مسجونتى

54

مسجونتي الفصل الرابع والخمسين "الفصل ماقبل الاخير"
                 "حادث"
وليالي اعده تغطس شويه و تتحرك من غير ما تحس لحد اما بعدت عن الارض خالص ومعدتش طيلاها فعدت تقول بانجاد:حد يلحقني،، الحقووووني
طبعا ادم ولا جاسر ولا مريم سامعنها فقاعده تقول:الحقوني "وتبلع مايه كتير لحد اما قالت:ال-ح-ق
وغرقت ليالي
_____________________________
ادم ومريم وجاسر خلصوا سباقهم و راحو نفس الحته الي كانوا في فادم اعد يدور ع ليالي ملقهاش فقال:هيا ليالي فين؟؟؟
جاسر:تلاقيها رجعت الاوضه ولا حاجه
ادم:طب انا رايح اشوفها
مريم:وانا هعد اعد اعوم شويه
خرج ادم من البحر و دخل الاوضه واعد يقول:ليالي ،،، ليالي
وقطع كلام ادم مريم بتصرخ بتقول:ليااااااااااااالي
ادم بسرعه خرج من الاوضه و راحر ع البر لاقي ليالي جاسر شايلها و خارج من البحر
ادم بسرعه راح اخدها من جاسر وحطها ع الرمل واعد يضربها ع وشها براحه ويعملها تنفس صناعي ومريم تعيط فادم قال بعصبيه:اسكتي بقاااااا
جاسر:انا رايح اخليهم يكلموا الاسعاف
ادم:بسررعه ي جاسر
جاسر بسربعه:حاضر
ادم اعد يحاول يضغط ع بطن ليالي ويعملها تنفس صناعي
مريم بقا اعده جنبها ع الرمل وتقول قران في سرها وادم يقول ودموعه خلاص مهدده بنزول:ليالي ،، فوقي ،، عشان خطري ي ليالي متسبنيش ،، مش كل اما نتجمع نتفرق ،، مش كل شويه
وعملها تنفس تاني و ضغط ع بطنها لحد اما ليالي فاقت واعده تكح فمريم قالت:ليالي
ادم واخدها في حضنه وقال:كنت خايف لملحقكيش ،، اياكي تعمل كدا تاني
ليالي بصوت ضعيف:م-تخ-فش ،، ا
ادم وقطه كلامها وقال:هسسس  ،،، متتكلميش ،، مريم انا هاخدها عشان تريح في الاوضه
مريم:انا جايه معاكو
ادم:الاول روحي لجاسر الاول وعرفي ان ليالي فاقت ،، وتعالي
مريم:طيب "وباست راس ليالي وقالت:اخر مره تقلقينا كدا
ليالي ابتسمتلها و رجعت سندت راسها ع صدر ادم فشالها ادم ووادها ع الاوضه ومريم راحت لجاسر
_____________________________
في الاسماعليه وفي بيت سعاد وعمر  كانوا اعدين بيتغدوا وخلصوا واعدوا فعمر قال:امي
سعاد:ايوه ي حبيبي
عمر:انا عايزك بعد اما مريم و ليالي يجوا من السفر اخدك ،، و نروح نتقدم لنورا الي ورتهالك في الفرح
سعاد:ماشي ي حبيبي ،، بس انا عايزه اكلم ليالي ومريم ،، عايزه اطمن عليهم
عمر:حاضر ي امي ،، بس استني لان فرق الساعات مابينا ومابينهم كتير
سعاد:ماشي ي بني
____________________________
في اوضه ادم وليالي
مريم وجاسر كانو في الاوضه بيطمنوا عليها لحد اما الساعه  بقت 8م
ليالي:انا خلاص بقيت كويسه ي جماعه
مريم:الحمدالله
ادم:الحمدالله ،، ودي اخر مره تنزلي فيها البحر
مريم:اه ،، اخرك بسين ،، وبتاع الاطفال كمان
ليالي:ان شاءالله ،، بس انا عايزه اكلم ماما
مريم:انا اصلا كنت مستنيه اما نطمن عليكي ونكلمها مع بعض
ليالي:طب يالاه كلميها
مريم:ماشي
ادم:تعالي ي جاسر نعد برا احنا
ليالي:هدخانوا ،، صح
ادم:اه
جاسر:طب ثواني ،، مريم
مريم:نعم
جاسر:فين علبه السجاير الي معاكي
مريم بصيق:نعم ي دلعادي ،،، متروح تشتريلك واحده ،، ولا اشرب من ادم ،، علبتي ملهاش دخل لوسمحت
جاسر:قابي ي مريم بالعلبه ،، وبعدين انا محارج عليكي متشربيش سجاير تاني ولالا
مريم:بردو ،، انا مليش دعوه مش هتاخدها
جاسر:طب شوفي بقا مين الي كان هيركبك البرشوت بكرا
مريم:هركب مع ليالي
