بقلمي ودق القريشي
#مجنوني
بقلمي ودق القريشي
ليس كل مانتمناه نحصل عليه فبعض الأمنيات تبقى امنيات وبعض الأحلام ليست الى مجرد اوهام كل شخص يأخذ نصيبه من الحياة ياما يكون شقي أو سعيد بالنسبة لابطال قصتنا فجانت حياتهم شقاء وتعب قصتي أحداثها حقيقية ولكني ضفت عليها بعض التفاصيل أتمنى تعجبكم وارئكم تهمني 😍😍😍😍
رغد طالبه خامس إعدادي بنيه طويله رشيقة بيضه وشعرها اسود عابر خصرها لبسها عادي تنوره وقميص عيونها عسلي وساع وناعسات يعني اَي شخص يشوفها من بعيد أو قريب الهم نيكول ماشاء الله حتى جهال المنطقة مال بيتهم يحبوها من تجي من الدوام يباوعلوها ويضحون الها مرحة ودائماً مبتسمة حتى من تبجي اليشوفها يكون تضحك وجها وخدودها على اقل شي تصير وردي شاطره بالمدرسة والمدرسات كلهم يحبوها ويصيحولها تفاحة جان الجو حار تموز وخلصت امتحانها بأوعت عالساعه ٣ الظهر صديقاتها طلعو والي اجوهم اهاليهم منتظره السايق ماجاها بنفسها هف ياربي حموت من الحر خل ادخل لهاي الاسواق اشربلي عصير دخلت اسواق جبيرة بس هدوء تمشيت بالممر احم اكو احد هنا ورحت عالبراد اخذتلي علبه عصير وبديت اشرب باوعت ولد جان متمدد بالكاع الظاهر جان غافي باوعلي وكعد فز بسم الله الرحن شنو اني حلمان بالجنه وهاي حور العين يمي ويفرك بعيونه شكد جرئ شاب عمره عشرينات بس دخيل ربه الخالقه شكد معتني بخلقته اني شكد اكول طويله بس قياساً ويه طوله اني قزمة بشرته حنطي وجسمة مربوع وشعره يخبل مسوي سبايك رافعه ليفوك راساً كلت يمة هذا يخبل لابس بدي وبرموده وزنجيل بركبته طبعا تحرك خطوتين باتجاهي اني رجعت ليورى ارتبكت عطره يسطر باوعلي وعيونه تضحكلي تفضلي تلعثمت ها بصراحة اريد موبايل اتصل على بابا يجيني لان السايق ماجاني وكملت عصيري عيونه تريد تاكلني شكد وكح ولايستحي نطاني كرسي اكعدي لحد ميجوج وهاج التلفون مديت ايدي ارجف جان يلزم اطراف اصابيعي اني صخنت وخدودي يمكن صارت حمره لان بقى بس يضحك خابرت على بابا كلي راح ادزلج عمار اخوج وين انتي كتله بسوبر ماركت اسمها وباوعت عالولد اريد اعرف اسمها غمزلي بعينه وكال عسل اني بدون شعور نطقت عسل بابا شنو وين هاي الاسواق الولبقى بس يضحك عليه واني خجلت كتله خل يجي بشارع المدرسه الرئيسي وسديته باوعت عليه مينزل عينه عني كتله انته مشايف بنات ضحكلي شايف بس مشايف حوريات وهم غمزلي يربي من يغمز بعيونه يوكع اي بنيه بس هو مبين مدلل ومغرور باوعلي وطلع قلم وكتب على ورقه رقم ونطاني ياه خابريني من يصيرعندج مجال باوعتله مصدومة شكدجريئ كتله موكل البنات سوى وشكيت الرقم وشمرته بوجها وطلعت بالشارع انتظر اخويه بس هو بقى واكف بالياب يباوع عليه لحد ماجاني اخويه ورحت
سامر هذا هو اسمي طالب مرحله رابعه بالكليه والدي لواء بالجيش واني اكبر اخواني ممحتاج الشغل بس فتحت سوير ماركت على مود البنات احب اسوي علاقات يوميه ويه وحده والبنات هيه تركض ورايه جنت متمدد وجان اباوع دخلت بنيه للاسواق بقيت متمدد اباوع لرجليها لابسه تنوره كصيره رجليها مثل الثلج معضلات يخبلن جذبني رجليها كمت كعدت باوعت شكد عندي علاقات ويه بنات وكلهن حلوات بس هاي ايه من الجمال او يمكن اني هيج تخيلتها لان من شافتني كعدت خدودها صارت طماطه شفتها تشرب عصير وعركانه تمسح بركبتها