بس اذا غير شي حتى واحد يفتهم
داليا- واذا مو غير شي ميصير اعيش حياتي صعدت بالسياره اخذني لبيتهم كبل سحبني من ايدي نزلي جريتها من ايدها قوي اعصابي نار
داليا- خفت منه نزلت شافتني عمتي ضحكت عمه عفيه كوليله يعوفني دااتاذه
عمتي- عوفها شبيك وياها
حيدر- لحد يتدخل صيحت عوفونه صارلكم اربع شهور متريدون نتطلك عوفوني لا ومحمد ادير بانزين على روحي واحركها وياي
داليا- خفت كلش سمعت كلامه جرني قوي وقفل باب غرفتنا القديمه
حيدر- كلبي راد يوكف واحس الدم صعد براسي كمت ارجف من العصبيه
شعدج ويااا صيحت احجي تره تعبتيني تحبيييي
داليا- مااعرف
حيدر- شنو ما اعرف للللج لو اي لو لا
داليا- اي ضربني راشدي رجع وجع كلبي وتخربطت
حيدر- شفتها اغمى عليها حسستها تذكرت هبه من كالت حركات كلها جذب عفتها بالكع انتبهت شفتها ازركت
داليا داليا شممتها ريحه هزيتها ماكو جسمها صار بارد فتحت الباب وركضت بيها للمستشفى فحصوها وخلولها مغذي
منو اهلها
حيدر- دكتور اني زوجها
الدكتور- تفضل ويايه
بالغرفه مال طبيب الخاصه
البنيه تعاني من مرض قلبي متعرضه لازمه قبل فتره سنه اواقل
حيدر- انعصر كلبي نصيت اي دكتور زين هسه هي شبيها
الدكتور- اثر هالازمه صار عدها تلف بالاورده القلبيه واحد منه يرادله تغيير محور مامعناه عمليه فتح قلب نكص القسم التالف ونقدمه نرجعه نوصله بالقلب
حيدر- افترت بيه الدنيا شسويت بالبنيه اني دمعت عيني متت خوف دكتور اكو خطر عليها
الدكتور- لا يعني يفضل نسويها منا السنه لان وره السنه اخاف تصير مضاعفات وننطيها علاج حتى ميغمى عليها
حيدر- زين ماريد فتح صدر منكدر غير طريقه
الدكتور- اي بلي اذا عدكم امكانيه يصير بالليزر بدون فتح قلب بمكانها ميحتاج نفتح القفص الصدري بس هاي العمليه تصير بالهند او تركيا او لبنان اذا تردون نحجر بعد 6اشهر
حيدر- ميصير اقرب
الدكتور- لا ميحتاج اولا ثانيا اصلا لازم ننتضر احتمال عالعلاج يطيب الوريد من تلفه هو صاير بي شون الشلل وقتي اثناء الازمه
حيدر- ماشي دكتور تسلم طلعت واني كاره نفسي رحتلها شفتها كاعده
ابتسمت تلمست وجهه اسف
داليا- شنو شو جبتني مستشفى
حيدر- مو اغمى عليج
داليا- عادي صار كم مره صايره بيه
حيدر- اي الدكتور نطاج علاج وكال كلما تصير عدها ازمه تبلعها
داليا- ماشي يله اريد اروح علي دك عليه وماما
حيدر- امشي اوديجً باوعتلها لزمت ايدها
داليا- عوفني عفيه
حيدر- تكرهيني
داليا- مجاوبته باوعت وصلت ونزلت
علي- متكوليلي وين صرتي
داليا- رحت بيت عمتي شفتها وجيت مشفت التلفون اسفه جان صامت
امي- شعدج رحتي لهناك
داليا-هيج ماما شفت عمه وجيت بستها من راسها فتت للغرفه ارتاح
علي- حبيبي باجر اجي وياج للجامعه
داليا- ليش شعجب كل الهلا بيك
علي- مو مسوي لاريام مفاجاه
داليا- خوش ماشي
ثاني يوم رحت للجامعه وي علي شفت حيدر وي هبه ديتعارك كانما درت وجهي خفت لاعلي يشوفه فتت محاضرتين طلعت لكيت علي وي اريام كاعدين ضحكت هلاو عصافير
اريام- هلو حبيبي شونج
داليا- الحمد لله كل عام وانتي بخير انشاء الله سنه اللخ نحتفل بي ببيتنا
عفتهم ورحت كعدت وي مروه
علي- وكفت شفت حيدر وي بنيه متكاود وديمشي وياها تخبلت باوعت لداليا الناطياني ضهرها باوعته ودارت وجهه يعني تعرف بالسالفه شنو هالمذله متحملت اتصلت بمحمد
الوًمحمد اني بجامعه داليا هسه تجي
محمد _شكو
علي- كلشي ماكو والله بس تعال احاجيك شغله مهمه
محمد- عشر دقايق اني يمك قريب عليكم اني
وصلت دخلت دلاني علي عالتلفون وين يكون
علي- تعال شوف اختك شدتشوف كل يوم وساكته
محمد- شكو
علي- تعال وديته وين مكاعد الافندي شوف العينتين كاعد وي حبيبته وايدها بايده وذيج اختك كدامها ومدايره بال اكثر من هالمذله شكو بعد
محمد- عيني صارت براسي صرت اعصاب رحتله لحيدر
الله يساعدك رفعت حاجبي
حيدر- عفت ايد هبه الجانت تهدد بيه تتعارك ويه داليا واني اتوسل بيها لتسوي شي
هلو ابو جاسم كلتها صوت ناصي
شنو السالفه منو البنيه عرفني
هبه- وكفت على حيلي اني خطيبته
حيدر- هبه روحي رجاءا موضوع عائلي
هبه- اني كل عائلتك صيحت
محمد- هههههه والله صوت حتلم علينا العالم
حبيبي حيدر هاي مو مال شارع احنا ناس مستورين تعال اليوم للبيت مثل مطبينا بالحلال نطلع بالحلال كافي مذله
انداريت لكيته داليا ورايه
داليا- محمد شعدك هنا
محمد- طيح الله حضج ذره كرامه ماعدج تشوفي يطب ويطلع ومتحجين ليش ليش فهميني هيج تحبي امشي كدامي عصرت ايدها
داليا- باوعت لحيدر ردت ابجي
حيدر- محمد اوكف جاي وياك جنت خايف على داليا خاف يصير شي وتتخربط ركضت
هبه- وين حيدر متروح اكلبلك الدنيا
حيدر-حيدر انهي كلشي حتى اصفالج الله يخليج لتسوين شي بس انتضري خلص فضت
حيدر- مجرد احجي لغوه بالي كله يم داليا هبه صارت عدي عاديه ركضت وراهم اشوفه يعصر بايد داليا واباوع على علي ميباوع بوجهي صعدنا بسياراتنا وكبل لبيت ابويه دخل محمد اول مفات العفو تفل عليها
داليا- نصيت
محمد- شنو ماعدج كرامه فهميني احجي كولي يابه هذا عده صخام يطب ويطلع وياها كدامي اني اعرف شلون اتصرف لو شنو تردين يطلع اللوم عليج
عمتي خطيه منصيه وفاتت للغرفه