ليالي:ليالي انا ،، ان شاءالله ،، وبعدين انتي لسه قيلالي مش هنزل بحر تاني ولا ايه
مريم:يبقي مع ادم
ادم:لا
مريم بضيق:يووووه بقا ،، خد ي جاسر "وطلعتها من جيبها وادتاله:خد ،، بس اقسمبالله لو مركبت معاا بكرا البرشوت ،، فاكر المطواه
جاسر:اه فكرها
مريم:هتبقي في كرشك
جاسر:لاوالله
مريم:اه والله ،، ويالاه انت وهو برا بقا
ادم:بتطرديني من اوضتي
مريم:اه ويالاه بقا
واعده تزق فيهم لحد اما خرجتهم من الاوضه وقفلت الباب وراهم فليالي قالت:خرجتيهم ليه
مريم:هما اصلا عايزين يخرجوا ،، وبعدين عايزين نكلم ماما ع رواقه
ليالي:طيب
وطلعت مريم موبيلها و كلمت مامتها من ع موبايل عمر عن طريق برنامج "viber" عمر رد فمريم وليالي قالوا:عمر ،، وحشنا
عمر:وانتم كمان  ،، اخباركم
ليالي ومريم:الحمدالله
مريم:هاتلنا ماما
عمر:خدوا اهي معاكوا
سعاد:ازيكم ي حبايبي
ليالي:الحمدالله ي ماما
مريم:تمام ،، انتي اخبارك اي
سعاد:انا كويسه طول مانتو كويسين
ليالي:حبيبي ي ماما ،، بس بتاخدي ادويتك في معادها
سعاد:ايوه ي حبيبتي ،، اومال فين اجوزتكم
مريم:خرجوا من شويه
سعاد:ماشي ي حبايبي ،، عايزين حاجه
ليالي &مريم:لا شكرا/تشكري
مريم:هتوحشني ي عموري
عمر:وانتي كمان ،، خدي بالك من نفسك ي ليالي ، وانتي ي مريم براحه ع جاسر
مريم وليالي:حاضر ،، سلام
سعاد وعمر:سلام
وقفلوا معاهم واعدو ع السرير فمريم قالت:بقولك
ليالي:ها
مريم:تيجي نرقص
ليالي:ارقصي انتي ،، انا مينفعش
مريم:براحتك "وشغلت اغنيه بونبونايه" وابدت تتقسم ع الاغنيه اكانها ولا صافيناز فليالي اتفاجت ان مريم بتعرف تتقسم وترقص كدا فقالت:ماشاءالله ،، رقصك تحفا ،، وتقوليلي اتش ،، دا انا الي اتش
مريم ووقفت رقص:اهي دي الحاجه الوحيده الي محسساني اني انثي
ليالي:طيب ،، بس كملي
مريم:اشطا
وكملت رقص وخلصت الاغنيه واشتغلت اغنيه تانيه اسمها "عبده لليثي و بوسي" وابدت ترقص عليها وفي نص الرقص دخل عليها جاسر و ادم ومحاسوش بيهم فجاسر اول ما شاف مريم بتتقسم كدا بلم فادم قال:احم ،، احمم
مريم اول ماسمعت صوت ادم بسرعه راحت  طفت الاغنيه ولسه جايه تمشي اتكعبلت في الكرسي ووقعت ع وشها فادم وليالي وجاسر فطسوا ضحك فعدلت نفسها وقالت بضيق:ايه ،، عمركم ماشفتوا حد بيقع ع وشه
ليالي بضحك:اصل كان شكلك مسخره وانتي بتوقعي
مريم بضيق:هي هي هي خفيفه "قالت بحده:وبعدين مش تخبطوا قبل ما تتدخلوا ،،ايه الاوضه ملهاش حرمه
ادم:واحنا ايش عرفنا انك هتكوني بترقصي
مريم:بردو ،، تخبطوا
ادم:المره الجايه ويالاه بقا برا عشان عايز انام
ليالي:لا انا عايزه اخرج
ادم:وانا عايز انام
مريم:ملناش دعوه احنا هنخرج
جاسر ومسك ايد مريم وقال:سلام ي ادم
ادم:سلام
واخدها جاسر وخرجوا من الاوضه ومريم حاولت تفك ايدها منه بس كان ماسك جامد
ادم بقا اول ماخرجوا من الاوضه فارد جسمه ع السرير فليالي قالت:مش هتخرجني
ادم:بكرا بقا ي ليالي
ليالي بضيق:ماشي ي ادم ، انا زعلانه منك
و قامت طأفت النور و راحت تنام ع السرير وادته ظهرها لي فادم قرب منها وقال:وانا ميرضنيش زعل حبيبتي
ليالي بضيق:لا بيرضيك ،، باماره انك مش راضي تخرجني
ادم:ماقولت بكرا ي ليالي
ليالي:ماشي ي ادم ،، سبني انام بقا
ادم:مش هسيبك تنامي ،، لاني مش جاي اقضي شهر العسل لوحدي
ليالي:لا هتقضي لوحدك ،،لاني عايزه انام
ادم وجاب وشها نحيته وقال:وانا قولت لا
ليالي:ي
وباسها ادم.................