لابسه قميص حاصرها عيني اجت على صدرها غمزتلها باوعتلي ورجعت ليوره اول مره اشوفها تدخل للاسواق مشايفها قبل بس من خابرت اهلها عرفت هيه طالبه بالاعداديه اليم بيتنا قبل لتطلع نطيتها رقمي تفاجات بيها شمرته عليه وكلتلي موكل البنات سوى صدك تختلف اني متعود البنات هيه تنطيني ارقامها بس هاي شايفه روحها اي عمي حقها قبل لتطلع من باب الاسواق كتله دري بالج الشمس قويه يمكن تموعين ضحكت وراحت وراح كلبي وعقلي وراها بدون شعور حفظت رقم ابوها الي اتصلت عليه مني رغد وصلت للبيت بس اتصفن بهذا الولد شكد حقير يباوع ويغمزلي ويعض بشفايفه تافه😏 بس يخبل يجذب اي بنيه ستايله وطوله اوف مجنت اعرف انو هالشخص راح يصير الدم الي يسرى بشرياييني ولازال ياربي ماكدر اركز بالكتاب خل اروح اسولف لميشو اختي اسمها شيماء بس احته مثل الصديقات علاقتنا غير شكل كلها حاسدتنه
كاعدين اني وشيماء شيماء اختي اكبر مني بسنتين طالبه مرحله اولى كليه طب بس احنه الاثنين وعدنا اخوان هم اثنين احمد وهيثم احمد الجبير وهيثم زغير بالثالث متوسط والدتي ربة بيت ووالدي مهندس بوزارة النفط مستوانا الاجتماعي زين والحمد لله متوسط اخويه احمد ظابط ملازم اول هستوه تخرج من كليه الشرطه عائلتنه عائله اعتياديه مثل كل بيت شيماء كاعد تقرى ومركزه باوعتلها صافنه شبيج كالت مابيه عرفت هيه الشخص الي تحبه طبعاً من طرف واحد ممبادلها الشعور يعني بس هيه عيشت نفسها بوهم حبه خطب صديقتها المقربه وتم العقد حيل جانت ضايجة كعدت وسولفتلها عالولد ضحكت وكالت شعجب مضربتي صفنت كتلها اول مرة تصير ويايه واحد هيج جريئ ووقح واضحكله باوعتلي بطرف عينها واشرت على كلبي باصبعها خاف هنا صارت نغزه وضحكت اني صفنت بيني وبين روحي اي صدك صارت نغزه بس هو اكيد عنده علاقات وبنات موبعيده نص بنات مدرستي مكبلات وياه 😒ضجت وطبيت سبحت وصليت وكعدت اقرى وصورته متفارك خيالي بالليل كاعدين ماما وين البسبوسه السيوناها حيدر يريد يكول خو منست حصتي عمتو حيدر يصير ابن عمي هم تخرج ويه اخويه وملازم اول بس هو يريدني وحاجين بخطبتنا واني رافضته اموت منه ماما ها حمودي يمة شلون انسى حدوري شعدنه غيره طبعاً اهلي كلهم يحبوه طبعاً لان لوكي يتلوك لبابا وماما وحتى اخواني 🙁 شكد مكروه حيدر رغوده عيوني متكومون تبدلون انتي وميشو افركم بسيارتي الجديده شوفوها تخبل ويباوعلي اريدج اول وحدة تصعدها واني شكو شعليه بسيارتي انشاء الله تحترك بيك وتصير مثل وجهك المفحم وطبيت الغرفتي ماما انتي مامتربايه اني اعلمج عيفيها عمتي عادي متعود على طوله لسانها مو جديده احمد ماما حيدر بدل سيارته بجيب فراري تموت بس رخيصه كلش👌 ماما صدك بالعافيه بيش ب٦شدات امي يعني بيش بفلوسنه يمه احمد ب٧٠ مليون امي يا عزى ولطمت على صدرها ههه حيدر الوحيد لاهله وابوه عنده معارض سيارات وامه مشرفه تربويه وبصراحة حالتهم الماديه توب وهوظابط وشكلة مقبول اي بنيه تتمنى يجيها هيج عريس بس اني لا ماريده ماطيقه من واني زغيره لازكلي هاي محجوزه الي يكول وكبرت وبعده ممبطل 😕
