حبيبتي حورية

قصة من جزء واحد ❤️

____
#حبيبتي_حورية ❤️
اليوم في هذا الزمن : ١.١.٢٠١٥ الساعة ١٢:٠٠صباحاً
حبيبتي كنتي ولازلتي الكبيدة الاولى و الاخيرة ، مرت خمسة سنين على غيابك و انا كل يوم في حرقة و قهرة و غصة و الم و عذاب
حبيبتي خذتني داكرتي لاول يوم تلاقينا فيه 😍 في الجامعة
اول مرة نشوف ملاك يمشي ع الارض و كأنك حورية من الجنة " عيونك وكان السماء خدت لونها منهم ، خدودك كانهم حلوة صوف "غزل البنات" شفتاك كانهم حبتين فراولة ، سنونك كانهم عقد من الؤلو الصافي 😍 بشرتك اصفى من الحليب النقي عفويتك و ضحكتك مشيتك المتناسقة حجابك الي كان وكانه غلاف على حبة حلوى مرشاميلو ❤️"
كنت انا و صاحبي زياد مقعمزين نراجعو قبل الامتحان فتي انتي سرحت فيك معاش عرفت روحي وين ولا امتى ولا كيف صار فيا هكي
زياد: احمد احمد احمد 👏🏻👏🏻 هي يا ولد
احمد : هاا نعم نعم خيرك
زياد : انا اللي خيرني ههههه ليا ساعه انادي فيك وين سرحت
احمد : "بوجه كلاه الخجل والحشم " ااه لالا والله قاعد غير نفكر ف الامتحان و التخرج 😹
زياد : تي هونها تهون يا صاحبي ماينخافش عليك انت 😸 دماغك مشاءلله 👌🏻
احمد : يستر الله يا غالي ، ربي يوفقنا و نرتاحو الواحد يشقى بروحه وحياته
زياد :اييه والله معاك حق يا صحيبي
نضت انا وزياد خشينا الامتحان و بعد حوالي ساعه طلعنا من القاعة نشبح فيك مقعمزة انتي وصاحباتك جتني حالة صدمة و فرحة 😍 ماتوقعتش بالسرعة هاذي بنشوفك تاني
ولاني غبي في المواقف هاذي ماعرفتش كيف نتصرف الا انا نجي نقعمز قدامك ونقعد نتامل فيك
نشوف فيك تقربي مني 😻وانا نظن ف روحي نتخيل بس
و تقربي وتقربي لين وقفتي علي راسي
السلام عليكم يا خوي !! قلتييييها باحلى صوت ممكن الواحد يسمعه في حياته
انا من الصدمة نظراتي طاحو هههه طبستي مديتهملي ههه
وووعععع وعليك السلام اهلين
-اهلين وخيي انا حورية طالبة في الفصل الاول في كليتك حكولي عليك انك اشطر واحد في الكلية وانا محتاج حد يراجع معاي ولو كان بالمقابل !!
قلتي كلامك كله دفعه وحدة ماخلتيليش فرصة حتى نفيق من الصدمة "هو الاسم الي تخيلته ف خيالي هو الصوت هو الطلب اللي جاني من الجنة "
انا و بتوتر تاااام - اهلي اهلين حورية عاشت الاسامي
انا احمد اخر فصل للاسف ههه لكن ولا يهمك ادللي وخيتي رح نراجع معاك اول باول حتى بعد نتم نجي علي خاطرك طالما وقفتي عليا و طلبتيني
-حورية: الله يبارك فيك و يفتح عليك و يوفقك
انا : هههه لا عادي ولا يهمك ماتزيديش تحرجيني .. من امتى تحبي تبدي
حورية : امتى مايساعدك انا كانت عندي ظروف وفات عليا هلبا
احمد : لو ماعندك شي نبدالك حتى من توا
"وقتها شفت الفرحة في عيونك كيف لمعو 😍 " و قلتيلي
- باااهي هي خلي نمشي نجيب شنطتي و شيتاتي و الكتابات و نجي 😍
كنتي فرحااانه وقتها ، عرفت انك شاطرة و عقلك واعي
بديت نقري فيك يوم يومين وانا كل يوم معاك و كل يوم نزيد نتعلق بيك و انتي ترتاحيلي
تباعدت ع الدنيا كلها ، لاني يوم ملكتك حسيت روحي ملكت الدنيا
*انتي الدنيا و الكون .. انتي الحب اللي ماعمري عشته ، انتي اللي جيتيني كيف الهوا بعد الضيق ،، نور بعد ظلام ، انتي دقات القلب اللي بين الضلوع .
