بقلم مريم السعدي
سلام الحب يخرج من قلوب المحبين قبل لسانهم بوهله وقبل ذلك بكثير يبدا في العيون
السلام عليكم القصه اليوم خياليه بس واقع حال زواج الاقارب دائما مفضل لدى الاهالي لكون انه الشخص يكون منا وبينا اكدر اتراجه ويا اعرف جبيره منو اروح عليه واعرف مساوئه لكونه انه من العائله ومثل ماكال ابو المثل الشين التعرفه احسن من الزين المتعرفه
حيدر شاب من بغداد زيونه طالب سادس علمي يحب بنوته حب عيون ابد ممواججه وكايللها وهي جانت تتواصل وياه بعينها بابتسامه بنضره
جان يشوفها بصوره يوميه من يرجع من الدوام من الثانويه ورغم هذا هو متفوق بدراسته بس مخلي بباله انه هي حبيبتي ومااتزوج غيرها
هبه بنوته حلوه صف خامس شطوره وعاقله جوارين حيدر نفس الفرع حيدر يوميه قبل لينام تجي مثل الطيف وبمجرد انه يسمع اغنيه يتذكرها ومعتبرها البنيه الوحيده بحياته
هبه- يله بنات باي نلتقي باجر مو متقرون تاريخ وتريدون غش تره ماانطي
اي عمي معايزين عليج نقره
طلعت من المدرسه وعيوني تدور عليه صار كدامي مبتسم ذاب كلبي وكمت امشي بثكل اتمنى الطريق يصير كلش طويل حتى اشبع من عيوني يوميه يمشي بمحاذاتي وكلسا يباوع وعيونه تحاجيني
مبتسم
حيدر- افيييش شون عيون يمه النضره كلبي حيوكف عثرت كمزت الله اسم الله خو متاذيني
هبه- مبيه شي كلتها بصوت ناصي
حيدر/ اول مره اسمع صوتج
هبه- ابتسمت اي
حيدر _اني اسمي حيدر وانتي هبه
هبه- مممم يله مع السلامه وصلنا
حيدر _باي الضحه ترست كلبي قبل شفافي اروح فدوه اليوم حاجتني اليوم الدنيا احركها فدوه يمه كلبي حاجتني من بعد سنه روحه ويه يوميه مدرسه ومحاضرات بعد المدرسه اني لازم سيطره عالباب وهمه كدامنا ببيتين
كمت يوميه احا جيها ولو حجايتين تكفيني عيونها حبيتها كلش وحبتني كلش كملت السنه وحبنا زاد اخذت رقمي وبشكل يومي احاجيها ونسولف اليل كله دخلت كليه وهي صارت 6 علمي ومنقطعت عنها متواصل بس مو يومي لان امتحاناتها وسادس حتى مااثر عليها
داومت كليه قانون لان والدي كان مقاول وعده معارف راسن اتوضف بدون شلعان كلب شباب هالوكت مشت الايام وكملنا اول سنه وهي طلعت من السادس ودخلت معهد طبي
ومعهدها قريبه عليه اروح واجي وياها حبيتها كلش بس المشكله كانت انه هي من غير طائفه
وعلاقه لمده 3سنوات ابد مجبنا موضوع الطوائف
اليوم دنرجع
هبه/ اهوووو ازدحام وسادين طريق عليوي
حيدر- نطلع من طريق الثاني اخف
هبه/ شون يخلون الواحد يحجي على امامهم باوعتني ودارت وجهه
حيدر- ههههه الامام شعليه لو جيف وفاه
هبه- اي هي لان وفات هيج عالكه عبالك مات البارحه صار حفنه سنين
وياريت سوه شي وماخذ نسوانهً ويا ه هو هذا تضحيه كلها عالكرسي مالحكم والله
حيدر- هههه هبه دتختبريني مو تره اضوج وهو الامام ضحه لاجل الدين ولو ماهالتضحيه جان صرنا كلنا بدين محرف
هبه - ليش شسوه الرسول لعد
حيدر- اللهم صل على النبي واله حبيبي مو بني امي دنسوًالدين شفتها قافله اوك كلمن ورايه الخاص ماريد هالشي ياثر على علاقتنا
(اني مجبت طاري انه الحق وي منو وعلى منو اني دااحجي راي هبه وحيدر)
المهم انسد المموضوع .......................