واكفين برى نتتظر السايق طلعنا من المدرسه اني ترخصت من صديقاتي راح اتمشى اشوف السايق تفاجأن اول مرة اطلع اتمشى للسايق اني انتظره بالباب لمن يجي بس بصراحة رجليه اخذتني للاسواق ردت اشوفه كلبي كللي روحي بعدني خطيت خطوتين صاحلي السايق ها عمو تعاي صعدت صحتله اوكف عمو لحظه محتاجتلي كم شغله من المحل ونزلت كلبي يدك سريع اريد اشوفه باًوعت لكيته مدنك عالحاسبه اول ماصارت عيني بعينه خجلت احم العفو اريد عصير روابي رمان اي تدللين سامر اول مالمحتها ردتلي روحي البارحة الليل كله بس افكر بيها لابسه قميص ابيض وتنورة نيلي بينسل ورافعه شعرها ليفوك وخصلات منه نازله شعرها اسود وجها ابيض مثل الثلج اباوع على وجها ممخليه اي مكياج وجها عبالك كلوب ويلمع نطيتها العصير وطلعت نستله من البراد كتله هاي جربيها ونطيني رايج حيل احب طعمها نطاني النستله اخذتها وبقيت العصير شويه شربت سامر انتي بياصف باوعتلي بالخامس احيائي شنو اسمج كتله رغد بخجل عاشت الاسامي اني سامر طالب كلية مرحله رابعه باوعتلي تشرفنا ونطتني فلوس العصير ماخذتهن اصرت وشمرتهن رحت كتبت عليهن وضميتهن بالمجر باوعتله هذا كتب بالقلم عالفلوس عزى بس لاهم ينطيني رقمه اشو راح وخلاهن بالمجر بقيت العصير خليته عالميز واريد اطلع كلي رغد اني حسيت الدنيا افترت بيه نعم يوميه هيج تطلعين من الدوام بهذا الوقت لو بس فتره الامتحانات كتله لا بس بالامتحانات بالايام العاديه نطلع ب١ الظهر مممم كتله باي وجان يكول ليش متخافين من ربج حرام عليج اخذي الرقم والله ماخابرج اله انتي تتصلين باوعت بعيونه توسل استحيت اكله انطيني ياه عفته وطلعت صعدت بالسياره وباوعت شفته اخذ العصير الي بقى مني وشربه
سامر مكدرت الح عليها تمنيت تاخذ الرقم بس مقبلت بدون ماحس على روحي رحت للقوطية مال العصير مع العلم ماحب عصير الرمان بس رحت شربته خليت شفتي بمكان الشربت منه وحسيت روحي طاير اني سامر معقوله البنات هيه تجي تصارحني باعجابها بالكليه واني ارفض واطرد ويصيحولي المغرور معقوله هيج صارت حالي لطفك ياربي كلبي مايستحمل بس عيونها صورتهن باقيه ببراسي ومرت الايام ويوميه اني امر عليه وصرت مدمنه عليه وخلصت امتحاناني اخر يوم بالامتحانات مريت عليه ملكيته بالمحل بس اخوه اوف ياربي شلون اساله لو عيب لا ماساله ورحت وعيوني بقت عالباب اسبوع مر واني مشايفته حيل مقهوره لو ماخذه رقمة شكد عنيده اني
سامر جنت منتظرها اعرف اليوم اخر يوم بالامتحانات وكلت لازم انطيها الرقم شلعت كلبي اجاني الوالد تعال عدنه خطار ومكدرت اعارضه الوالد كلمته مثل السيف بقيت اخوي محمد بمكاني مر اسبوع مشايفها وقررت اتصل على رقم ابوها بس شكوله رحت لغرفت اختي مروة الزغيره عمرها ١٥ بس حيل مقربها الي ودلوعتنا مراوي حبيبتي تعاي لغرفتي عندي شغله وياج كعدت تباوعلي ها سمورتي كول باوعتلها وين تردين اخذج اشتريلج ملابس العيد باوعتلي باستنكار ممممم كول شنو الشغله 😒 ولج عدلي حلكج ترى تعرفين شسوي ههه ضحكت هسه انته مسويلك مكسوره ومتريد احجي لبابا باوعتلها بخزره خافت خطيه سكتت كتلها راح اتصل على رقم يطلعلج رجال كوليله عمو اني صديقة رغد مممن تصيحها الي باوعتلي مروة تاخذني لمول الجديد الي فاتح بشارع خالتي كتلها صار وتشتريلي ساعه ابل مال ايفون الكتلي عليها ولج ميخالف فضيني افتهمتي لو اعيد افتمهمت رغد جنه كاعدين بالغرفه اني وشيماء صاحني بابا كلي هاي صديقتج عالتليفون بس مو تتاخرين اريد اطلع كتله ماشي اخذت التليفون متفاجات لان