مغامرة مراهقة

صراع مع نفسي

انا بعد الكلام اللي سمعته ده اتجننت..
جه ف دماغي كذا فكره،
يمكن يكون مقلب من مي او من عمر ومهند ممكن يكون حقيقه ....بس ازاي حقيقه
انا فيه حاجات محكتلكوش عليها ف الاجزاء اللي فاتت بس بعد اللي سمعته من عمر ومهند لازم احكيلكو عليها ....
مي عندها انيميا وتعبانه وكان بيحصلها حاجات كتير جدا تخوفني عليا مره تروح مستشفي ومره تعمل عمليه ف رجليها ومره ف ايديها بس دول متاكد انهم حقيقي لاني شفت بعيني
لكن حكاية الانيميا وانها بتروح مستشفيات وكده لا مكنتش مصدقها بس حبي ليها خلاني اصدقها من غير حتي اني اشك فيها بس ف مره كنت راجع من درس بدري كان الساعه 8 الصبح ف لقيت حسام بيكلمني اللي هو اصلا شخصيه وهميه و مي اللي كانت بتكلمني ده اللي اكتشفته بس مش عايزين نخرج عن تفاصيل القصه يلا نكمل
حسام كلمني وبيقولي
حسام : هيثم ...مي ف العمليات دلوقتي وبتموت
انا : نعم...ايه اللي انتا بتقولو ده يا حسام ...انتو فين
حسام : زي ما بقولك كده ...احنا ف اسكندريه
انا : طب انا عايز اجي المستشفي اسمها ايه يا حسام عشان خاطري
حسام : لا طبعا ما ينفعش اوعا تيجي عشان اهلها انتا كده هتضرها اكتر
انا : طيب..طيب بس انا معاك طمني عليها ارجوك علي اي حاجه بتحصلها عشان خاطري
حسام : حاضر ...بس انا عايز اوصلك امانه توصلها لاصحابك من مي
انا : امانة ايه
حسام : جوابات مي كتبتها لكل واحد دي وصية مي ليكو
انا : حاضر يا حسام هات الجوابات
حسام صور ليا الجوابات كلها وبعتهالي لسه حافظ الجوابات دي بالحرف
الجواب الاول كان ليا (هيثم.....خلي بالك من نفسك انا كتبت ليك الجواب ده عشان حاسه اني مش هكلمك تاني او هشوفك تاني
خلي بالك من نفسك واوعا توقف حياتك عليا ابدا حب وارتبط بغيري وعيش حياتك ...بحبك يا هيثم ومش هسيبك ابدا وهفضل جنبك حتي بعد ما اموت )
تاني جواب كان ل داليا و عمر ( داليا حبيبتي وصاحبتي وعمر اللي اكتر من اخويا  اوعو تسيبو بعض ابدا مهما حصل وخليكو مع بعض وتحققو حلمكو وتتجوزو ومتوقفوش حياتكم علشان احمد وكلامه ليكم هتوحشوني بجد )
تالت جواب كان لمهند وهدي ( هدي انتيمتي واختي وحبيبتي وكل حاجه ليا اوعي تخدي بكلام احمد والعبط ده وانتا يا مهند حافظ عليها وخليها ف عينك وحققو حلمكو بقا زي ما انتو بتتمنو وتبقو احسن اتنين ف الدنيا )
رابع جواب كان لاحمد ( احمد ....حافظ علي اختك وبنت عمك وخليهم يعملو اللي عايزينه ما انتا كمان بتحب حط نفسك مكانهم وخلي بالك منهم انتو ملكوش غير بعض صاحبهم وخليهم ف عينك وخلي باالك برضو من رضوه واوعا تسيبها ابدا )
انا شفت كل الكلام ده اعصابي سابت وموبايلي وقع من ايدي وقعدت علي جنب و عيني كانت بتنزل بحر دموع من غير ارادتي ومقدرتش اروح عبده سندني لغاية البيت وروحت فضلت بكلم حسام عشان اطمن عليها ف اخيرا حسام رد عليا بعد وقت كبير وقلي ان لما تيجي الساعه 6 الدكتور هيشيل المحاليل و مي هتبقي خلاص الله يرحمها 
انا اغمي عليا بعد اللحظه دي بسبب اني اخدت كل البرشام اللي لقيته قدامي ف البيت وطبعا لحقوني علي اخر لحظه قبل ما اموت و يتعمل ليا غسيل معده
المهم بعد كده اول لما فقت كلمت حسام الساعه 5:30 قلي
حسام : هيثم...في حد عايز يكلمك
انا : مين
مي : ازيك يا عبده عامل ايه دلوقتي
انا : سيبك مني انا انا ف داهيه انتي ايه اخبارك كويسه
ايه اللي حصلك ده ومن ايه انتي ازاي بتكلميني دلوقتي انا مش مصدق نفسي حبيبتي انا هسيبك خمس دقايق عشان تدعي بان ربنا كتبلك عمر جديد وانا هقوم اصلي ركعتين شكر لربنا
مي : حاضر يا حبيبي
ف الوقت ده عبده كان قاعد معايا ف بيتي عشان كنت لوحدي وف حاله زي دي كمان انا قمت وأنا بضحك وفرحان ورميت الموبايل لعبده عشان يقراء المحادثه واحلي خبر ف حياتي