مرو شهرين وانتي واخدة راحتك معاي 😍 بديتي تقربي مني و مرتاحتلي
نتفكر في يوم قلتيلي و في وسط الشرح ههه
" - احمد ؟! بعد نكمل قرايا بتنساني !! "
وقتها قلتلك بكل عفوية و ماعرفتش كيف طلعت مني هههه " هناك من ينسى روحه يا روحي "
قعدنا نضحكو حني الزوز و حمدت ربي انك ماخديتيش الموضوع بجدية و حرجتيني هههه
كل يوم يمر معاك نزيد نحبك ونتعلق بيك ..
مرو اربعه شهور وانا نعرفك ورغم الصداقة اللي بيناتنا الا انها صداقة دراسية فقط
جي يوم تخرجي اللي طبعاً سانديتيني فيه ف كل خطوة و كنتي الداعم الاول ليا و لزياد
#(اجواء يوم التخرج ...
-حورية : الوو احمد وينك انا في الكلية من بكري نستنى فيك راه
احمد : اهوو جاي قريب نوصل غير خطمت علي زياد بس
-حورية : باهي هي تعالو الدنيااا زحمة وجوو حلووو متفائلة بيه
احمد : ان شاءالله خير يا غاااالية عليا وهااا حقا اليوم بنقولك شي مهم غير خلي نوصل
-حورية : هههه ديما وانت بشيك هي تعالى ) .
وصلنا انا وزياد كنا لابسين و متأنقين وكان يوم عرسنا هههه
وانتي زي القمر كالعادة لابسة قفطان وردي و حجاب ابيض و كانك ملاك "حورية اسم علي مسمى "
تلقتينا و دعمتينا و رفعتي معناوياتنا 😍 خشينا ناقشنا و تخرجنا و طلعنا نتفكر في فرحت امي و بوي و عيلتي كلها و بالرغم من هدا من بينهم كلهم قعدت ندور فيك ليييين لقيتك واقفة في الركن بعيييد و تستني فينا 😍
معاش شفت حد في وجودك مشييتلك طول الفرحة اللي في عيونك مستحيل ننساها ..
مجرد وقفت قدامك معاش نعرف روحي ف اي جنة انا
اول مرة شديتي ايديا الزوز و فرحاااانه ، وقف الوقت و الزمان فقت علي سؤالك ..
-حورية : احمد بكري قلتلي بنقولك حاجه ..شن هيا !
لولا سؤالها ماكنتش فقت من السرحان اللي انا فيه .
-احمد : ااه شن قلتي ههه 🙊
-حورية : هههه وين كنت لاهي
-احمد : في عيونك 😍 ااه قصدي معاك ههههه "و وجه متحشم وحالته حالة "
-حورية : قلتلك بكري قلتلي بنقولك حاجة شن هيا ؟
احمد : ايه بنقولك حاجة و بالله عليك ماتفهمينيش غلط 🙈
-حورية : تي قول من امتى تتحشم مني ههههه ملنفهمكش وعد
-احمد : 😬 حورية بدون مقدمات انا ....
وفجاءة جي وليد 🌚 ،،،، "احمد قريب ضربه في اللحظة هديكا لولا ان لاهي مع حورية ههه
حورية : الف الف مبروك ويلوو والله فرحتلك وخيي الفال لفرحك ياربي ❤️
وليد : الله يبارك فيك يالغالية ، سامحوني قاطعتكم غير جايبلك خشرة هههه
احمد : تي تحشم شن خشرة متاعك يا راقي ههههههه
وليد : تي باهي وانت قريب تضرب هههه
حورية : استهدو بالله ههههههههه
وليد : هي نستاذنكم انا توا
احمد : هههههه ماشي ماشي
-"حورية و من غير كلام تاني قالتله كمل شن كنت تقول ههه "
احمد : قلتلك انااا ..