______________________________
مريم:ي جاسر سبني بقا
جاسر وسابها وقال بحده:انتي ازاي ترقصي كدا
مريم:عادي
جاسر:لا مش عادي ،، لان ادم شافك وانتي بترقصي ي هانم
مريم ببرود:عادي بردو
جاسر وضربها بالقلم فمريم قالت بصدمه:بتضربني ي جاسر
جاسر:واديكي بالجذمه كمان
مريم:كمان
جاسر بحده اكتر:اه
مريم وادته بوكس في وشه وقالت بحده:عشان تبقي تمد ايدك تاني عليا
وجريت بسرعه ع باب الاوضه وفتحته وجاسر جري وراها وهيمسكها لسه فمريم داست برجلها علي رجله وطلعت تجري وسابت جاسر واقع الارض وماسك رجله ويقول بوجع:اااااه ،، ماشي ي مريم
_____________________________
مريم اعده تجري لحد اما بعدت خاالص عن جاسر فبأطت نفسها واخدة شهيق  وزفير لحد اما ضبطت نفسها وبتبص حواليها لقت طريق كله بيدخل منه  فراحت منه واعده تمشي شويه لحد اما لقت نفسها قدام "ديسكو" كانت هترجع بس قالت بتحدي"هدخل يعني هدخل ،، وطز فيك ي جاسر" ودخلت "الديسكو" فسمعت صوت اغاني عاليه فاحطت ايدها ع  ودنها وبعدها شالت ايدها و بصت حواليها لقت بار واعده عليه وقالت:Whisky (وسكي)
الراجل جبلها الوسكي فمريم بتبص ع الكوبايه وعايزه تشرب ونفسها مش راضيه فقالت"كاس واحد مش هياثر"
" ي مريم بلاش كاس وراء كاس و مش هتحسي بنفسك ،، وبعدين انتي نسيتي انك ياما حظرتي جاسر عنها ،، تيجي انتي تشربيها"
مريم"هجرب ،، هشوف الي بيشدهم فيهم ،، و مش هكتر"
"براحتك ي مريم ،، انا نصحتك"
مريم"مش عملتي الي عليكي ،، اسكتي بقا"
واخده الكاس و شربته فعجبها طعمه وقالت بالانجليزي:تاني
وجبلها تاني وتالت لحد اما معدتش حاسه بنفسها فلفت بجسمها لقت كله بيرقص فقامت هيا كمان واعده ترقص ويجي شباب يرقصوا معاها ويحطوا ايدهم ع وسطها  وع جسمها وهيا عشان مش حاسه باي حاجه مبتعترضش واعده ترقص لحد اما زهقت وجايه تمشي جالها جرسون عشان الحساب فطلعتلهم كل الفلوس الي في جيبها ومن حظها انهم كانو دولارات ومشيت وهيا بتتطوح لحد اما خبطت في بنت
فمريم قالت بسكر:ليالي
البنت:شوو!!!
مريم:مالك ي ليالي "وجتلها زغوطه"قلبتي سوريه كدا ليه
البنت:ليالي مين ي خيتي ،، انا ليمار مين هي ليالي
مريم: انتي
ليمار:يالله ،،انتي شكلك سكرتي
مريم بضحك:ههه اه
ليمار:طب بتعرفي وين غرفتك
مريم:لا
ليمار:طب تعي معي تعي
مريم:هتخديني فين
ليمار:علي غرفتي ،، لحد اما تفوفي ونعرف وين غرفتك
مريم:ماشي ي قمر
واخدتها معاها ع الاوضه  بتاعتها و اول مادخلت الاوضه كان في بنت مستنيها وقالت:اخيرا جيتي ،، ومين هي
ليمار بضيق:مش وقت حكيك هاد ،، ساعيني بالاول لحطا ع السرير
البنت:حاضر
وساعدتها وحطوا مريم ع السرير فمريم اعده تخرف وتقول:جاسر ،،، جاسرر
البنت:جاسر مين؟؟
ليمار:مابعرف
البنت:طب وين ‏أهلا
ليمار:مابعرف ،، مابعرف رحيق ولما تفيق بكرا ،، راح ‏نسالاه
رحيق:طيب ،، بس وين راح تنامي ي ذكيه ،، البنت  اخدت كل السرير
ليمار بضيق:ع الارض رحيق ،، ع الارض ،، وادخلي نامي يللا وبطلي اساله وحكي
رحيق يضيق:رخمه
ليمار بحده:رحييييييق ،، اعدلي لسانك بدم والله اندهلك ع اخي يجي يربيكي من اول وجديد
رحيق بضيق:طيب ،، راح اسكت وانام
ليمار وبتفرش بطانيه ع الارض عشان تنام عليها وبتقول:احسن شئ
وناموا
_____________________________
جاسر اعدطول الليل  يدور عليها ملقهاش فخبط ع ادم وادم فتحله وقاله باستغراب:مالك ي جاسر
جاسر:قلقان ع مريم
ادم:ليه هيا فين؟؟
جاسر:امبارح شدينا مع بعض فخرجت من الاوضه جري وجيت امسكها داست ع رجلي جامد فوقعت وملحقتهاش بعدها
ادم:طب انا هغير واجي ادور معاك
جاسر:ماشي ،، بس ماتتاخرش
ادم:طيب
ودخل فكانت ليالي نايمه لسه لبس وسابها و راح مع جاسر يدور ع مريم
_____________________________
مريم صحيت من النوم مش فكرا اي جاحه غير انها كانت بتشرب بعد كدا لا فبتبص حواليها لقت ليمار نايمه ع الارض و في سرير جنبها كانت رحيق نايمه عليه فقالت"انا هنا بعمل اي ،، ومين دول"
