#احببتك_ولكن
الجزء13
سلام،،،من رجعت للبيت تعبت ومن مابجيت حسيت الدنيا تفر بية
ام سلام،،،كتلج اتركي هالموضوع من البداية يابنتي بس متسمعين كلامي شلج بهل وجع الراس الله المنتقم الجبار هو حسبنا ونعم الوكيل
سلام،،،ونعم بالله لتخافين يمة مابية شي بس انام شوي وارتاح
ورحت نمت بدون مااتغدة والعصر دك جهازي باوعت شفت المتصل سنان ترددت افتحة او لا
ورفعتة اهلا سنان
سنان،،، شونج سلام حبيت اتصل اطمن عليج
سلام،،،لا الحمدلله
سنان،،،كلة تمام ان شاء الله
سلام،،،ان شاء الله ولا يهمك
سنان،،،انتي سباعية مااخاف عليج
سلام،،، اني !!
سنان،،،اي انتي سلام واي وحدة بمكانج مستحيل تصبر وتواجه كل هالشي بوحدها
سلام،،،سنان لوما انت موجود بحياتي بهل محنة مستحيل اكدر اواجها او اتجاوزها
سنان،،،وان شاء الله مااتركج الى ان تاخذين حقج
سلام،،، ان شاء الله ،،،بس
سنان،،،بس شنو احجيلي
سلام،،،خايفة من باجر كلش
سنان،،،لا لتخافين اجراء روتيني ومن خلف الزجاج فقط تباوعيلهم
سنان،،،ظليت ساكتة
سنان،،،وراح اكون وياج ومااتركج
سلام،،،تنهدت وحسيت نفسي ارتاحيت لان بمجرد وجودة وياية هذا الامان بحد ذاته
وفعلا ثاني يوم رحت شفتهم وتعرفت عليه وبعدين تسجلت قضية كريم دفاع عن النفس ووقع سنان شاهد على الحادثة وتعرفت ايضا على الباقين وعلى ابو حمزة وكانت المحاكمة بعد اسبوعين وبلغوني مو الة احضر المحاكمة ووكلت سنان يحضرها عني خابرني سنان وبشرني انحكموا مؤبد وقحطان انحكم اعدام
سلام،،،،فرحت ولو مراح يتغير شي من الواقع بس العدالة لازم تاخذ مجراها حمدت الله وشكرت سنان
سنان،،،اعتبريني أخ وصديق الج وشنو تحتاجين دائما اعتبريني بظهرج
سلام،،،اكيد طبعا اشكرك ماقصرت وياية ابد
امي تشكرت سنان وكالتلة صح رب العالمين مارزقني بأخ لسلام ومن اليوم رب العالمين عوضني بيك ولو عدها اخ صدك ماراح يوكفلها هل وكفة
سنان،،،اتشرف خالتي ونعم منكم الله يحفظها الج من كل شر اني لحد هنا تخلص مهمتي وياها وان شاء الله ارجع لدوامي ولحياتي واي شي تحتاجوا اني برسم الخدمة
سنان،،،شكد ماجنت فرحان انو سلام اخذت حقها بكد ماتأثرت لانه انتهت قصتي وياها وبعد مااشوفها
حاولت اتناساها وارجع لحياتي ولشغلي والي صار اخلي ورة ظهري
سلام،،،حسيت قصتي ويا سنان انتهت جان لازم اباوع لحياتي واكمل دراستي واتأقلم مع وضعي الجديد وجان احساسي بأنه اكو شخص بحياتي ممكن الجأ الي عند حاجتي شعور حلو
جنت متأكدة هالأنسان معدنة طيب ومن راح احتاجة اكيد ماراح يقصر معي
امي كالت ماطول العصابة ولزموها وحاكموها لازم نرجع لبيتنة ولحياتنة خاصة امي مديرة مدرسة ومن وكت حادثتي وهية ماخذة اجازة ومداوم
رجعنة لبيتنة ولحياتنا الطبيعية ورجعت لدوامي
#احببتك_ولكن.
