نامت ملاك وهيه كولش فرحانه
كعدت من الصبح عزلت البيت وسوته يلمع وكعدت تختار احلا ملابس عدها واختارت فستان قصير وضيق عليها ولبست وحطت مكياج وفلت شعرها وعطرها طلعت اجنن صارت الساعه 4:00 الظهر محمد اتصل عليها وكالها جهزي روحج فد نص ساعه ونوصل ملاك طارت من الفرح وكعدت تباوع على روحها بالمرايه شافت شكلها يختلف عن قبل لان ضعفت كالت طالعه مو حلوه خرب حظي
وره شويه اندك الباب طلعت عمت ملاك فتحت الباب
دخلت ام محمد وخالته ملاك تباوعلهن من الشباك اتصلت على محمد محمد انته وين كالها كاعد بالسياره كالتله اوك باي خل اروح يم امك
وراحت ملاك قدمت العصير والكيك ام محمد شافتها انعجبت بيها كالتلها طالعه تخبلين
ملاك : ابتسمت ودنكت
ام محمد : والله ملاك ومحمد متفقين بيناتهم على كلشي احنه شغلتنه بس نجي نخطب هه
ام ملاك او بالاصح عمتها : اي هذا الجيل مو بكيف الاهل بكيفهم
ام محمد : هسه نبدي بالحجي احنه جاين نطلب ايد ملاك لابنه محمد تقبلون
ام ملاك : احنه من ناحيتنه موافقين بقه بس نسئل عل ولد
ام محمد : اسئلو على راحتكم
ام ملاك يصير خير
ام محمد : يله احنه نترخص ورانه طريق طويل
ام ملاك : رخصتكم وياكم
ام محمد اجت لزمت ايد ملاك وكالتلها محمد يريد يشوفج وطلعن ومحمد شاف ملاك
محمد : شلونج خاله
ام ملاك : اهلا الحمدلله وانته شلونك
محمد : خاله انا زين بس بنتج ما خلت بيه عقل . ملاك شلونج
ملاك : حمدلله زينه☺
ومشه محمد واهله ومحمد فرحان مرت الايام واجه يوم العقد وملاك لبست بدلت عقد بيضه اجنن وحنين وجودي ونور ولوجين ومريام وسارا اجن وسون حفله اجنن بيوم العقد وملاك فرحانه كولش الدنيه ما شايله فرحتها واجه محمد ولبسها الحلقه وجابو سيد للبيت عقدلهم 😍 ويوم يجنن
محمد : حبيبتي واخيرا صرتي الي يمته يجي يوم زواجنه
ملاك : حبيبي اصبر ما بقه شي واصير الك للابد ونكعد انا وياك نفس البيت 😍
محمد : ولج طالعه اجننين
ملاك : هه ☺
محمد : فديت الخجلان
واجن البنات باركن لمحمد وملاك
محمد وملاك : الله يبارك بيجن
ملاك : شوفن بقه بس مريام وجودي 😈 يمته تخلصنه من عدجن
مريام : شنو عيني كاعدات على كلبج
ملاك : اي والله كاعدات على كلبي
جودي : اسس طافي شكد تتعاركن عيب منا العالم مو بالبيت
محمد : ههههه فضحتنه
وخلصت الحفله ورجعن للبيت وملاك تباوع على حلقتها وبيومها محمد يتصل وهيه مترد عليه محمد خاف كال خاف شو شبيها اتصل على لوجين
لوجين : ولج ملاك هذا محمد
ملاك : كليله نايمه
لوجين : الوووو شلونك محمد
محمد: حمدلله زين انتي شلونج
لوجين : زينه
محمد : اكلج ملاك وينها
لوجين : ملاك نايمه
محمد : هههه شكد تنام
لوجين : خطيه تعبانه من الصبح كعدت
محمد : اي خطيه خليه نايمه انا اترخص هم اروح انام
لوجين : مع السلامه
ومحمد راح نام ومرت الايام وصار يوم زواج ملاك وراحت لارقى صالون واشترت بدلت عرس اجنن وطلعت من الصالون مثل الاميره محمد شافها 😍😍 وكال بكلبه هاي الاميره صارت الي بعد محد يفرقنه الله لا يحرمني منها وراح اتقرب يمها وهمسلها طالعه مثل الاميرات
ملاك : ابتسمت ونزلت راسها☺
محمد : يوماا فديت الخجلان
ملاك : خلاص كافي هسه البنات منتظراتني
محمد : اهووو مو صوجج صوجي اتغزل بيج 😒
ملاك : هههههه عصب
محمد : روحي خل يفيدنج البنات انا زعلت 😒
ملاك : فديت الزعلان ههه
محمد : وسم تضحك يله ولي
ملاك : هلا هلا شو من هسه عصبت 😒
اجن البنات اخذن ملاك كالنلهم من هسه بدو يتناكرون هههه
ملاك : يله امشن اجو كل المعازيم
البنات : اي وينتضروكم
وسوو حفل يجنن ملاك الكل يباوعلها لان طلعت مثل الاميره محد شال نضره عنها وبده محمد وملاك يركصون ويجننون طالعين وسوو حفله اجنن والكل يركص ولوجين وحنين ونور وجودي وسارا ومريام يركصن وملاك بنصهن وكملو الحفله وكلمن راح لبيته وملاك ومحمد راحو للفندق وثاني يوم راحو شهر عسل وره اسبوعين رجعو والبنات لاكنهم بالمطار
البنات : ولج ملاك اشتاقينالج
ملاك : ولجن انا الاشوق
البنات : شلونك محمد
محمد الحمدلله زين وانتن
البنات : الحمدلله
لوجين : ولج ملاك ابشرج
ملاك : هاا شكو
لوجين : ابشرج طلعو القبولات وانتي قبلوج بالطب ومريام هم قبلوها طب لان ما قدمت وانا ونور وسارا وحنين خلونه نكمل دراسه السنه الجايه نلحكجن للجامعه
ملاك : يااااي شكد حلوه فجئتن كلشي اتغير وصار كلشي حلووو
البنات : اي والله
مريام : اي ادور كلاك نتكابل انا وياها بالكليه ونتناكر
ملاك : هههه يبوووو منج وين ما اروح تلحكيني
محمد : هههههههه ولجن فضحتنه كدام العالم روحن للبيت واتناكرن
ومشو للبيت ومسوين عزيمه للناس وفرحه ما تنوصف
وبعد مرور ايام واشهر لوجين صار عدها بنت ونور صار عدها ولد وحنين اتقدملها حبيبها واجن البنات لعقدها
ملاك : هلوو بنات
البنات : هلا والله ليش اتاخرتي
ملاك : محمد اخرني
البنات اي بشري شلونج شكو ماكو شلونها الكليه
ملاك خل مريام تسولفلجن
مريام ههههههه ولجن قهر شبعنه قهر على كد الصعوبه وملاك كل يوم واحد يعترفلها بحبه ويجي محمد يتعارك وياه وملاك ومحمد يتعاركون هاي على طول السنه هههههه
ملاك هاااا هاااا مريام شكلنه مو اتفقنه ما تكولين لعد انا هم راح اكول مريام تحب واحد بالجامعه وهوه هم يحبها
البنات هههههههه خرب هاي كله ومريام ما تكول
ملاك لا ولجن بالعطله يتقدملها
مريام ☺ اي فديته
البنات يله تعالن صار وكت العقد وجابووو حنين من الصالون طالعه كلش حلوه وسولهم حفله اجنن وخلست الحفله وكلمن رجع لبيته وحنين كولش فرحانه