هسه اني شو شويه طوني مجال
هلاوًحبايبي القراء الله لا يعمي عيونكم ودائما تقرون كتابه مريم السعدي اني اسمي داليا بت عمه حيدر اني صف سادس علمي حاليا من عمري صف3متوسط احب حيدوري ابن عمتي وابد ممبينتله واموت من يفوت ببيتنه واسمع صوته والليل كله اتخيل انه يحبني ولحضه ميكدر دوني اني هادئه حيل ماما وبابا ض5بصيحولي الاميره الناعمه للهدوء الاني بي احب الكل واتفهم وجهات المضر واي شي يودي الى خلاف بيني وبين اي شخص حتلو مااعرفه اكون ويا واقتنع بس ماريد يزعل وصراحه اهلي يعاملوني نفس المعامله دلوعه اخوتي الاثنين ومايغلىن عليه شي علي ومحمد روحي من الدنيا وحيدر صديقهم كلش
فدائما يجي عدنا يوميه اكتب مذكراتي واكتب احبه حتلو ممنتبه ومكتفيه بحبه تكفيني منه شكرا عالعصير او هلاو استقبال او شونج هاي اكون جدا ممنونه والليل مانامه كله يوميه مذكراتي اكتبها
محمد- دلو حبيبي تجين تسوين كهوه كهوتج اطيب من كهوه ماما شاورتها خاف ماما تسمع
دلو- ليش حمودي المن الكهوه
محمد- حيدوري يمنا
دلو- صدك كلتها بلهفه اااقصد هله بياي هسه اسويلك مو تدلل
محمد- استغرب من لهفتها الدائمه عليه بس ابد متباوع عليه بغير نضره اني مراقبها كلش زين
فدوه لاختي الناعمه
دلو-طلعت ركض سويت وخليتها بكوابه وقدمتها
السلام عليكم
حيدر- هلاو داليا شونج
دلو- الحمد لله عمتي شونها وجهي راد ينفجر من الخجل والشوق يحاجيني ميباوع بوجهي
همزين ميباوع بوجهي جان انفضحت قدمت الكهوه وطلعت
علي- دلوش جبتلج الملازم تره
حيدر- ليش ياصف صرتي
دلو- اباوع على علي بابتسامه شكرا همست
ااا صرت صف ثالث متوسط هم يحاجيني ويباوع عالكهوه هو مو مستحرم بس مشايفني اصلا شايفني صغيره
حيدر- ياماشاء الله
داليا- طلعت من الاستقبال ورحت لغرفتي كلبي حسيته حيوكف من سالني اليوم اني فوك النخل هم كلي شونج هم كلي شكرا هم كلي ياصف صرتي اوف يربي ليش هيج خليتني احببه ان شاء الله يكون منتبه
محمد---------
مرحبا اني ابو جاسم اخو البطله دلو ان شاء الله تكونون مستمتعين بقراءه قصتنا والف تحيه لقلم مريم السعدي
اني وي حيدر نفس المرحله ونفس حته القسم واشوفه يطب ويطلع وي هبه عدي شك 60بالميه دلو معجبه بيه بس اريد اتاكد حتى اكولها انه يحب غير بنيه اختي رقيقه متتحمل حيدر ذهب بس يحب هبه ويموت عليها
مشت الايام صرنا 2 اني معجب بسهى بت عمتي اللي هي تشتغل بصيدليه وتدرس معهد صيدله اللي قريب على جامعتي من تشوفني بالطريق اذا وحدها تسلم عليه واذا وياها بنات تضحك وتندك واني هم اضحك
تاسر كلبي ابد محاجي وياها مجرد نضرات اليوم ناوي اروحلها المعهد واعزمها اريد اخطبها من خالي عسى ولعل ينطيي اني من اول احسها الي ومالتي سمعت من حيدر انه جاييها ناس ورافضتهم اروح اجرب حضي فاتحت والدتي فرحت وكيفت بس المشكله الموضوع كله بيد عمتي لان عمتي ببيت رجلها هي الامر الناهي لازم تقتنع هي بالاول يله يقنع زوجها
محمد- هلو سهى شونك
سهى- هلو شونك شونه خالي ومرته وداليا انساء الله زينين
محمد- الحمد لله الحمد لله زينين
سهى ممكن وره الدوام اعزمج على عصير او اي شي اريد احاجيج
سهى- اي شكو بيها انت ابن خالي ب12ونص اكمل محاضرات وانتضرك بالباب مال معهد
محمد- لعد خلي الخط يروح واني اوصلج للبيت تنهدت يله اترخص في امان الله
سهى- الله وياك اعرف شيريد وداانتضر هاليوم اني هم معجبه بي واحبه من رمان وكليوم يزيد اعجابي بي شكد عاقل ورزن
كمل الدوام واجه عالموعد
محمد _تفضلي سهى
سهى- تسلم
محمد- اني اليوم عازمج ودت احاجيج بموضوع يخصنا اني اريد اتقدم اخطبج واذا وافقتي ادز اهلي الخميس
