من كتابات زهراء العراقية
واخيرا كملت من السادس ودخلت كلية حقوق جنت طايرة من الفرح هيج ربي واصير جامعية واتباهه بشهادتي يم بنات خالاتي امهات القمل ..
اسمي تهاني عمري 22 عام الا طلعت من الاعدادية بخير وسلام ..
انطيكم نبذه عن شخصيتي . فد يوم اجت بت خالتي وكعدنا نسولف على فلانه وعلانه من بين السوالف اجه طاري وحده من بنات خالاتي الثانيات كالت الي ليش ما حضرتي المهر مالته قبل اسبوع
كلت اله ماعزمتني (تعرفون ليش ماعزمتني لان بس اعيب واقلد اني وخواتي 😉) كالت الي هي طالعه حلوة حيل وخطيبه حلو الصراحه حيل حلو
هي كالت هيج واني الغيره اكلتني
مر شهر والتقيت باخت بت خالتي الي كطعت مهر كتله من بين الكلام ولمحت اله على ان سمعت من بت خالتي انو العريس احلى بهواي من اختج ويكولن طالعه يمه كسر 😉 وحطيت اشويه ملح اشوية تره زوديت 😉 اخته شب بكلبه نار وسمعت اتعاركن ويه بت خالتي الثانيه .....
ومرة اختي طلبت مني عشره دين تريد تشتري بيه شغله مهمه مصروفه مايكفي لان صرافه عكسي اني ربع ما اصرف انطيته العشره بس احس كلبي فرفح عليه ردت ابجي الا اشويه اخاف تتأخر الا تردهن فابليل اني لا استحي ولا اخجل حقي هذا رحت لبوية وكتله بتك اخذت مني افلوس 25 بويه خطيه مريضه وراحت للطبيبة
امي صفنت عليه من ابوية ورق الفلوس الي وسال عن مرض اختي كتله شغله بناتيه😉 وطلعت وبيدي حمرة وها ورة فتره هم رجعت اخذت العشره من اختي 😁
اني قدمت على كلية القانون وبعدني ممداومه جنت شايله البيت كله بس شنو قاطة العائلة الكريمة كله وجنت اخيط عبي ونادرة جان عندي قاصه او دخل😂 بس شنو شكله المبهذل تنكه مابين عليه بيه ثلاث مليون عراقي ....
اني حلوة بس قزمه شكول الكم يعني اختي الصغيره اطول مني ...
خواتي اثنين كشاخات وحتى امي ملابسه احسن مني اني ابد ما ينطيني كلبي اصرف الفلوس على هاي الخزعبلات يعني جيس الجبس انهضم اخسر عليه ربع واكله ....
امي انطتني خرجيه اشتري بيه ملابس للكليه رحت لسوك الجمله جبت جبتين وحذائين امهات خمسه ولزكتهم بشالين اثنين بخمسه وقلم احميره سحري وباودر ابو الفين بس والله الطريق كله امشي وكلبي مهظوم على افليساتي يعني ليش الوحده ماتروح بدشداشه مال البيت شنو هاي المصاريف الزايده
صدك .. صار الدوام ولبست وطلعت اخويه يوصلني دخلت للجامعة ورحت للكلية دورت على قسمي بش شنو عالم ثاني همزين اشيكت وما رحت بالدشداشه يعني سافرات واشكال لابسات والمكياج مالتهن اني بعرسي مامتوقعه احط مثله .....
ماعرف ليش من كاعي انعزلت عنهم يعني ولا وحده كلبتني وصادقتني دوم حتى بالأستيج اكعد وحدي 😥
اني نسيت اكول الكم لا اباوع للشباب ولا اهتم لاي شخص عشقي وملاذي وحبي الوحيد الفلوووووس ولا احد بعيني غيرهم ..
يتبع من كتابات تراتيل حواء
زوازية
