قصه للكاتبه زينب ماجد
ليس كل ما نجبر عليه يكون بشعا ربما يكون اجمل بكثير مما اخترناهم رغم صعوباته والعشق اعمى يجعل العاشق يعشق ضالمه ويتللذ من اذيته ويعتبرها حبا
سوف اقص لكم هذه الحكايه تعالو نتعرف على ابطال القصه ونعيش خيالها
بدايتا اعرفكم بنفسي انـّـّيٌ علا عمري 19 سنه طالبة سادس علمي مواصفاتي طبيعيه كٲنثى بشرتي بيضه عيوني سود طولي 152 اعتبر قصيره وناعمه اعيش مع بابا وماما وعندي اخوان واخت وحده اخواني اكبر مني سرمد اخويه الجبير متزوج وعنده اطفال واخويه الثاني ياسر طالب كليه مرحله 2 واختي نهى اصغر مني حالتنه الماديه بسيطه واحنه ناس عله كد الحال اعرفكم بالباقي بعدين لازم انام باجر عندي دوام ولازم اكعد من الصبح😛
كعدت الصبح بدلت ونزلت
علا-صباح الخير
ام علا-صباح النور
ابوعلا-ها بابا كملتي ابو الخط بالباب
علا-اي بابا لحضه بس اسوي لفه جوعانه😢
ام علا-عله راحتج ماماتي حته لو يروح ابو الخط اني اوصلج
علا-شكرا ماماتي خلصت 😘
ابو علا-بنتي شنو هاي ملابس اشو تعالي بابا صدريتج ضيقه كولش غيريها بنتي
علا-اوووو بابا راح تبدي ويايه محاضرات اصلا عادي تعال شوف الويايه بالمدرسه اشكال الوان وانته لاحكني عله هلصدريه
ابوعلا-بنتي مالنا شغل بغيرنا انتي بنيه صغيره وحلوه واخاف عليج من الشارع يا بنيتي روحي غيريها
علا-بابا عود باجر هسه بعد ما الحك فدوه بابا لتلح خل اروح بااااااي 😘
ابوعلا-ام سرمد انتي لازم تنبهين لبناتج ولبسهن احنه ما كاعدين بدوله اوربيه احنه بالعراق وهوايه اكو ولد زبايل وهيه صغيره اخاف عليها
ام علا-حجيك صدوك بس تره هنه هم بنات ومن حقهن يستمتعن بشبابهن خطيه وبعدين لبسها مو كلش ضيق صح بارز جسمها بس تعال شوف الوياها تخجل تباوعلهن
ابوعلا-مالنا شغل بالوياها اكولج عليج ابناتج وبس تفتهمين الحجي لو لا بعد اذا شفتها لابسه هيج تعرفين شسوي وحسابي وياج مو وياها
ام علا-انشالله انشالله من تجي احجي وياها بس لتصير عصبي يروح ضغطك يصعد
علا
وصلت المدرسه وجان عدنا امتحان فيزياء اخ الله هذا نيوتن لو الزمه الا ادفره دفره الطشه ببرج ايفل ابن القندره تفاحه وكعت عله راسك ابتلت اكلها والصم خلق الله شعليهم تبتلي بقانونك الاعوج مثلك هيه لو واكعه الشجره كلها وموتك ومخلصتنا منك جان زين
ليان-هييي خبال خبال شبيج تحجين ويه روحج مثل سلومي المخبل
علا-انجبي انتي وسلومي ادبسز ما ناقصه غير سلومي بعد😑
ليان-هاي شبيج علوشه علشنو ادردمين فهميني
علا-لج احجي عله هذا الاعوج ابن الاعوج البلانه بقانون اكبر من راسه
ليان-قصدج نيوتن 😂😂😂
علا-😒
ليان-خلص خلص والله حقج اني هم اكرها😣 تعالي خلصت الفرصه خل نرجع عدنا احياء لا تلزمنا ست حسنه تشرّحنا وتشرح علينا اذا اتٲخرنا
علا-يلا امشي خل ندخل حته لفتي بعدني ما اكلتها ميته من الجوع شحيصبرني لما اطلع😑
ليان-ام بطن دمشي بعدين ناكل اني هم جوعانه
علا- مشيت مشيت 😠 طبعا متحملت واكلت اللفه بنص الدرس واسوي روحي صافنه والشفه ما تتحرك اي عادي صرنا خبر بهلحركات شنسوي احسن منموت من الجوع وشافتني ليان واني ادنك اكل جوه الرحله 😑
ليان-لا يا خاينه عله هلدكه تاكلين واني ميته من الجوع
علا-ددوري وجهج لا تنتبه المدرسه ونصير فلم هندي
ليان-انطيني شويه والله جوعانه حته الدرس مجاي اركز عليه
