علا- ههههه سوده عليه سامر اول مره اليوم راح يعض بحياته😛 مؤدب كولش
سامر- هاااا علوش شتقصدين تره اني انسان خلوق وهاي اول ليله بحياتي 😌
علا- دبطلهن يمه تره دفاترك القديمه كلها يمي بكلمه ازحلكك بالمشمش
سامر- انهجم بيتج يلصابونه تزحلكني😒 مال دفره هسه اخليج تفقدين الذاكره 😠
امير- اني اشهد والمخزن والشقه مالتي هم يشهدون وياي😂😂
سامر- صفيت ويه مرتك بساع وبعت اخوك تفووو💦 طلكني بعد ما اريد اخ 😪
امير- يابه طالك بالعشره بس خلصني من جهرتك الزفره😂
علا- هههههه انشالله شايف الف خير خيي سمور وتتهنا ويرتاح بالك
سامر- تسلمين خيتي ام عبدلله
علا- اكول ليش متاخذ مرتك اليوم تروح للشقه محد بيها اخذ راحتك انته وعروستك
سامر-عله اساس اخذها للفندق بس والله لسه ما حاجز فندق شتكول امير
امير- والله براحتك علا وعبودي حيبقون هنا بعد اذا تريد روح
سامر- لا مو اخجل منكم 😁
امير- قابل جديده عله احمد راضي دومك ماخذ فراشي بقت عله يوم عرسك😒
سامر- هاي انته وهاي مرتك اذا ما سويتولكم مسح للذاكره بعرضي اكتلكم مابيه حيل مشاكل هيه امنه هيج ومخبله مو انوب تسولفلها مغامراتي
علا- عود افكر بعد البغشيش😜
سامر-اسم الله تريد بغشيش استغفر الله ربي امير شنو ما تلزم مرتك
امير-انجب اني هم اريد بغشيش علمود امسح ذاكرتي ماكو شي ابلاش
سامر- انطيك سم😠 اني هيج تزين راسي بس من وره العرس بس الصالون ب400 $ لبخ غرفه اقل من لبخ وجهه العروس وانته تريد بغشيش انعل ابوكم لابو اليتزوج بطلت بعد ما اريد
امير- لك سامر هاي امنه تخابر
سامر- ولك صدوك اتٲخرت عليها بالصالون بعرضي اليوم انكتل شيخلصنا
امير- 😂😂😂🙌 يريد يبطل ابن السطل وهوه سمع بطاريها ماتن رجليه😂
علا- هههه خطيه الله يسعده .. شغلو موسيقى بقو يركصون امير اخذ عبودي ويردح وياه تربات ابوه رادوح اصلي ابن القندره هههه يخبل ركص عبود انوب اشارلي اركص كتله عيب ما اعرف كال دسكتي لج لو ما شفتج تردحين عله اغنيه بنت بلادي يله تعالي راح اطلعلجياها طلعها وكمنا نركص كملنا العرس رحنا ويه سامر وامنه للشقه فرشتلهم احله فرشه عندي ورتبت الغرفه ودخلو وعفناهم ورجعنا للبيت دخلت للغرفه اللي راح نعيش بيها مو مثل غرفتي اللي بالشقه بس لا بٲس بيها المهم حبيبي يمي طبعا امير غار من العرسان ويريد مثلهم ههه انطيته اللي يريده وخبلته زياده عشنا ابيت اهله بس ما متقبليني اكثر الشغل يشمروه عليه اتعب حيل تمنيت لو ارجع للشقه يعاملوني كدام امير شكل ووراه شكل واني ما اشكي لامير اخاف اضوجه مرته حيل حقيره وما اكدر احجي وياها عمي وعمتي واكفين وياها يعني حته لو تغلط عليه اذا ارد عليها تنكلب الدنيا عليه شسوي اتحمل لعيون اموري يستاهل
امير- اشوف علا شلون تتعب شسوي من ايدها كتلها ما نكدر نتعايش وياهم بس هيه اصرت ادري تتعب ومتشكيلي وما اكدر احجي بس احجي ابوي يكولي لتفرق بيناتهن تباوع لوحده واني ادري بمرتي الاولى عرمه لحد ما فد يوم كاعد وموبايل علا جان يمي دك رقم مكتوب عليه مجهول رديت طلعلي ولد يكولي منو انته كتله انته المنو ومنو رايد كال اني رايد علا كتلها منين تعرفها كال اعرفها من زمان من لما جانت بالمدرسه واحنه نحب بعض تخبلت من السمعته سديت الموبايل رحت ادور عله علا ماكو رايحه تلقح عبودي الشرار طار من راسي كعدت اكلب بالموبايل والكه مراسلات هيه وياه عل واتساب كعدت عله نار لحد ما اجت لزمتها كتل دفرات لحد ما نهيتها بايدي وهيه تكولي والله مو اني اكولها شلون يعرف اسمج واسم مدرستج اجذب عيني لما شفت مراسلاتج لزمتها وطردتها برا بقت تتوسل ما سمعتها اخذت عبودي وسديت الباب بوجها رحت كعدت بالغرفه ابجي ليش هيج يا ربي ليش اللي حبيتها تخوني جان كالتلي ما احبك اجه ابويه كعد يمي كال مو كتلك متفيدك ذني بنات فكر كعدت وياك بس علمود تحصل منك الحمدلله عرفت معدنها بقيت مصدوم
علا- اجيت من العياده جنت دا القح عبودي لكيت امير مشتعل نار ضربني ويكولي منو هذا الساقط التحبيه ووضربني اتوسلت بيه كتله ما اعرفه ما صدكني طردني واخذ ابني ليش هيج ربي ليش بعد ما شفت السعاده وياه يصير هيج بيناتنا اتذكرت ابوه لما كال اني وياج والزمن طويل عرفت همه اللي وراه اللي صار رجعت لاهلي ابجي ساعه ابجي عله عبودي وساعه ابجي عله امير وساعه ابجي عله حظي بقيت اسبوع اتوسل بيه ما يرد بس اريد اسمع صوته اشتاقيتله هوايه خل يجي يضربني يموتني بس لا يبتعد عني ما اكدر عله فراكه دزيتله مسجات اعتذار شرحتله وكتله ممسويه هيج ميرد كتله هذوله اهلك يردون ينتقمون مني دزلي اذا انتي عاهر لتتهمين غيرج بذنبج ولي مني وانسي عندج ابن لو عندج رجل فضل مني ما ذبحتج وغسلت عارج بقيت ابجي اشتاقيت لابني هوايه وهوه متعلم عليه هسه شتلكه حاله بغيابي اخاف يسووله شي ويبعدوه من امير مثل ما بعدوني
