حب وجعي (مكتملة )

بداية النهاية

مرحبا انا ديمة عمري 24 سنة وابي متوفي من سنتين وماعندي غير امي واختي روان ودارسة اقتصاد سنتين وصارت معي ظروف ماقدرت كمل( ديمة بنت بسيطة عيون عسلية وبيضة وجمال ياعيني ع جمالى وطول وسط و قلبى طيب وحنون)
ام ديمة : ديمة الله يرضى عليكي بنتي قومي صحي رح تتاخري ع الشغل
ديمة : يلا امي قايمة
ام ديمة :الله يوفقك ياروحي
ديمة لبست وزبطت حالى وطلعت
ام ديمة : ياروحي انتي عم تتعب معنا كتير الله يبعتلك ايام حلوة متلك لتنسي الماضي يا ضو عيوني روان يلا قومي ع جامعتك
ديمة وصلت ع مكتبا بتشتغل سكرتيرة بشركة للاحذية شركة ابو جمال
ديمة : صباح الخير استاذ أبو جمال
ابو جمال : صباح الخير ياديمة ... شو صار بموضوع الاتفاق مع شركة صابرين
ديمة : حددنا موعد اليوم ع الساعة 4 بمطعم النور
ابو جمال : ماشي ياديمة روحي انتي ع مكتبك
ديمة : حاضر استاذ ....
ديمة بينا وبين حالى اووووف رح أتأخر ع البيت لازم احكي مع أمي وقلا رح أتأخر اليوم من شان ما تقلق
ديمة : ألو .... امي كيفك
ام ديمة : انا بخير امي شو صاير عم تتصلي
ديمة : امي ماتخافي مافي شي بس اليوم بدي أتأخر عنا اجتماع متأخر
ام ديمة : طيب امي انتبهي ع حالك
ديمة : حاضر ياست الكل يلا امي انا لازم سكر
ام ديمة : ماشي امي الله يوفقك يارب
ديمة خلصت شغل وصارت الساعة 3:50
ابو جمال : يلا ديمة ع الاجتماع جهزتي الأوراق
ديمة : نعم استاذ كل شي جاهز
ركبو بالسيارة ووصلو ع المطعم
النادل : اتفضلو
ديمة : عنا حجز هون باسم أبو جمال
النادل : آه نعم تفضلو هون طاولتكون وكل شي طلبتو جاهز
ديمة : يعطيك العافية .... عفوا استاذ رح روح ع الحمام
ابو جمال : تمام ديمة
ووقت كانت ديمة بالحمام اجو الضيوف
ابو جمال : اهلا استاذ محمد اتفضل
محمد : اهلا اهلا استاذ ابو جمال ( محمد غني عيون خضر وسيم مغرور شوي وطايش ولما بدو شي ابيعمل كل شي ليحصل عليه عمره 27 وهوي يتيم قبل 8 سنين اهلو ماتو بحادث وماعندو اخوي وكل مالو اخدون وراثة من اهلو )
وبنفس الوقت ابتوصل ديمة وهي ورا محمد
ديمة : عفوا استاذ اتأخرت عليك
وهون بلش قلب محمد ينبض بسرعة وقت سمع هل صوت بلشو عيونو يلمعو ودار عند ديمة بلهفة
محمد مع ابتسامة خفيفة وصل صافن بديمة
ديمة : مرحبا انا ديمة سكرتيرة الأستاذ جمال
محمد : أه ...امممم ....اتشرفت بمعرفتك آنسة ديمة يلا نبلش
ديمة : اتفضل استاذ هدول أوراق الاتفاق
ابو جمال : هدول شروطنا بالنسبة للشراكة
ومن دون مايشيل عيونو عن ديمة
محمد : انا موافق ع كل الشروط
ابو جمال : بس انت ماشفت الشروط
محمد : انا موافق ع كل الشروط بس بشرط واحد شرطي ديمة تصير سكرتيرتي
ابو جمال : شو ليش
ديمة استغربت من هل الشرط
محمد : لاء ....لاشي بس امبين البنت شاطرة بشغلا وانا لازمني هيك شخص عندي وقريبة مني
أبو جمال : انا ما عندي مانع بس لازم نسأل ديمة ...شو ديمة
ديمة فكرت ترفض بس خافت تنطرد من شغلا وهي بهل وضع
ديمة : حاضر استاذ متل مابتريد
محمد :اتفقنا
ابوجمال وهوي عم يوشوش ديمة : ديمة اذا مالك مرتاحة لا توافقي انتي مالك مضطرة تعملي هيك
ديمة : استاذ انت فضلك علي ومستحيل ارفضلك طلب انا قلتلك ما عندي مشكلة
وقعو الأوراق وهني طالعين
محمد : ديمة اذا ما حابة تشتغلي عندي مافي مشكلة
ديمة : لا استاذ ما عندي مشكلة اشتغل معك بس مستغربة شوي
محمد بابتسامة : وليش مستغربة انتي شاطرة بشغلك ومعي رح تستفيدي اكتر
ديمة وبابتسامة خفيفة: معك حق استاذ معناها بكرة ع الساعة 9 بكون بمكتبك
ومشيت ديمة طلعت بالتكسي وراحت
ومحمد اآآآه شو صار بمحمد ضل طول الليل عم بفكر بديمة ماعرف شو بدوا يعمل لحتى تصير هل بنت إلو ضل طول الليل عم بفكر بالماضي وكيف بدوا ........
وتاني نهار .....

#Remo342