حورية : ايه انت شن الهم خيرك شن فيك
احمد : انا نحبك ❤️😍
حورية : ش ش شششن 🙊🙈 بس نقولك شي !
حورية : كان انت توا تحبني انا نحبك من اول يوم قابلتك فيه 😬🙈
و راحت حورية تحكيله كانه صندوق مضغوط و نفتح .. " انا نحبك من اول يوم لاقيتك انت و صاحبك مقعمزين تهدرزو جت عيني ف عينك و انت تقرا حسيتك مختلف ع الاخرين بجاكيت الجلد البني و السورية الحمراء و سروال الجينز و البوت الجلد البني و كانك عارض ازياء و ماننساش البراءة اللي شفتها في عيونك
ماتعرفش قداش فكرت و فكرت كيف نوصل فيك لين سالت بنية تقرا معاك اني نبي حد يساعدني ف القراية بعتتني ليك 😍وكانها تقرا ف افكاري مشيتلك طول من غير اي تردد كانك مغنطيس احلى حاجة صارت في حياتي كانت انت ❤️"
احمد مصدوم من اللي سمعه معاش عرف شن يرد ولا يقول
من هذاك اليوم علنو حبهم و هما احلى اتنين في الدنيا
يتلاقو و احمد بدي يخدم الصبح و العشية يقري في حورية مرت سنه علي علاقتهم ❤️ احمد قال لازم تتوج العلاقه بشي رسمي ..
#عودة-للراوي .
نتفكر يوم روحت من العمل اتصلت بيك قلتيلي انك مريضه وان اليوم ماتقدريش تطلعي ساعتها عرفت اني معاش نقدر نفوت يوم من غير ما نشوفك سكرت منك و مضااايق هلبا
مشيت لامي طوول من غير تفكير
قلتلها " يام بنقولك شي مش نشاور فيك لكن نبيك توقفي معاي وتنفديهولي ،"
امه : ان شاءلله ربي يقدرني و نساعدك ياوليدي ❤️
-احمد : نبي نخطب ،!
امه : حورية صح 😍
احمد انصدم من ردت فعل امه ؟! كيف عرفت و كيف هكي متساهله مع انها كانت مسكره راسها تاخدش من غير بنات العيلة
-احمد : ك ك كككيف عرفتي ،،
امه : تتفكر ليلة مرضت و رقتلك الحرارة !؟
احمد : ايه باه 😳
امه : هديكا الليله مابطلتش تنادي في اسمها و تتكلم تتكلم و تدوي عليها تاني 😌
احمد : ححيي 🙈 والله ماعاد عرفت شن نقولك بدل مانصدمك صدمتني يام
امه : خلاص امتى ماتبي تمشي انا واتية حتى كان تو ، انا شن نبي غير نتهنى عليك و نزوجك ❤️
احمد : هههه توا 🙈 خليها بعد غدوة قولي لاختي تجي و بري انتي وياها
امه : ان شاءلله باه خلاص باذن الله تو نكلمها الصبح ونقوللها 👌🏻
وقتها احمد مش عارف وين يحط فرحته حتى النوم من عينه طار .. يستنى في الصبح امتى يجي باش يقول لحورية الخبر
جي الصبح و اتصلت بحوريتي ملاكي و انا فرحاان 😍
نستنى فيها ترد وكان ليا ساعه التليفون يرن
ردت حورية بصوتها الدافي الناعس 😍❤️
حورية : الوو صباح الورد ☺️
احمد : صباح العسل حبيبتي 😍 كيف حالك يا عمري اليوم ؟
حورية : الحمدلله خير من امس الحمدلله ، كيف حالك انت
احمد : انا حالي مافيش احسن منه و مااافيش اسعد مني اليوم
حورية : ههه ان شاءلله خير شن فيه
احمد : ملاكي ، انا نحبك ونعشقك ونموت فيك و انتي تحبيني 😍مانبيش نطول العلاقة اكتر من هكي من غير مسمى و مانرضاش تطلع عليك كلمة لين الناس يشوفو فينا مع بعض لينا سنه مع بعض و انا فهمتك وانتي فهمتيني ،، ف بنقولك انا غدوة بنجيب امي واختي لحوشكم 🙈
حورية : ش ش شششن تقول حمودة هههه قصدي ماتفهمنيش غلط لكن انا مريضه وانت تعرف كيف وجهي مقلوب
احمد : انتي ملاكي كيف ماكنتي تهبلي ، نوضي صحصحي وقولي لامك
حورية : هههه صدمتني والله صدمتني مش دايراته ف الحسبان الشي هذا
مشت حورية قالت لامها وامها رحبت بالناس و خطبوها و علاقتهم زادت تقوت
فاتت سنه تانية علي علاقتهم❤️😍 مزال لحورية سنه ع التخرج
فاتت الايام و احمد وحورية احلى اتنين يوتو في حوشهم و يأتتو فيه لانهم متفقين بعد التخرج علي طول بيتزوجو
فاتو الشهور يجرو و جت السنه الاخيره 😍❤️
حورية ضعفت هلبا و خافت و احمد كان سند ليها ف كل خطوة
جهز معاها المشروع و جت يوم المناقشة ....
