Ikaw Lang ang Bumitaw

Ikaw Lang Naman ang Bumitaw

bigla kitang iniwan

para sa pandaliang kaaliwan.

kamay mo'y bigla kong binitawan

at pangako mo'y aking kinalimutan.

sa sandaling tayo'y magkahiwalay

ako'y nag patuloy sa aking buhay

lahat ay tila walang saysay

lahat ay tila walang kulay.

noong kamay mo'y aking bitawan

para sa mga bagay na walang katuturan

puro kabiguan ang aking naranasan

walang pagtatagumpay sa piling ninoman

inakala kong ako'y magiging maligaya

matapos ang pagtalikod ko sayo sinta.

lahat ng luho at layaw ay aking ginawa

anumang kapalit nito ay di ko alintana

ngayoy lumalapit saiyo ng luklukan

puno ng sakit, hiya at kasalanan

pagsisisi ay aking nararamdaman

muling pagsuko saiyo ay inilalaan.

patawad sa pag limot

sa aking unang pag ibig.

patawad sa pag dadamot

sa aking oras at di ko pakikinig.

patawad sa pagyayabang

nang lahat ng aking nakamtan.

patawad sa hinde pagdepende

sa iyong kapangyarihan.

patawad sa pagiging mahina

patawad sa pagiging makapal ang muka

patawad sa pag baling ng atensyon ko sa iba

at sa hinde paglaban sa kung anong tama.

sana maibalik lahat ng oras na nawala

oras na dapat nakalaan sating dalawa.

pagkamali ko'y lubusan ko nang nakita

patawad Ama...patawad sa aking ginawa

Ang aking kamay ay muli mong hawakan

kahit alam ko na kailan may di mo ito binitawan.

salamat sa iyong pagmamahal at katapatan

pangako...'di na kita muli pang bibitawan.

Author's note:

"I will hold you always in the palm of my hand."
-- Isaiah 41:13