مريم وقامت من السرير و راحت تفوق ليمار وقالت:لوسمحت ،، ي انسه ،، الوو
ليمار وهيا نايمه:لك رحيق ،، مابتعرفي تسبني انام شوي
مريم باستغراب:رحيق مين حضرتك ،، انا مريم
ليمار وفاقت من نومها وقالت:فقيتي
مريم:اه فوقت ،، حضرتك مين بقا ،، وجبتيني هنا ازاي؟؟
ليمار: راح اقلك ،، انا كنت راح اشتري شئ  وانا راجعه لقيتك بتخبطي فيني وبتقولي لي "ليالي" واعده اسالك مين  وين غرفتك مارديتي ،، فاخدتك معي لحدا اما تفوقي وتعرفي وين غرفتك و تروحيلا
مريم بضحك:احب اقولك اني مفهمتش حاجه ،، يا تكلمني براحه ي مصري
ليمار:طيب ،،، بصي انا امبارح كنت راحا اشتري شئ ،،فانا وانا راجعه انتي خبطي فيا ،، واعده اقلك فين غرفتك مارديتي عليا ،، فاخدتك معايا وكنت راح انتظر لبكرا الصبح لاتفوقي و تروحي ع غرفتك
مريم بابتسامه:شكرا ،، وشكرا جدا كمان ،، انا من غيرك كان ممكن يحصلي اي حاجه ،، شكرا
ليمار:لا شكر ع واجب ي خيتي ،، بس شو اسمك
مريم:مريم
ليمار:ليمار
مريم:منين ي ليمار
ليمار:من الشام ،،  بس بدي اسالك سوال
مريم:اسالي
ليمار:مين جاسر الي اعدتي طول الليل تقولي اسمه
مريم:جوزي
ليمار:طب وينه ،، وازاي قدر يسيبك تسكري لوحدك
مريم:كنا متخانقين ، عامة شكرا جدا تاني ،، انا ماشيه
ليمار:طب سوال تاني
مريم:اتفضلي
ليمار:هو جوزك هاد بيعرف انك كنتي بتشربي
مريم:انني شوفتيني امبارح لوحدي  ، يبقي اكيد ميعرفش ، بس ليه بتسالي؟
ليمار:اصل ريحه فامك و هدومك كتير خامر ،، فبدل ما تتخانقوا تاني غيري واغسلي فامك و جطي اي عطر ليطير ريحه الخمر منك
مريم:هو ريحتي باينه اووي
ليمار:كتيررر
مريم:طب اجيب عدوم منين
ليمار:، راح اعطيكي ملابس من عندي
مريم بابتسامه:شكرا
ليمار:لا شكر ع واجب
وفتحت الدولاب وطلعت ليها بلوزه وردي عليها راسمه تويتي وبنطلون اسود فمريم اول ما شافتهم قالت:مفيش حاجه غير دول
ليمار باستغراب:ليش؟؟ وحشين
مريم:مش حكايه كدا
ليمار:اومال حكايه شو!!!
مريم:خلاص خلاص مش مهم
ليمار:ماشي
وادتيها الهدوم ودخلت الحمام
فرحيق صحيت وقالت بضيق:ممكن تقفلي النور ،، بدي انام
ليمار:البنت تغير وتمشي و راح اقفل النور
رحيق:هيا فأقت
ليمار:اي
رحيق وبتبص حواليها:طيب ،، انا منتظراها اهو ،، بس هيا منين ؟؟
ليمار:من مصر
رحيق:متل خطيبك
ليمار:اي
وخرجت مريم من الحمام
ليمار:راح تمشي
مريم:اه ،، بصي انا هاخد هدومي بعدين ،، بس الوقتي لا
ليمار:طب امتي راح تاخديهم
مريم:هبقا اعدي عليكي اخدهم ،، وشكرا ع مساعدتك ليا
ليمار:العفو
رحيق:شو اسمك؟
مريم:مريم
رحيق:مم ،، وانا رحيق
مريم:اسمك حلو
رحيق:شكرا ،، كم عمرك
مريم:23 وانتي
رحيق:انا 19 و ليمار 22
مريم:طوله العمر ليا وليكو ،، و فرصه سعيده ،، سلام
رحيق وليمار:سلام
و خرجت مريم من الاوضه واعده تفكر هتقول اي لجاسر لو سالها جبتي الهدوم دي منين؟؟ لحد اما وصلت الاوضه ودخلت بس جاسر مكنش جواه فاحمدت ربنا وطلعت ترنج ولبسته وعانت الهدوم التانيه في الشنطه وبعدها راحت لاوضه ليالي وخبطت وفتحتلها ليالي بس كانت لابسه بلوزه لاقبل ركبتها لانها اصلا كانت مقتعده انُ ادم فمريم زقت ليالي وقفلت الباب الاوضه وقالت:انتي هبله ي بت ،، بتفتحيلي الباب وانتي بالمنظر دا
ليالي وهيا بتدعك عنيها وبتتاوب:اعملك ايه يعني ،، وبعدين انا مفكراكي ادم
مريم:بردو ،، ويالاه لمي الهدوم الي ع الارض دي و روقي السرير دا
ليالي:اعدي عليا ي مريم ، انا لسه صاحيه
مريم واعده ع الكرسي:طيب
ليالي واعده ع السرير:بس انتي جايالي الوقتي ليه؟؟ دا الساعه مجتش 10ص
مريم:اصل انا وجاسر "وحكتلها لحد الي حصل الصبح"
ليالي وبتبرق:يخربيتك ي مريم ،، شربتي خمره
مريم:ماتيجي مايك احسن وتقولي
ليالي:اسفه ،، بس انتي ازاي تعملي كدا
مريم:معرفش ،، كنت عايزه احرق دم جاسر فاشربت
ليالي:هو انتي هتقوليله اصلا
مريم:لا طبعاااا ،، دا انا اتنفخ
ليالي:تتنفخي بس ،، دا انتي احتمال تتطلقي كمان
مريم ببرود:لا الطلاق عادي
ليالي:اطلعي برا ي مريم
مريم:ليه!!
