நெருங்க சொல்லுதடி உன்னிடம் | Nerunga solluthadi unnidam (completed)

எதிர் பாரா திருமணம்

" என்ன நடக்கிறது ?" என்று தன் மான்விழியால் மிரண்டபடி அவன் கண்களையே நேருக்கு நேராக பார்த்து கொண்டேயிருந்தாள்.

அவளின் கண்களையே உற்று பார்த்தபடி மூன்றாவது முடிச்சியையும் போட்டு முடித்தான்.

"யார் இவன்? என்ன செய்கிறோம் என்று தெரிந்து தான் செய்கிறானா? பிறந்ததிலிருந்தே அன்பெனும் சொல்லை கனவிலும் கேட்காத துர்பாக்யசாலி ஆயிற்றே நான்"

"நா மஹாலக்ஷ்மி பெயரில் மட்டும் தான் எல்லோர் கண்களுக்கும் அம்மாவை விழுங்கிவிட்டு வந்தவள்" என்று தன்னை பற்றி சிந்திக்கையில்,

அவளின் கை பற்றி "இந்த நிமிஷத்துலேர்ந்து இவங்க என் மனைவி" என்றவன் திரும்பி அவர்கள் இருவரையும் எரித்துவிடுவது போல் பார்த்தான்.

"இனிமேல் இவளை திட்றதுக்ககோ அடிக்கறதுக்கோ யாருக்குமே உரிமை கிடையாது என்னை தவிர என்னையும் மீறி அவளை கஷ்டப்படுத்தணும்னு நினைச்சிங்க அப்புறம் இருந்த இடம் தெரியாம போயிருவீங்க!"என்று ஆட்காடி விரலை உயாத்தி எச்சரித்துவிட்டு அவளின் கையை பிடித்து மணவறையை விட்டு கீழே கூட்டிச்சென்றான்.

கண்களில் மிரட்சியுடன், இருஜோடி கண்கள் தன்னை கொலைவெறியுடன் பார்ப்பதை பார்த்து கொண்டே வருபவள் விரல் விடுத்து அவளின் தோளில் தன் கை போட்டு அணைத்தபடி கூட்டிச்சென்றான்

மண்டபத்தை விட்டு வெளியே வந்தவன் காரின் கதவை திறந்து " உள்ள உக்காரு " என்றான்.

"மஹா உள்ள போ " என்று அவளை கை பிடித்து உள்ளே உட்கார வைத்தான்.

காரை வேகமாக ஸ்டார்ட் செய்து தான் இருக்கும் வீட்டை நோக்கி செலுத்தினான்.

யோசனையில் இருந்தவன் திடீர் என்று "உன்னோட சர்டிபிகேட் எல்லாம் எங்க இருக்கு ?" என்றான் அவளிடம் திரும்பாமல்

பதில் ஏதும் வராததால் அவள பக்கம் திரும்பி இன்னும் அதிர்ச்சியில் இருந்து மீளவில்லை அவள் முகத்தின் முன் தன கையை காற்றில் அசைத்தான்.