علا-اهووو لزكت هاج عاسها سم ابطنج
ليان-ايييي شكرا حبيبتي حته السم مقبول من عندج بس خل اكل 😍
🔔🔔🔔🔔🔔 دك الجرس وخلص الدوام
علا-اوف يا ربي والله حاره هاي عود احنه بشهر العاشر وخريف عشتو الدنيا تصلخ صلخ ما ادري شوكت نبرد
ليان-لج اي والله متت من الحر انوب حته المكياج چلح بوجهي😑
علا-ههههه حللل حته بعد متلبخين
ليان-دنجبي يلا انجبي اروح للحمامات اعدل نفسي ترحين ويايه
علا-لا لا اني رايحه للسوبر ماركت اجيب موطه متت عود الكاج بالخط
ليان-عود اشتريلي وحده وياج بداعتي
علا-ادري مخلفتج وناسيتج بت الاوادم
ليان-هسه اليكول مشتريتلي سياره كامارو دروحي لا ادفرج😠
علا-هله هله انوب فوكاها تدفرني وجه التاير😒 عفتها ورحت اتمشه للسوبر ماركت يبعد عن المدرسه مسافه فرع اوووف الدنيا تسمط سمط يربي بعد هلحر هم ادخلنا جهنم ههه واذا دخلنا جهنم شتفرق مثلا درجتين يلا نتحملهن وصلت للسوبر ماركت جبير كولش دخلت عجبني اتمشه بيها والماركت بارد كولش متروس مكيفات عوزك مخده وفراش وروح بسابع نومه وصلت لنهاية الماركت جان يطلعلي شاب اسمر حنطاوي طويل ومرتب شكله وعضلانه جسمه كرجل بارزه حلـِوه تكتل انوب يباوع عليه اتقربلي وكال
امير-الحلو شيريد
علا-يا حلو متكولي صرت جني موطه مايعه😣 فدوه اريد ايس كريم كون بارد وتريح متت من الحر
امير-هه زين شنو رٲيج تجين يمي وانسيج الحر كله تره اني اريح اكثر من الايس كريم 😉
علا-ممكن تنجب وتلزم حدودك وديربالك تتجاوز هذا وجهك امحيه ردت ادور وجهي اروح لزمني وسحبني لمكان ختله بالماركت وكال بكيفي اذا ترحين او لا مراح اكلج بس خليني شويه اشرب مي من شفايفج تره عطشان
علا-شفته تماده حيل ولزمني من اديه بكل قوه وما اكدر احركهن اريد ابتعد ما اكدر فركلته ركله قويه عله اعضاء التناسليه وابتعد بسرعه ووكع بالكاع يتلوه من الالم وكتله ياحقير شنو عبالك ما اعرف ادافع لنفسي ورجعت ركلته مره ثاني بنفس المكان وبكل قوتي خليته يصرخ طلعت بسرعه وما خليت الولد ينتبهولي همه ركضو عليه واني ركضت للخط اشهك من الخوف وصلت لكيت ابو الخط كالب الدنيا لان اتٲخرت عليه وليان مقبلت يروح كالتله ننتضرها هيه راحت للماركت تجيب ايس كريم وتجي اول ما مشت السياره انتبهتلي ليان
ليان-لج علوشه شبيج ليش هيج وجهج مخطوف
علا-اسكتي ليان والله خفت وسولفت الليان اللي صار
ليان-ولج عزا بعينج ادري اظربي ابطنه دوسي عله رجله الا بهلمكان ولج خطيه بسلا عوقتيه وبعد ما يخلف
علا-يطبه مرض منو كاله بنات الناس لعبه ويتمادى عليهن براحته
ليان -بس كون تمضي عله خير وميصير شي والله خايفه يا علوش
علا-اووو ليان حجيتلج علمود اطمنيني رحتي خوفتيني اكثر يله يله وصلت لبيتنا باي
امير
لحضه اعرفكم عله نفسي اني اسمي امير عمري 27 سنه ملامحي خليجيه لان اصلي من البصره وبعدين انتقلنا لبغداد اتخرجت من معهد اداره واقتصاد ولان ماكو تعيين لزمت الماركت مال ابويه طبعا ابويه متكبر بشكل ويتمنن علينه بالفلس وما قبل الزم الماركت مالته الا اتزوج بنت عمي واللي تصير بنت خالتي بنفس الوقت اني ما احبها ابد بس تعايشت وياها بسبب امي وابوه جبروني عليها صار عندي منها 2 بنات اني ما اخفي عليكم ماخذ صفات التكبر والعجرفه من ابويه متكبر لدرجة ضارب الدنيا بچلاق وما اهتم لاي احد اشتغل اني واخويه بالماركت اخويه