اهواء القدر

الحلقة 1 (الجزء 1)

     هاي💭 اتمنى تعجبكم 😍
  💬  اتمنى التفاعل 👍. 
                              .
                              .  
                              .
                              .
                              .
         الحلقة 1☆:
شهد:يا ماما افهميني كيفاه واحد منعرفوش أصلو وفصلو يقلك حاب نخطب بنتك تقبلي.
فاطمة(أم شهد):يا شهد يابنتي راكي نور عينيا انا كون جيت منعرفوش شاهين منقبلش.
شهد: كيفاه تعرفيه ونتي معندكش ثلاث شهور مقابلاتوا.
فاطمة:يا بنتي شاهين حسبتوا وليدي من نهار قبلني نخدم فالشركة تاعو وعطاني خدمة مليحة باه منتعبش ولا نسيتي قداه من مرة وقف معانا.
شهد:منسيتش والله منسيت بصح انا حابة نتزوج واحد نكون نتفاهم أنا وهو ويكون بيناتنا انسجام، هاذي حياة رايحة نعيشها معاه ماشي شهر ولا شهرين.
فاطمة:راني فاهماتك انتي فكري مليح ورجعيلي بالخبر وراني امك ومنرضالكش حاجة تضرك...
.......شهد عمرها 22سنة عندها ليسانس أدب إنجليزي تخرجت بمعدل يشرف...هي طفلة رزينة وحنينة عاقلة وخاطيها التخلاط تعرف غير لقراية والدار كانت عندها صحبتها اسمها ميس كانت توأم روحها بحكم معندهاش اخوات لكن....

لكن صحبتها ماتت وهي حاسة بالذنب وتعتبر روحها سبب في موتها (راح تعرفوا مبعد لاه)..
من بعد ما ماتت رفيقة عمرها ما زادتش تعرفت على صحبات جدد كانت ديمة منطوية ومتحبش تخالط....
شهد عايشة هي وأمها في دار متواضعة بحكم وضعهم المادي ميسمحلهمش بأكثر.،أمها وبوها متطلقين لأنوا بوها كان رجل عصابات كان من الشراب والمخدرات ميخرجش كان كل ميروح للدار يضرب مرتو وبنتو كان مشربهم لمرار حتى جا النهار لي كرهت فيه فاطمة وقررت تهز بنتها وتهرب..وقدرت تهرب منو وبما انوا كانت شهد صغيرة كيما داتها مها وهربت متتذكرش بوها كانت ديما تحب تعرف شكون هو..

             ارجو ان تعجبكم هذي اول قصة لي 💗💗💗لي تحت عنوان اهواء القدر 💕💕