#عودة_للراوي ...
نتفكر يوم مشروعك فكرتيني بروحي يوم مشروعي هههه
كيف خايفه و متوترة
طالعه زي الملاااك شكلك هذاك اليوم ماباش يتحول من بين عيوني
نتفكر كيف قعدت اختي معاك وخشيتي ناقشتي و طلعتي تجررري ماشفتيش لحد جيتيني انا و تقوليلي "خلاااااص ياحمووودي احنا توا معاش في شي يباعدنا "
نتفكر يومها اول مره تنزل دموعي قدام حد 😍دموع الفرحة
تاني يوم قلتلك اليوم مدايرلك زردة 😍 قلتيلي لا عندنا عيلتنا
و اصرييت عليك ...؟!!!
ياريتني ماكلمتك 😔ياااااارييييت
كلمتيني بعد ربع ساعه و قلتيلي خلاص حبيبي قولي وين نجيك ونجي
فررررحت قد الكون ..
اتفقنا نمشو مكانا المعتااد ....
#احداث_الموقف ..
حورية وصلت للمكان و اتصلت بأحمد ..
احمد : اه حبيبتي وصلتي
حورية : ايه حبيبي .. وينك انت معطل ؟
احمد : لالا اهو نشوف في المكان خلاص وصلتلك وجايبلك هديتك
حورية سكرت التليفون و طلعت تجري ادور ف احمد بعيونها لين شافاته مدرس سيارته ف الجيهة التانية من الطريق
وجنبه سيارة حمراء اللي حورية خاطرها فيها وعليها باقة ورد احمررر
حووورية معاش شافت حد ف الدنيا الا احمد اللي طالع تقول عريس و يشبحلها و يضحك و فرحانين هما الزوز
حورية جت بتقطع الطريق ومن غير انتباااه عيونها ف حبيبها احمد ....
ضربتها سيااارة !!!! حووورية ضرربتها سيارة
قفطانها الابيض اللي مطلعها كانها ملاااك بدي احمرر
احمد مصدوووم
الناس التمو علي حورية
احمد شدها بيديه حورية حووورية حوورية ملاااااكي
حورية صارت حورية 💔
حورية انتهى يومها
حورية قصتها تمت 💔😔
#عودة_للراوي
حبيبتي لليوووم مش قادر نصدق اني خسسسرتك ف رمشة عين
حبيبتي مش رح يكون بعدك في ليا وجود تعذبت بما فيه الكفاية خمسة سنين مرو وانا كل يوم نتعذب
نكتب في الكلام هذا لعل وعسى حد يقرا قصتنا اللي توجها الحب و الوفاء
انا متاكد لو قاعدة عايشة مش رح يعجبك وضعي هكي
تتفكري يوم قلتيلي احمد انت ممكن تنساني
وقتها قلتلك مافيش من ينسه روحه 💔
__
احمد من كتر القهر اللي عاشه و العذاب مرض
ومات موتت ربي ، وكان ربي كاتبله يتزوج حبيبته حورية و هيا حورية
احمد لحق ملاكه حوريته ❤️
____________النــهــآيـــة ______حبيبتي حورية ________
نتمنى انها تنال اعجابكم ❤️
#لبنى_حكيم