلة كلمتين ريان مش وحش يا لوجين
لوجين : عارفة بس غصب عنى والله
نيرفين : ماهو عشان انا عارفة انة غصب عنك جيت كلمتك
لوجين : حاضر انا هدخلة
ومسحت دموعها وخبطت ع الباب وهو مردش فتحت الباب وقفلتة وراها
لوجين وباصة ف الارض : انا اسفة
ريان : اطلعى برة يا لوجين
لوجين : كدة يا ريان والله انا غصب عنى
ريان : مش عايز اسمع مبرر
لوجين وراحت قعدت قدامة
لوجين : والنبى خلاص انا اسفة بص طب اقولك حاجة اضربنى
ريان : ......
لوجين : ريان مش هترد علية
ريان : ......
لوجين بزعل : ماشى انا همشى وهاجى بكرة ماشى
وباستة من خدة وخرجت
....................