الجزء 14ّ
سنان،،،حاولت اتناساها وماجانت تروح من بالي بكل مكان اتذكرها وعيونها من جانت تباوعلي اوووف سحر
كمت يوم عن يوم اشتاكلها اكثر ومرة جنت كاعد بالمركز وكلت معقولة الي ديصير وياية ياربي ليش متفارك خيالي ليش هيج افكر بيها بس لا اكون حبيتها واني اعرف مستحيل ارتبط بيها
جنت اطلع رقمها واظل صافن عليه اتمنى اسمع صوتها اخبارها اتمنى اشوفها
بس مااكدر لازم اشيلها من بالي سلام صح ظروفها جانت اقوة منها بس لان جنت حاضر الحادثة بنفسي مراح اكدر اتناساها صعبة
قررت اشيلها من بالي نهائيا وحذفت رقمها حتى مااضعف
سلام،،،نسيت سنان وركزت بداستي جان مرات من يجي بالي ادعيلة ربي يسعدة ويقدملة كل الخير جان انسان صاحب فضل علية وماانساها الة ابد
مرت الايام وعدت شهور وحياتي الحمدلله شبه طبيعية لاني كمت اكره اتواجل مع شباب واكره اختلط مع شاب واخاف حتى اذا شاب حاجاني او باوعلي صارت عندي ردت فعل ضد كل شاب وكمت احس نفسي عايشة بغابة وكل شباب المجتمع وكأنه يريدون يفترسوني وهذا الشي صار عندي من بعد حادثة الاغتصاب
جانت والدتي تريدني اراجع دكتور نفسي لكن رفضت بشدة وكتلها اتركوني براحتي خلوني انسى الي صار مااريد ارجع اتذكر الماضي
ظليت على هل حال وقربت مناقشتي للحصول على درجة الماجستير عزمت كل الي اعزهم وجان من المستحيل مااعزم الصديق الصدوق سنان اتصلت عليه الصبح ومارفع
سنان،،،جنت ماسح رقمها وشبه ناسي وماعرفتة
سلام،،،رجعت اتصلت مرة ثانية
سنان،،جنت اتغدة بالبيت ودك جهازي نفس الرقم كالت والدتي ارفعة وليدي اخاف شي مهم
سنان،،،منو ديتصل بهيج وكت رفعتة الو
سلام،،،السلام عليكم
سنان،،،وعليكم السلام منو وياي
سلام ،،،تلبكت وكلت مو حضرتك سنان
سنان،،،اي نعم
سلام،،،اني سلام
سنان،،،رفعت حاجبي ووكفت ومااعرف شلون بلحظة وصلت غرفتي وقفلت الباب ،،،،اهلا سلام شونج
سلام،،،الحمدلله ،،شنو ماسح رقمي
سنان،،،ها ،،،لا بس غيرت جهازي ومعظم الارقام انمسحت
سنان،،،جان كلبي يدك وممصدك رجعت سمعت صوتها من جديد
سلام،،،،اعذرني اتصلت بهيج وكت لكن ماعندي وكت باجر مناقشتي وحبيت تكون حاضر اذا ماعندك شي واتشرف بحضورك
سنان،،،الشرف الي اكيد ماعندي شي وان شاء الله احضر وبالتوفيق يارب
سلام،،،اشكرك يلا مع السلامة
سنان،،،الله وياج
سنان ،،،كلبي كام يدك وحتى الغدة نسيتة وظليت صافن شذكرها بية سلام وليش رجعت اتصلت
العصر رحت حلقت ولبست قاط واختبصت وكأنه عريس
سلام،،،اثناء المناقشة باوعت وشفت سنان وجنت كلش فرحانة لوجودة مااعرف شنو السر الي بي
ورة مخلصت المناقشة وحصلت على الماجستير بدرجة جيد
سنان،،،جانوا يباركولها ومن بعيد اباوعلها تقدمت عليها وباركتلها واباوع لعيونها ومااعرف شنو يصير بية
سلام،،،كنت مل ماارفع عيني الكاه يباوعلي ونظراتة غريبة بيومها ماراح عن بالي واتصل بية بالليل استغربت من اتصالة
سنان،،،حاولت انام الليل كلة بس اتكلب مكدرت انام ماحسيت الا اني متصل بيها
سنان ،،،الو سلام
سلام،،،اهلا سنان بيك شي جان صوتة مااعرف شي كعدت وجلست كعدتي
سنان،،، مااعرف سلام احس نفسي مختنك تعبان
سلام،،،سلامتك سنان متستاهل الا الخير
سنان،،،همست سلام
سلام،،،نعم
سنان،،،احبج
سلام،،،انصدمت ومحجيت خليت ايدي على حلكي وبجيت حسيت الكلمة الي كالها كعدت بكلبي وهو هذا السر الي جنت اتجاهلة من اشوفة ياربي اني هم احبة بس شنو الفايدة
سنان،،،محجت شي وحسيتها دتبجي
كلت اني شكلت وشسويت غلقتة وضجت اكثر ظليت الليل كلة كاعد وافكر كعدت بالحديقة وكلت اني احبها صدك ومتأكد هية تبادلني نفس الاحساس لكن شنو مصير هل حب بوضع سلام
وشلون نكدر نتغلب على كلشي مرينة بي
سلام،،،ماكدرت انام وجنت مااعرف افرح مااعرف احزن على حالي
وللقصة بقية،،،،