ليالي:اصلك مستفزه الصراحه ،، هو ايه الي الطلاق عادي ،، وبعدين انتي مش عرفا ان شرب الخمر من الكبائر
مريم:يعني
ليالي:يعني الخمره حرام
مريم:كتير قالوا كدا ،، بس انا مصدقتش لانهم مجبوليش دليل
ليالي:هقولك انا ،، قال تعالي"يَٰأَيُّهَا ٱلَّذِينَ آمَنُواْ إِنَّمَا ٱلْخَمْرُ وَٱلْمَيْسِر و ٱلأَنصَابُ وَٱلأَزْلاَمُ رِجْسٌ مِنْ عَمَلِ ٱلشَّيْطَٰنِ فَٱجْتَنِبُوهُ  لَعَلَّكُمْ تُفْلِحُونَ }.
مريم:يعني هيا فعلا حرام
ليالي:طبعااا
مريم:بس جاسر و ادم وكله بيشربها
ليالي:ربنا يهديهم بقا ،، بس المهم دلوقتي انك متشربهاش تاني بدم والله اقول لجاسر وعمر وساعتها هما هيصرفوا معاكي ، وخصوصا عمر
مريم:طيب
ليالي:هو ادم وجاسر فين صحيح
مريم:تلاقيهم بيدورا عليا
ليالي:ااايه ،، طب مكلمتهومش ليه
مريم:منا معرفش اذكان الشريحه بتاعتي هتشتغل ولالا
ليالي:طب ايه الحل الوقتي
مريم:الحل ي ستي اننا نفضل اعدين مستنيهم
ليالي:طب لو جاسر سالك كنتي فين طول الليل
مريم:هقوله اي حاجه
ليالي:طيب ،، بس صحيح
مريم:ها
ليالي:بنت مين بقا و شافتك فين
مريم:منا قولتلك ،، بتقول انها وهيا راجعه اوضتها خبطت فيها واعده تسالني فين اوضتي وانا مجوبتش فاخدتني عندها
ليالي:ممم ،، حلوين
مريم:مززز
ليالي:بس هما ايه الي جابهم هنا
مريم:مسالتهمش
ليالي:هاتقبليهم تاني
مريم:اه
ليالي:امتي
مريم:معرفش ،، بس ممكن ع بكرا او النهارده بليل
ليالي:طيب
ودخل ادم في اللحظه دي فشاف مريم اعده فقال باستغراب:انتي هنا
مريم:اه ،، في حاجه
ادم:يا بجاحتك ي شيخه ، ي بجاحتك
مريم بضيق:في اي لكل دا
ادم:يعني احنا عاملين ندور عليكي في كل حته وانتي هنا
مريم: اعمل اي يعني ،، مانا معيش تليفون اكلمكوا ،، فقولت افضل مستنياكم  علي ما تيجوا ،، بس جاسر فين
ادم:في اوضته
مريم:طيب انا ريحاله ،، سلام
ليالي:سلام
ادم ببرود:اقفلي الباب وراكي
مريم:طيب
وخرجت من الاوضه وقفلت الباب و فتحت باب اوضتها ودخلت وقفلت الباب وراها وبتبص حواليها لقت جاسر اعد وساند راسه ع ايديه الاتنين فمريم قالت:جاسر
جاسر و رفع راسه ليها ولما شافها قاملها ومسك دراعتها الاتنين وقال بغضب:كنتي فين
مريم:سيب دراعي الاول وانا اقولك
جاسر بغضب اكتر:كنتي فين
مريم:لو هتفضل تعاملني كدا كتير همشي واسيبك اقسم بالله
جاسر:انتي بتهدديني
مريم:اعتبرزي ما تعتبره ،، وسيب ايدي لوسمحت
جاسر ساب ايدها وقال:كنتي فين
مريم:بالف
جاسر بغضب:وحياه امك
مريم:متغلطش في امي عشان انا كمان مغلطش في امك
جاسر بغضب:مررريم ،، اتلمي معايا في الكلام بدم اقسم بالله هتلاقي قلم ع وشك
مريم بعند:فكر بس تمد ايدك عليا وانا اقسم بالله ع اول طياره رايحه مصر وهنطلق ،، اه مهو معاش الراجل الي هين اتش
جاسر بيحاول يسيطر ع غضبه لانه لو فضل اكتر من كدا هيمد ايده ع مريم ومريم هتنفذ تهديدها وهو مش عايز يوصل لكدا فقال:انا هسيبك الوقتي عشان انا مش حمل خناق تاني
و قفل البلكونه بمفتاح واخده فمريم قالت:انت بتعمل اي
جاسر:باسك عشان مش هتعتبي عتبه الاوضه دي لبعد يومين
مريم:وريني هتحبسني ازاي
وجايه تروح ع الباب جاسر زقها ووقعها ع الارض واخد الكارت وقبل ما يقفل الاوضه قال:اكلك هبجهولك النهارده وانا راجع بليل ،، ماشي
وقفل الباب وراها و مريم شتمته في سرها وقامت وعادلت نفسها واعده ع السرير فنفسها قالتلها"انتي الي جبتي لنفسك"
