اه انتي عربية

اه انتي عربيه

حبيبتي يالبنت ألعربيه اخرتك لبيتك وزوجك فتحلميش كتير ولا تفكري كتير زيك زي اي بنت تانيه
أولًا لازم أبوكي انك صرتي صبية خلصولازم تعرفي انتي انك صرتي صبية ديري بالك عتصارفاتك ما تركضي ولا تنطي وما تروحي تشتري من الدكانه ما تلبسي ضيق الناس بصيروا يحكوا عليكي ما تفكري باي فكرة بتناقض حكي اهلك واوعك ثم اوعك تدخلي بحياة أخوكي لأنو هو ولد وممنوع تمسكي تلفونو لأنو ولد اعططيي تلفونك خلي يفتح ويشوف مع مين بتحكي وعادي ازا شاف صور صاحباتك لأنو بلكي كان معك صور لولاد مهو عارف انو تفكيرو بالبنات ممكن كمان يصير لأختو بس مطننششش لأنووو ولدد
ممنوع انك ترجعي لدار باليل لحالك لأنو شرف عيلتك كلها فيكي وأبدًا أبدًا ما تقولي انو اخوكي بطلع عادي لأنو هو ولد وانتي بنت ومش اي بنت بنت عربية
حبيبتي ديري بالك منيح ما تحكي مع اي جنس آدم ولا بأي حاله بصيروا الناس يحكوا عليكي ...اه وكمان يحبيبتي ما تفكري أبدًا تحبي اي حدا لأنو عيلتك حرمت انك تحبي اه بس عيلتك حرمت وكمان مجتمعك الغبي حرم عادي جدًا مع انو دينك ما قال ما تحبي بس بنت الرسول حبت واحد من بني قريش بسس عيلتك حرمت
عادي لو سمعتِ أخوكي بحكي مع بنت عالتلفون لأنو شايفها بنت قليلة أدب والبنت شايفتو كل اشي قدامها اخرتوا بدو وحدة مربيه
ثانيًا لازم تتزوجي عشان "ينستر عليكي"
وطبعًا قبل ما تتزوجي ادرسي منيح عشان توخدي سلاحك بالحياة او بالأحرى مؤهلات اكتر للزواج شاهدتك طبعًا خلصتي الثانوية وما اخدتي الشهاده الي ممكن تأهلك للجامعة معلش فش مشكلة عند اهلك منتي آخرتك لبيتك وزوجك
اجا العريس الاول وما عجبتي لأنو بدو وحده ضعيفة وهو كرشتو مترين لقدام معلش مهو ولد
عملتي روجيم وضعفتي صرتي قشة عشان تعجبي الي بدو يجي لقدام
اجا العريس الثاني وما عجبتي لأنو بدو وحده عيونها وساع وتزبط حالها كتير عشان يتباها فيها هو و امو قدام الخلق وتمو زي بوز المدفع
زبطي حالك  وما عدتي عطبيعتك عشان تعجبي العالم
اجا هالعريس التالت شفتي منيح الحمد لله شفتي بحبك ومش راح يشوف غيرك قبالو تزوجتوا جبتوا الولد الاول وصارت علاقتكو بتخف وكتير باردة لازم تردي عزوجك دايمًا السما خضرا يعني السما خضرا لأنك لزوجك وبيتك
بلشت المشاكل بينك وبين زوجك وصار يضربك  عادي عادي ...اتطلقتوا ضلت الناس ازا جابت سيرتك تقول اه هاي لمطلقة بنت ... اه طليقة ... لمطلقة لمطلقة هاي الكلمة الي صارت الك
بعد شي سنة سنتين سمعتي انو الي كان زوجك تزوج ولك مهووو ولد مين ديوخد وحده مطلقة
قاعدة ببيت اهلك مع ابنك حاسي بخيبة اكل من جهتهن بعيدًا عن حكي الناس الي بتقول خربت بيتها بيدها كانت عايشة احلى
ولك اه مأنتي بنت عربية ...
وقفة احترام لجتمعنا الغبي
طيب شو رايك ترجعي لورى وين كنتي بالثانوية درستي وجبتي علمات منيحة كتير اخدتي الشهادة وأمك وابوكي يفتخروا فيكي ولك علاماتي حتى بتأهلك للدكتورة براڤو عليكي قررتي تصيري دكتورة والعرسان عباب بيتك واحد ورى التاني قلتي وانتي ترفضيهن مش شايفتينن مناسبين حتى اجى هالعريس الي كنتي مستنتي طول وقتك وناسبك تجوزتوا وجبتوا ولد زوجك صار تعالملوا معك بارد جدًا بس انتي بنت عربيه قال زوجك السما خضرا يعني السما خضرا
صار يضربك كيف مهو بدو ...اتطلقتوا وقعدتي تشتغلي صار عليكي اشي ؟ بعدك الدكتور... المطلقه هاا لا حبيبتي اجابة عريس وتزوجتي ومش خيالا عريس عريس معو شهادة ودكتور كمان
عشان تواجهي مجتمعك لازم تعرفي انو ما حدا راح ينفعك الا انتي وطريقة تحذيري لمجتمعك
انتي مش ضعيفة بمكانتك بالمجتمع لا حبيبتي انتي راح تربي جياال وتعلميهن انو المرأه العربية كانت مظلمة بس مش راح تضل مظلومة ...

----------------------------------------
رأيكو🌚
أسفه على الأخطاء الاملائية☹️💜