Ang Kinatatakutang Tanong

Madalas hindi maiiwasan... Madalas hindi sinasadya...

Madalas pinipigilan... Pero mas madalas nagpupumiglas...

Kay daming tanong sa king isipan...

Ni isa walang malinaw na kasagutan...

May mga araw na gusto mo na lang lumayo

May mga araw na gusto mong hindi kumibo

May mga araw na gusto mo na lang hindi pansinin

Pero hinding-hindi mo naman siya kayang tiisin.

Nasasaktan ka pag binabalewala ka nya

Nagagalit ka pag may nakakasama syang iba

Nagseselos ka pag may ibang nagpapasaya sa kanya

Kaso sinasabi mo na lang sa sarili mo, May karapatan ka ba?

Gustong-gusto mo syang tanungin kung ano ba talaga kayo?

Kaso mas takot kang malaman yung magiging sagot nya dito

Mas makakaya mo pang ikaw na lang ang matuliro

Kesa naman sa siya pa ang tuluyang lumayo

Sinasabi mo na lang sa sarili na hindi ka nya talaga gusto

At lahat ng ginagawa nya para sayo ay isa lamang laro

Ayaw mo ng umasa ang kawawa mong puso

Dahil pag nawasak itong muli ay baka tuluyan nang di tumibok

Gabi-gabi kang pinahihirapan ng iyong puso at isipan

Pero ano namang magagawa kung di mo kayang ipaglaban

Hindi mo kayang sabihin ang tunay na nararamdaman

Kase takot kang mawala sya sa yo kahit bilang kaibigan man lang.

Duwag na kung duwag pero mas tama na ito

Kaysa naman ipilit mo ang bagay na hindi para sa iyo

Balang araw mapapagod ka rin sa hapdi at sakit

Pero malay mo may darating na iba na sa kanya ay mas higit.