ماليش غيرك .. <3

ماليش غيرك .. <3 الجزء الاول

قصة ( ماليش غيرك ) الحلقة الاولى : ------------------------ ( مقدمة ) " لينا ".. بنوته جميلة وطيبة وذكية وناجحة في حياتها الدراسية .. عندها 19 سنه .. في أولى جامعة ملهاش فـ الدنيا غير صاحبتين .. " منى " بنت خالتها و " نوران " صديقة الطفولة ( العصـر ) أم لينا : لينــآآآآآآآآآآ انتي فين يابنتي لينا : انا فـ اوضتي يا ماما ( طلعت لينا من اوضتها تشوف مامتها عاوزة ايه ) أم لينا : انتي فين انا بقالي ساعه بنادي عليكي !! لينا : كنت بكلم نوران صحبتي يا ماما .. معلش متزعليش أم لينا : والله انا شكلي هبتدي أغير من نوران كل وقتك بيبقى معاها ومش بتقعدي معايا خالص لينا : ههههههههههههه ربنا يخليكي ليا يا أجمل أم فـ الدنيا .. ها عامله ايه ع الغدا بقى ؟؟؟؟ أم لينا : همك على بطنك كدا دايما .. طالعة لأبوكي يابت .. المهم خالتك عازمانا على عيد ميلاد بنت خالتك منى .. البسي واتشيكي كدا عشان منتأخرش لينا : حاضر يا ماما مش محتاج توصيني فاكره فاكره هوا انا اقدر انسى عيدميلادها ( وراحت لينا لبست واتشيكت واتمكيجت المكياج الخفيف .. ودخلت عليها مامتها بعد ما جهزت ) ام لينا : بسم الله ماشاء الله ياحبيبتي .. هتاكلي الجو من البت منى لينا : مش كدا يا ماما .. ماهو القرد فـ عين امه بقى هههههههههههههههه يلا بخريني بقى لأحسن اتحسد أم لينا : ايوا ياختي زي القمر مانتي طالعالي يلا بقى ابوكي مستني و بيبرطم فـ العربيه وذبان وشه بيتخانق معاه لينا : هقوله ههههههههههههههههههههههههههههههه ام لينا : يلا يا مايصه ( في بيت خالة لينا .. طنط فاطمه ) خالة لينا عندها بنتين وولد .. منى و نسمه و نبيل ( نبيل بيحب لينا من وهيا صغيره والعيله كلها عارفه كدا .. وعاوز يخطبها بأي طريقه بس باباها مصمم على انها تخلص الجامعه الاول عشان الخطوبه متشغلهاش عن دراستها وخصوصا انها عاوزه تجيب تقدير عشان تحضر لدراسات عليا ) دخلت لينا ومامتها وسلمت على خالتها وقامت داخله على اوضة منى على طول قبل ما نبيل يشوفها .. منى : اتاخرتي كدا ليه ياجزمه لينا : ياباي على لسانك اللي عاوز القطع .. الدنيا زحمه يابنتي والميدان كله زحمة وواقف !! منى : اه الطبيعي بتاع مصر .. بس ايه الحلاوه دي يابت .. يخربيتك هتغطي عليا .. شكلي هقلعك وألبس هدومك واحبسك ف الاوضة زي سندريلا ههههههههههههههههههههههههههههههه لينا : مجنونه وتعمليها وربنا ( دخلت نسمه اوضة اختها .. وبصت لـ لينا من فوق لتحت كدا وقامت قايله لاختها يلا الناس ابتدت تيجي .. وطلعت من الاوضه من غير لا سلام ولا كلام لـ لينا ) لينا : هيا نسمه مالها !! منى : ملهاش يابنتي مانتي عارفه انها بتغير منك من زمان اكمني بجيب ف سيرتك من ساعت ماتولدت لينا : والله كأني مولوده فوق راسها مش اكبر منها بسنتين منى : ربنا يهديها بقى ... تعالي نطلع انا وانتي وامري لله هقول ان انا اللي مسلفاكي الفستان