Spoken Poetry

Tapos Na Tayo

Mahal naalala mo pa ba ang mga araw na pinapasaya mo ako, bawat gabi na ikaw ang tanging nasa isip ko , na sa bawat pag patak ng oras ika'y laging nasusulyapan

Ngunit ngayon wala na, natapos ang lahat sa salitang "Tapos na Tayo" mga salitang hanggang ngayon ay nasa isip ko pa rin na hindi ko pa kayang limutin ang mga ala alang dati'y masaya ako

Masaya ka na sa ngayong meron ka habang ako ay nasa harapan mong umiiyak parin at sinasabing "Pwede ba nating ibalik?"

Pero ang tanging naririnig ko ay "Tapos na Tayo" matapos mo sabihin ang mga salitang iyan

Pinilit kong mag bingi-bingihan, mag bulag bulagan na nakikita ko na masaya ka na, na hindi na talaga natin kayang ibalik ang dating tayo

Lumipas ang mga araw napag isipan kong lumayo, lumayo ako dahil hindi ko na kaya ang mga sakit na aking nasasalo

Lumayo ako ngunit pinag laruan ng tadhana at sa muli nating pag kikita...

Nakita ko muli ang mga matang masaya, nakita ko muli ang anino mong lagi kong sinudundan

Sa muli nating pag kikita naramdaman ko ulit ang mga sakit na aking naramdaman nuon at sa halip dumoble ngayon

Sino nga ba ang manhid ako ba na kahit ilang beses mong ipilit na ilayo sayo mas pinili ko pang masaktan kaysa tuluyan nang ipag paraya ka

Oh ikaw na hindi mo man lang alam ang aking nararamdaman at muling ipagtaboy tulad ng pag hihiwalayan natin?

Bakit hanggang ngayon hindi ko masabi na "Tama na" bakit hindi ko Ipag pahinga muna ang puso ko kasi wala na tayo TAPOS NA TAYO

Lumipas ang araw natuto ako natuto na mag palaya, ngayon hindi na ako mag papakatanga pang ibalik ang nakaraan

Dahil alam kong sa huli ako rin ang mahihirapan at masasaktan ngunit

Sinisigurado ko na sa muli nating pag kikita hindi na ako nasasaktan pa, sinisigurado ko na hindi na ako mag hahabol pa

At dumating ang araw na hindi ko inaasahan pinag laruan ulit tayo ng tadhana

Sinasabi mo na muli nating ibalik Ang dating tayo ngunit tatlong salita lamang ang lumabas sa bibig ko

"Tapos na tayo" siguro ngayon mo lang naramdaman ang mga sakit na naramdaman ko nuon

Ngayon wala na tayong babalikan pa dahil lahat ng ito ay nag laho na matagal na ayoko na muling mag paka tanga ng dahil sa pagibig

Itinadhana nga tayo ngunit hindi para sa isa't isa