مريم بغضب:بقولك ايه ،، انا مش فيقالك
"انا ياما قولتلك ان جاسر مينفعش معا الي بتعملي دا ،، وانتي بردو مصره"
مريم:وانا عملت ايه؟؟ فهميني كدا انا عملت ايه
"مشكلتك انك مش فاهمه ي مريم"
مريم بسخريه:طب فهميني ي ابله
"ولو اني حاسه انك بتتريقي بس ماشي ،، بصي ي ستي ،، جاسر مينفعش معا العند ولا الي انت بتعملي دا"
مريم:طب جه من الاول طالما انا منفعوش
"ممكن تسكتي ومتقطعيش كلامي"
مريم:حاضر
"ارجع اقول تاني جاسر مينفعش معا العند ولا الي انتي بتعملي دا"
مريم:اومال ينفع معا اي
"انثي"
مريم باستغراب:افندم!!!
"مالك مستغرباني كدا"
مريم:اصدك بتقولي انثي ،، اومال انا ابقي اي
"لا انتي بقايا انثي"
مريم:وحياه امك
"شوفتي انتي اضيقتي ازاي لما قولتلك كدا"
مريم:انا مضيقتش
"لا اضيقتي"
مريم:ماشي ي ستي انا اضيقت ،، اتفضلي كملي
"مريم انتي اخر مره روحتي الكوافير امتي"
مريم:لما كنت مع مفيده هانم ،، لما جاسر كان لسه اول مره جاي يتقدملي
"مممم ،، طب روحي افتحي الشنطه بتاعتك كدا"
مريم:ليه
"روحي بس"
مريم:طيب
وراحت نحيه شنطتها وفتحتها وقالت:اعمل اي
"هاتي الي قدام وشك دا"
مريم:قميص النوم دا
"اه"
مريم:اعمل بي ايه
"البسي"
مريم:نعم ي ختي
"مريم اسمعي الكلام واتفضلي روحي البسي"
مريم:طيب
و غيرت ولبسته
"روحي بقا اقفي قدام المرايه"
مريم ووقفت قدام المرايه وكان شكلها قمر كان القميص لحد ركبتها وكان مبين اد ايه هيا جميله
"اي رايك بقا"
مريم:في اي
"انتي مش شايفه انتي بقيتي عملا ازاي"
مريم:عملا ازاي يعني ،، دا قصير جددا ومبين رجليا ودراعاتي ،، فين بقا الي انتي شايفه وانا مش شايفه
"في اني شايفه انثي قدامي ، مش اتش"
مريم باعتراض:لا مسمحلكيش ،، لوسمحت متجبيش اسم اتش بالغلط
"ي شيخه اتلهي ،، اهو اتش دا الي هتضيع جاسر من ايدك"
مريم:لا جاسر بيحبني وعمره ماهيضيع من ايدي
"بعميلك دي ،، مش هتكملوا مع بعض سنه"
مريم:طب اعمل اي تاني
"فكي شعرك"
مريم وفكت شعرها وكان طول شعرها لحد وسطها فكان مديها شكل احلي عن الاول "روحي حطي برفان و روج"
مريم:روج!!معيش
"طب برفان"
مريم:ماشي
وراحت نحيه التسريحه ولسه هتحط قالتلها"انتي هبله ي بت"
مريم بضيق:ليه يعني
"هتحطي من برفان جاسر"
مريم:مهو رحته حلوه
"مريم ،، متعصبنيش وحطي من التاني"
مريم بضيق:طيب
وحطت من البرفيم التاني وقالت:كدا تمام
"اه تمام"
مريم:اعمل ايه تاني
"افضلي اعده لحد اما جاسر يجي ،  وصالحيه"
مريم:مهو هيتاخر
"استني بردو"
مريم:طيب
"انا كدا مهمتي انتهت ،، سلام عليكم"
مريم:وعليكم السلام
____________________________
في المطعم كان اعد ليالي وجاسر وادم منتظرين الاكل
ليالي:جاسر
جاسر:ايوه
ليالي:مريم فين
جاسر؛في الاوضه
ليالي:ومجتش ليه
جاسر:حبسها
ليالي باستغراب:ليه
جاسر:بعقبها
ليالي:طب لوسمحت ي جاسر هاتلي كارت الاوضه عشان زمانها اعده زعلانه ومضايقه
جاسر:لا
ليالي:طب روحلعا ع الاقل
جاسر:لما اتغدي
ليالي بصرامه:لا الوقتي ،، يا تجبلي الكارت و اروحلها انا
جاسر:خلاص خليكي ي ليالي وانا هروحلها
ليالي:ماشي
وقام جاسر من الطرابيزه و راح لي مريم
ادم:بقولك
ليالي:ها
ادم:تعالي نتغدي ونروح بعدها سينما
ليالي:طب نبقي نستني جاسر ومريم يجوا معانا
ادم:جاسر معدش جاي تاني
ليالي باستغراب:ليه!!