دا ههههههههههههههههههههههههههههههههههههههههه لينا : هههههههههههههههههههههههههههههه وماله ياختي .. ربنا يخليلي ابويا ويعيش ويجيبلنا هههههههههههههههههههههههههههههههههههههههههههههه ( بعد ما عيد الميلاد خلص .. الكل روح ومفضلش الا لينا ومامتها في بيت طنط فاطمه .. ولينا ومنى مسكو بنت بنت فـ حفلة الميلاد وعلقو عليها وقطعوها تريقه هههههههههههههههههههههه .. وفي وسط كلامهم دخل نبيل عليهم وبيبص على لينا بنظرات حب واشتياق كأنه بيكلمها ويقولها فينك من زمان عيني مجتش في عينك ) نبيل : ازيك يا لينا ( و وشه كله طالع منه قلوب قلوب قلوب ,, ومش شايف غيرها فـ الصالة ) لينا : اهلا يا ابن خالتي .. انا تمام الحمدلله مش هتسلم على ماما ولا ايه نبيل : هه ؟ اه ... ازيك يا خالتي عامله ايه واحشاني .. وانتي عامله ايه فـ دراستك يا لينا ؟؟؟ لينا : الحمدلله انا ......... ( قاطعتهم الرخمه نسمه ) نسمه : طبعا هوا فاضي يسأل على حد .. ما ست لينا هنا يبقى يتشد السيفون على كل اللي موجودين !! ( نبيل بص لنسمه بصه معناها : حسابك معايا بعدين ) نبيل : بس ايه الحلاوه دي يا لينا .. طالعه ملاك بجد لينا :$:$:$:$ ( مكسوفه يعني ) انت اللي عينيك حلوه فـ شايف كل حاجه حلوه .. دي منى اللي كانت شمعة منورة الليله كلها نبيل : دا انتي تنوري بلد والله يا لينا أم لينا : يا واد اعملنا اعتبار ايه مش شايف كبار قاعدين .. يلا نستأذن بقى احنا .. ( والكل قام وقف وسلمو على بعض ) نبيل : مع السلامه يا قمر .. قصدي يابنت خالتي .. خلينا نشوفك ياخالتي بتوحشيني اوي والله أم لينا : يا واد يا بكاش انا اللي بوحشك برضو :> نبيل : خلاص بقى ياخالتي متدقيش سلام ..... سلام ( لينا روحت البيت وسرحانه وبتفكر فـ ابن خالتها نبيل وكلامه الحلو ... ونبيل النهارده كان يوم سعده وهناه عشان شاف لينا .. وخصوصا ان ابو لينا محرج على مراته متاخدش لينا في اي زيارات لاختها عشان موضوع نبيل وحبه لبنته .. فـ نبيل بيتنطط من الفرحه لما اي مناسبة عائلية تحصل ولينا تكون موجوده فيها ..) ------------------ < الساعه 2 بالليل > منى : الو لينا : الو منى : ايوا يا ست الولهانه لينا : هههههههههههههههههههههه ماتتلمي بقى متبقيش انتي وامي عليا في يوم واحد منى : ههههههههههههههههههههههههههههههه عارفه يا لينا .. نبيل هوا اللي جايب التورته وجايب الزينه وعلقها .. وهوا صاحب فكرة اني اعمل حفله اصلا لينا : ربنا يخليهولك يارب ومايحرمك منه .. انا كان نفسي يكون لي أخ زي نبيل كدا منى : انتي فاكره انه عاملي الحفلة عشان سواد عيوني ولا عشان انا اخته ؟؟ لينا : اومال ايه ؟ تقصدي ايه ؟ منى : لا ياختي ولا حاجه .. مقصدش حاجه خالص .. يادوبك أقصد انه عملي الحفله عشان تيجي ويشوفك .. وعشان الأسلاك الشائكه اللي ابوكي حاططها بينك وبين اخويا تترفع شوية لينا : طب انا اعمل ايه اخوكي مجنون وانا ابويا دماغه دمياطي يعني ممكن يدخله في مكبس الخشب يطلعه ورقة قشرة مش بني آدم منى : ههههههههههههههههههههههههههه ماشي ياختي انا هخلع انا عشان انام مش قادره اليوم ارهقني اوي لينا : ماشي.. تصبحي على خير منى : وانتي من اهله -------- ( من ناحية تانيه نبيل راح مخبط على باب اوضة ممته ) نبيل : ماما ماما انتي صاحيه أم نبيل : ايوا ياحبيبي حصل حاجه.. اخواتك كويسين ؟؟ نبيل : ياستي كويسين عاوز اتكلم معاكي في موضوع مهم ام نبيل : يااااااااااااااااااااااادي لينا نبيل : ههههههههههههههههههههههههههه ما انتي بتلقطيها من الهوا اهو .. اومال جوزك طفشان منك ليه ام نبيل : بس يا جزمه اسمه ابوك .. وكمان انا بستعبط كتير معاه عشان أخليه يشرح ويتكلم كتير معايا ... نبيل : بس بس بس ايه مصدقتي تشكيلي همك .. المهم يا ست الكل .. مش ناويه تجوزيني بقى ولا ايه ؟؟؟ ام نبيل : عاوز تتجوز وتسيبني لوحدي اخص عليك نبيل : ايوا ياختي خشيلي فـ دور السهوكه بتاع الامهات دا .. هاااا هتخطبيلي لينا امتى .. حرام عليكي يا ماما هموت عليها .. بقى عندي 27 سنه ولسه مخطبتش وصحابي اتجوزو وخلفو ام نبيل : انا مالي مش انت اللي عاوز تستنى لينا نبيل : لا اله الا الله .. ياستي مستنيها بس اتكلمي دلوقتي في خطوبة وانا هروح ابوس ايد الحاج عمرو عشان يرضى يخطب بنته ليا دلوقتي ام نبيل : انت مستعجل على ايه نبيل : يا ماما لينا دخلت الجامعه وهتشوف ولاد والولاد يشوفوها وممكن واد فرفور يلعب ف دماغها ويخطفها مني ووالله لو ضاعت مني والله كمان مره مش مسامحكو هه .. وهموت نفسي ( وساب اوضة ممته وراح على اوضتة وقفل على نفسه ) ام نبيل بعلو صوتها : ماشي يانبيل طول ما انت بتعمل حركات العيال دي مش مجوزهالك ( نبيل طلع من الاوضة جري ) نبيل : ايه يا ام نبيل يا عسليايه انتي .. ايه بقى الواحد مبيعرفش يهزر معاكي ف حاجه .. يابركه يا حلوه يا قمر انتي .. ياخلاصي هلاقي واحده فـ جمال امي ازاي بس ام نبيل : ايوا ايوا اضحك عليا بكلامك الحلو .. ودا بؤ وبكاش نبيل : يلا نامي بقى عشان هصحيكي الظهر تصلي ونتكل على الله ام نبيل : نتكل على الله فين يابني نبيل : ااااااااااااااااه شغل الزهايمر دا تعمليه على جوزك مش معايا انا .. دنا ابنك وحافظك ام نبيل : بس يا واد بلاش قلة ادب نبيل : انا اسف يا امي .. هنروح لخالتي واطلعك تفتحي الموضوع معاها تاني وعارفه لو نزلتيلي ضبع .. مش مركبك العربيه وشوفي مين هيرجعك البيت ام نبيل : اخرس يالا انت خدت عليا بزياده اوي نبيل : برضو انا اسف .. بس برضو اعملي حسابك مش نازله من هناك الا والحاج عمرو موافق على الخطوبه ماشي ام نبيل : ربنا يسهل واخلص من جنابك .. يا ساتر نبيل : والنبي انا اللي عاملك حس فـ البيت واول ماتجوز هتعقدي تعيطي وتقولي البيت فضي عليا وحركات الحموات دي .. ( صوت رجلين بتجري وجزمه بتتحدف على الباب ) --- هل طنط فاطمه هتروح فعلا لأختها عشان تخطب لينا لـ نبيل ؟؟ ولا هيا مش موافقه على جواز الأقارب ؟