عرفت من البنية هي بت اخته وأصرت نروح للكافتريا دخلت لهناك وجان اشوف استاذ سنان وهي اخذتني اله جاااان صاااك ولابس ملابس ضاهرة رجولته بشكل فضيع مو مال وحده مثلي تكعد يمهم هو وبت اخته الطاكين .. كعدت وهو اشلون حلو يشاقه ويضحك ويه بت اخته عبالك صديقته واني خالي اذا شافني يدير وجهه حتى ما يتعب نفسه ويسلم😂
اسلوبه بالحديث حلو بس ضوجني من كال شنو تتفضلون ماعرف ليش حسيتهم دا يتعاطفون وياي وبين عليه الضيق لهذا بت اخته كالت وهي تضحك:- يلا لا اضوجين على حسابج العزومه
اني كالت هيج وگلبي طلع من مكانه راد يطفر على الطاولة
وطلب لفات الاستاذ الي والهم وكوكتيل عصير وماخلوا شي يعتب عليهم تقريبا جانت الساعه ب12 الضهر يعني غده خفيف بس اني من جابو الطلبات متتت وذوله ياكلون ويضحكون ويشاقون واني گلبي محترك على افليساتي ودي اخذ الاكل من اديهم وارجعه ااااخ يا گلبي ياربي ماتاخذ روحي وتخلصني من الحساب اني محاطه مبلغ يذكر بالجنطه هنه الألفين الي لاطشات خرب حضي
استاذ سنان لاحظ البنيه متاكل عرفه بعده منحرجه هذا كل ظنه وخايف حيل لا جرحه بهذاك اليوم لهذا اليوم دعاهه مايدري العينتين راح تبجي على افلوسه 😂 واصلا ولا يمه ذاك الموقف نسته
ياكلون وبتأني وبده يحجي عن اشلون هو بده مشوارة وطلع جان كلش من عائلة فقيره ويشتغل عماله بالعطل ويدرس واخته ام بريهان كانت تخيط وتدرس واشلون تحدوا الصعاب ونجحوا بحياتهم الحقيقه جان هو فعلا شخصية تستحق الاحترام لان خطيه يريد يوصل شي الي بس اني عبس وولى لان بالي ولا يمه بالي يم افليسات من طلبت بريهان اكل بعد خلص حسيت اكو دمعه طلعت مني لا اراديا
استاذ سنان بصوته الرقيق الطيب كال:' لا لا
لا تبجين تهاني
طبعا هو جان يحجي عن الطبقات والناس غنية بأخلاقه لا بماله ومن هذا الكلام من دمعت تهاني فعباله اني حيل تأثرت وحتى ما اكلت شي وحس بتأنيب الضمير مايعرف ليش حس لازم يساعد هاي البنية الحساسة بس اشلون مايعرف سكتت تهاني وضلت باله مو يمهم وضاجت حيل منهم خلصت بريهان وكالت حروح حتبدي محاضرتي وطلعت بقيت اني والاستاذ والضيق بان عليه اكثر اشلون راح اصرف هسه . استاذ سنان يعرفه من وسط متحفظ فعباله ضاجت من كعدتهم ابسرعه كام وطلع واترخص طبعا منه وراح وبقت تهاني الي حايره اشلون تدفع المبلغ الله الي يعلم بكم ..
صاحت للولد وطلبت منه الحساب طبعا هي اكله على حطيته ما اتقربت منه . الولد ابتسم وكال الحساب مدفوع سابقا من استاذ سنان اهنا تهاني يمكن شلال ماي بارد ونزل على گلبة افييييش ياريحه هلي يعني هي ماعليه
باوعت للصحن الي كباله اربع لفات وانواع العصائر طالب اله لان مايعرف شنو تحب ضلت صافنه صاحت للولد وطلبت منه علاگه😣😣 الولد استغرب وجابه اله راح بس ضل يباوع اله وشافه حطت الاكل بالعلاگه بس العصير اشلون احتارت بيه 🤔 بس مستحيل اتعوفه صكته كله وبطنه رادت اطك ما شاء الله كلهن حبتهن 😂😂 طلعت اتريع من اللبن والنعناع😂