ادم بخبث:هبقا اقولك بعدين ،، بس اما نبقي لوحدنا
ليالي بكسوف:بس ي ادم ،، انا بتكسف
ادم:حبيب ادم انت "وقربها منه واخدها تحت دراعاته وباس راسها"بحبك
ليالي:وانا كمان
_____________________________
جاسر دخل الاوضه ولقي الاوضه فاضيه بس سمع صوت باب ادحمام بيتفتح فمريم اول ماشافت جاسر قالت:جاسر ،، انت هنا
جاسر اول ما بص لمريم تنح
فمريم قالت:جاسر ،، جاسررر ،، جاسررررررر
جاسر:ها
مريم باستغراب:بقالي ساعه بنده عليك ،، ايه الي جابك الوقت
جاسر:وانتي لابسه دا ليه
مريم بتحاول تتدلع:عشانك
جاسر باستغراب:عشاني
مريم بحب:اه عشانك
جاسر:متاكده ي مريم
مريم:اه متاكده ، وعايزه اقولك كمان اني اسفه
جاسر باستغراب اكتر:مريم انتي مش سخنه
مريم:تؤتؤ ، مش سخنه وعايزه اقولك كمان اني ،، بحبك
جاسر:انتي بتكلمي جد
مريم:هو في الحاجات دي هزار يا جاسر
جاسر وشالها:طب اذ كان كدا ماشي
مريم باستغراب:بتعمل اي ي مجنون
جاسر:هتعرفي الوقتي
واخدها وووو
_____________________________
وبعد مرور اسبوعين وبتحديد في المطار
مريم:انا جعانه
جاسر:محنا لسه اكلين
مريم:جعت تاني
جاسر:طب اصبري اما نطلع ع الطياره وتاكلي
مريم:طيب
ليالي:هو احنا هنركب امتي
ادم:لما يندهوا
وندهوا ع الركاب عشان يركبوا الطياره
ادم:يالاه
و ركبوا الطياره
_____________________________
وبعد مرور عده ساعات وصلوا مطار مصر ونزلوا من الطياره وادم وجاسر راحوا جابوا الشنط  وخرجوا من المطار وكان في عربيتين واحده تبع جاسر والتانيه ادم
ادم:يالاه ي ليالي
مريم:ايه دا ،، احنا مش هنروح مع بعض
جاسر:لا ،، هما هيرحوا ع بيتهم واحنا ع بيتنا
مريم:طيب ماشي "وحضنت ليالي"سلام ي لولو
ليالي:سلام
ادم:سلام ي جاسر سلام ي مريم
مريم وجاسر:سلام
____________________________
وصل ادم الفيلا ونزلوا من العربيه واخد ادم بايد ليالي ودخلوا
ادم:امي
دارين وجت عليهم وقالت بفرحه:ادم ،، وحشتني
وحضنته فادم قال:وانتي كمان ي امي
وبعد مرور دقائق دارين قامت من حضن ادم وراحت تحضن ليالي وقالت:الف حمدالله ع السلامه
ليالي بابتسامه:الله يسلمك ي ماما
دارين:ماما طالعه من بوقك زي السكر
ليالي بابتسامه:شكرا
دارين:مفيش شكر ي حبيبتي ،، انا بقول الحقيقه
ليالي ابتسمتلها وقامت من حضنها فادارين قالت:شكلكوا تعبانين من السفر ،، فاطلعوا اوضتكم ارتاحوا ،، وخصوصا انتي ي ليالي
ليالي:ماشي
ادم:تصبحي ع خير
دارين:وانت من اهل الخير ي ادم
واخد ادم ليالي وطلع اوضته ولما دخلوا ليالي قالت:الله ،، الاوضه حلوه اووي
ادم:عجبتك
ليالي:جدا
ادم:طب كويس اني زوقي عجبك
ليالي بابتسامه:انت اي حاجه منك حلوه ،، مفيش حاجه وحشه
ادم وشدها ليه:الكلام دا مش ببلاش
ليالي وبتقوم من حضنه:بص مش الوقتي لاني هموت وانام
والحمل اصلا تعبني
ادم:ماشي ، بس مش كل مره هعديها
ليالي:ماشي "الباب خبط"انا راحه افتح
ادم:لا خليكي ،، دا تلاقيها الشنط
ليالي:ماشي
وفتح ادم الباب واخد الشنط وقفل الباب فقال:هتتدخلي تستحمي
ليالي:اه ،، بس هطلعلي بيجامه
ادم:طيب
وطلعت بيجامه قطن لونها وردي وداخلت الحمام واخده شاور وخرجت
ادم بخبث:انتي كدا مش هتخليني انيمك النهارده
ليالي بتعب:لا عشان خطري ي ادم ، سبني انام ،، انا مش قادره
ادم:ماشي ،، انا داخل الحمام
