محمد : هذا الي صار امي وين
ابرار : امي لوطا بس فكر قبل لا تفسخ يا حمود
محمد : لا شفت اني معش بنفكر
ابرار : شن شفت احكيلي
محمد : تعالي معاي
شدها من يدها ونزلت للوطا بحدا امهم
اميمة : عيونك حمر يا وليدي
محمد : نبيك في موضوع
ااية : مش من غيري
اميمة : خير ان شاء الله
محمد شبح لابرار وقال : اني اني يا يام مش عارف ابرار قولي انتي
ابرررار شبحتله وقالتلهم : محمد يبي يفسخ خطوبته
اميمة واية مع بعض : شنييييي 😱
محمد : زي ما سمعتو وامي بالله استعجلي
اميمة : متأكد يا وليدي
محمد : مليون في المية وركب لداره وسكر ع روحه
أية : حكالك علاش
ابرار : لا بس قال بيحكي
اية : ما نحبهاش اصلا فكة
ابرار : تحشمي
اية : اياااه ع اساس تعرفيه الحشم انتي
اميمة : بدال من الدوة الفاضية هادي نوضي انتي وياها وتو رواحكم جاية مرا
اية وابرار : منو هالضيف المفاجئ
اميمة : مرا اسمها خيرية
اية : من وين تعرفيها
اميمة : اخت جارتنا عيشة
ابرار : اية ساوي روحك بش تخطبك ونفتكا منك 😂😂
اية : لا مدابيك انتي نفتكا منك 😜
اميمة : هبال هدا 😂 (في سرها ربي يحميكم ويحفظكم ليا يا ضي حياتي ❤🙈 )
-
محمد اتصل بيه صاحبه
محمد : اااه اهلين ايمن ( محمد صاحب ايمن هلباا لما شاف الاء كانت عند اخت محمد اية )
ايمن : تي وينك يا راس
محمد : عايش وانت
ايمن : دور تلقاني
محمد : هههههه سامحني والله انشغلت الايام الاخيرة اطلع عازمك ع العشي
ايمن : معذور مدامه فيه عشي ع حسابك 😂
محمد : هههههه الي يسمع يقول ما عمره تعشى
ايمن : يا اخي ديما مدلع شيماء وناسي صحابك
محمد : هههه ومعادش مدلعها
ايمن : يا ساتر شكلك صدقتني ونضت ع روحك
محمد : نادم اني فيمرة كدبتك
ايمن : ما عاش الي يخليك نادم يا راس
محمد : راجي دقيقة نلبس السبيدرو ونجيب مفاتيح السيارة ونجي
ايمن : تمام هي
طلعو محمد وايمن طلعو مع بعض وتعشو وروحو لتاني يوم الاء حكت كل شي صار معاها كلهم شجعوها توافق الا اية بصفتها اقرب بنت لالاء كانت مش راضية لا بل مش مرتاحتله تحس بأن هوا مش مناسب هوا احساس بس مرات صح
الاء : وية علاش هوا شن دارلك ؟
اية : يا الاء ما دارلي شي هوا صاحب خوي نعرفه من بعيد بس مش مرتاحة لو انتي عاجبك وكله وافقي ما تاخديش بكلامي
مريم : صاحب خوك اهو قلتي واكيد خوك يعرفه كويس اسأليه عليه
اية : مريم بعقلك تدوي
مريم : ايه بعقلي وين الغلط
اية : تخيلي ماشية نسأل في خوي ع صاحبه حتى الي مش بعقله ما يديرهاش