مسقط اكثر مني سوالف البنات شاطر بيها ويوميه ويه وحده شكل دخلت اليوم داريد شي من المخزن مال الماركت لكيت اخوي ويه بنيه وديتحاضنون تراجعت بسرعه والمنضر الشفته غير احوالي ما اعرف شسوه بيه دا افكر بالمنضر الشفته ودخلت عليه بنيه مبينه طالبه حلوه وناعمه وملامحها نازكه انوب تتموع بالحجي تموع واني منا صاعده عندي ما تحملت وجريتها وسحبتها بممر قصير مال المخزن ولزمتها حيل وداريد ابوسها بس هاي طلعت عرمه ضربتني باكثر مكان ممكن يٲذي الرجل احس شاطت روحي من ضربتني ما كدرت اوكف وكعت بالكاع اتلوه وهم رجعت ضربتني بنفس المكان بس اقوه احس روحي انتهيت من الالم صار عندي نزف ركضو عليه اخويه سامر والعمال اليشتغلون ويانه نقلوني للمستشفى بسرعه لما صحيت سٲلني الدكتور شنو اللي صار وسببلك نزف كتله وكعت وكعه قوي وصار اللي صار ووصيت اخويه ميكول لان هوه عرف كالي لمحت بنيه طالعه لما انته وكعت وكتله لتكول اي شي انوب رجع الدكتور وكال صار عندك عجز مؤقت انشالله خلال العلاج تتحسن ادهورت حالتي كولش وكرهت نفسي وكمت اخذ العلاج بتمعن لحته اطيب زوجتي كامت تعيرني بحالتي ردت اطردها امي وابوي ما قبلو طلعت روحي منهم كلهم كرهت نفسي كمت اتاني اليوم الاطيب منه وانتقم لنفسي من هاي اللي العاهره اللي سوت بيه هيج كمت كل يوم اراقبها وعرفت عنها كولشي وين اهلها وبيا صف ويه منو تمشي تانيت اطيب عله احر من الجمر علمود انتقم منها واستعيد ثقتي كرجل مرت 3 اشهر عله الحادثه وكل يوم اشوفها واصير اغلي من داخلي والعلاج مستمر بيه رحت للدكتور كال النتائج جيده واكو تحسن بوضعك جرب تقارب مرتك اذا كدرت علمود اكتبلك علاج ثاني واني طرت بهلخبر ولازم انفذ خطتي ويه هلعاهره مو لمرتي رحت لمدرستها تانيتها طلعت ليان صديقتها وهيه ماكو جريت ليان وكتلها اني معجب بصديقتج علا وصدكيني نيتي وياها زواج بس اريد احجي وياها تكدرين تخلينها تجيني بالحديقه اللي بصف المدرسه بس ثواني احجي وياها وتروح كالتلي ماشي كيفت عباله دتسوي خير ما تعرف راح اهدم صاحبتها وانتزع شرفها مثل ما انتزعتلي رجولتي رحت وره الحديقه اراقبها تجي
علا-بعد ما رجعت للبيت وره هلحادثه خفت وضلت ابالي ايام بس شفت الموضوع سكت ومحد اجه حجه ويايه بيه كلت مصار شي والتهيت بدروسي ونسيت السالفه اصلا مرت 3 اشهر وصارت الامتحانات دك بعد بس3 ايام عله امتحانات نصف السنه ردنا نطلع كلت الليان اسبقيني للخط واني راجعتلج بس اتفق ويه المدرّسه عله امتحان باجر هيه راحت كملت حجي ويه المدرّسه طلعت جان تكولي اكو واحد معجب وطلب مني احاجيج واني منتبهتله صارله 3 اشهر يراقبج
علا-هاي شبيج ليان تخبلتي وبعدين شلون انتي منتبها واني ممنتبهتله يراقبني ومحاسه بهيج شي
ليان-لج علوشه شبيج والله يكسر الخاطر من حاجاني دروحي بلكت بينه وحده توكع بالحب ونجرب احساس الحب شويه
علا-لج انتي والله بطرانه ليش هوه السادس مخلي براسنه عقل حته نحب بيه 😒
ليان-الحب بلكب يا فهيمه مو بالعقل😐
علا-واليدخل بكلبه حب يشغله راسه ويصير ميفكر واني محتاج راسي اقره بيه دمشي لا اركعج
ليان-لج هسه انتي ما خسرانه شي دروحي واذا ما عجبج ارفضيه وتعالي
علا-اوك اصلا الفضول كتلني اريد اعرف منو هذا المعجب السري رحت للحديقه وادور منو وفجٲه شفت نفس الولد اللي ضربته😱