صديقاتي دائماً يتصلن على جهاز ماما وبابا هم اني معندي تليفون بس اختي شيماء ومتقبل اخابر منها اخذت التليوفنً الو منو رغد مو كتلها تفضلي كلتلي اكو احد يمج لو بس انتي كتله لامحد احجي كلتلي هذا سامر يريد يحاجيج اني ارتبكت وخفت بس فرحت الو ها رغوده ليش هيج ولج مو كتلج متخافين ربج اني شطلبت منج هو رقم كتله معندي مو بايل والله مشتاقلج ليش متمرين عالاسواق كتله ماطلع قليل لازم تمرين ترى كللي طك عليج لتخليني اجيكم للباب واشوفج لاعفيه شتحجي انته تخبلت لتصل بعد على رقم بابا كلي ابقى اتصل على ابوج حتى ب٣ بالليل اذا متاخذين رقمي هسه وتخابرين من اي رقم كتله ماشي كلي انتظرج راساً اخذت الرقم وحذفته من جهاز بابا وقبل لاحذفه سويتله حضر خفت خاف صدك يسويها هذا ونطيت الجهاز لبابا رجعت شيماء وراي واكفه وسمعت كل حجينا ولج منو هذا كتله ابو الاسواق كلتلي شلون تنطي رقم ابوج ولج منطته اياه بس من خابرت بابا منه الظاهر مماسحه من بكلبي فرحت يعني اني شاغله باله سامر من سمعت صوتها ارتاحيت ورحت تغديت جنت يومين ممكال شي وكلت اكيد حتاخبرني بالليل وفعلاً الساعه ب٢ بالليل اجاني مسج هلو سامر هذا رقم ماما نص ساعه وخابرني عليه اني رغد متعرفون شنو من شعور واحساس غريب اول مره يصير وياي حبيتها اي يمكن حبيتها لا مو يمكن اكيد حبيتها بس انتظرتالنص ساعه عبالك دهر مو نص ساعه رمشتلي واتصلت
رغد شفت ماما مخليه جهازها عالشحن كتلها حاخذه العب بي مزرعه كلتلي ماشي واخذته وصعدت ودزيت مسج السامر وتظرت نص ساعه لمن الكل نامو ورمشتله خابرني
الو سامر كلي
ها يبعد الالو والصنع الالو ليش احس وياج كلشي حلو
ضحكت دخيلك ربي شنو من بشر انتي ملاك من السما وبقينه نحجي للصبح عرفت هو ابو لواء وعنده اخت وحده واخو محمد ازغر منه ووالدته ربة بيت وعنده علاقات بهواي بنات بس مو تليفون حلف واقسم كال البنات تركض وراي اروح وياها ساعه البيتهم وبعدها ماباوع بخلقتها ضجت ونقهرت حس بيه كلي ماريد اضم عليج لازمًم من البدايه نبديها صراحه اني هم حجيتله على بيتنا ووضعنا وطلع يعرف اخويه احمد وصديقه بس مو كلش بعدين حجيتله سالفه ابن عمتي هنا هو كلش اختنك حسيته تغير صوته وغيرنه الموضوع بقينه شهر منتفارك بالتليفون وفد يوم اهلي راحو لبيت بيبي متخربطه دزيتله مسج كتله اليوم منتخابر معندي جهاز عد ماما لتخابر ابد يومين يلا يرجعون راحو لكركوك اول موصلت المسج تم التسليم دك همزين لعدني مناطيه الجهاز لماما ولك شبيك مخبل كتلك لتخابر انتي الي تخبلتي شلون اصبر يومين جان بيها رمضان والعالم صايمة كلي من ياذن الاذان والعالم تطب تفطر الساعه ٧ ونص طلعي الباب البيت مالكم تلكين علاكة اخذيها صفنت عزى شتسوي كلي مخبل متعرفيني بقيت انتظر الساعه وارجف اخواني بدو يصلون واني عيني عالباب خايفه سويت نفسي اكنس بالكراج وفتحت الباب شفته كبالي يمة كلبي اجة يوكف لابس قميص وبنطرون وطالع كيكة نطاني العلاكة زغيره وراح وغمزلي بعيونه همسلي خبلتيني وراح طبيت واتلفت خو محد شافه وركض لغرفتي قفبت الباب وفتخت العلاكة بيها جهاز يخبل وياه سيم كارت ورصيد متروسات عطره بقيت اشم بيهن وكاتب بنصهن ورقه زغيره نور العيون رغد العمر عبي الرصيد وفعلي الخط من يصيرلجً مجال رمشيلي احبج وموقع عليها # مجنونج