ليالي:وانا هنام
ادم:تصبحي ع خير
ليالي:وانت من اهله
ودخل الحمام وليالي راحت ع السرير ونامت
_____________________________
وبعد مرور 4شهور كدا
محلصش فيهم اي حاجه دارين كانت بتعامل ليالي كويس جددا وسعاد جت زارت ليالي ومريم كمان واطمنت عليهم وبعدها بكام يوم عمر اخد ليالي ومريم و راح اتقدم لنورا و اتفقوا ع كل حاجه وسعاد وفريده كانت علاقتهم كويسه ببعض وبردو ليالي الا مريم مكنتش طايقه نورا وحاول عمر اكتر من مره ان يخلي مريم تبدا بالكلام بس مكنتش بتوافق ولما قال لنورا قالت"مريم مش طيقاني ي عمر ،، وانا حاولت كتير ، بس هيا مش راضيه تتعاون معايا ، فبراحتها بقا" عمر قدر موقفها واعد معاها شويه و روح
اما بقا عند ليالي وبالتحديد في الفيله
ليالي كانت اعده وكانت حاطه ايدها ع بطنها مهي بقت في الشهر السابع وبطنها كبرت  و كانت راحت هيا وادم وعرفوا من الدكتوره ان الجنين ولد عامه يعني ليالي كانت اعده بتتفرج ع فيلم وقطع مشاهدتها مكالمه دارين ليها فردت وقالت:الوو
دارين:ازيك ي ليالي
ليالي:الحمدالله ي طنط ، وحضرتك
دارين:انا الحمدالله ،، بس انا عايزاكي في خدمه
ليالي:اؤمري ي طنط
دارين:كنت عايزاكي تيجيلي عند(،،،،،)عشان السواق مشي وبكلمه مش بيرد
ليالي:ماشي ي ماما مش هتاخر
دارين:شكرا ي حبيبتي
ليالي:العفو ي ماما  ، سلام
وقفلت معاها وكانت هتكلم ادم بس قالت"مش مهم ، انا هروح اجيب مامته بسرعه ومش هتاخر"
وطلعت اوضتها وغيرت و نزلت  و اخده مفتاح العربيه الي جبهالها ادم و راحت ركبت العربيه وطلعت بيها وهيا في الطريق كلمتها مريم و ردت وقالت:الوو
مريم:الوو ،، ازيك
ليالي:الحمدالله ،، وانتي
مريم:الحمدالله ،، انا عايزه اقولك ع مفاجاه هتعجبك اووي
ليالي:قولي ،، شوقتني
مريم:انا حامل
ليالي:بجد
مريم:اه والله ،، لا و كمان في اتنين
ليالي:عرفتي منين
مريم:روحت كشفت عند الدكتور وقالي ان في الشهر التالت وحامل في اتنين
ليالي:مبروك ي مريومه
مريم:الله يبارك فيكي ،، بس انتي فين
ليالي:في الشارع ، راحا اجيب ماما دارين
مريم:والسواق ميجبهاش ليه
ليالي:مشي
مريم:طب ادم يعرف انك برا
ليالي:لا
مريم:ومقولتلوش ليه
ليالي:مش مستهله ، اصل هما يدوبك نص ساعه وارجع ، فملهاش لازمه
مريم:طيب ، عايزه حاجه
ليالي:اه
مريم:ايه
ليالي:خفي ع نورا شويه ي مريم وعمليها حلو ، لان عمر مضايق من طريقتك
مريم:حاضر ،، هحاول ،، يالاه سلام
ليالي:سلام
وقفلت ليالي معاها و وصلت المكان و ركنت وكلمت دارين وردت دارين:ايوه ي ليالي
ليالي:ايوه ي ماما انا برا
دارين:طب ي حبيبتي انزلي من العربيه وادخلي شمال هتلاقي محل ادخليه عشان تيجي تساعديني في شيل الشنط
ليالي:ماشي
وقفلت معاها وحطت التليفون في الشنطه وكان ساعتها ادم بيتصل بس التليفون اتعمل صامت وهيا مش عرفا فامسمعتوش وسابت الشنطه في العربيه ونزلت ودخلت شمال ولقت دارين بتحاسب فاخده الشنط منها و خرجوا من المحل وحطوا الشنط في شنطه العربيه وقفلتها ليالي وبعدها قالت:اركبي ي ماما
دارين وبتبص في الشنطه ملقتش تليفونها فقالت:طب ثواني ي حبيبتي ع ما تلفي بالعربيه الجهه التانيه اكون انا جبت تليفوني لاني نسيته جوه
ليالي:ماشي
وركبت ليالي العربيه وبتلف وجايه تفرمل العربيه مبتفرملش وقالت بقلق"هيا مبتفرملش ليه ،، مبتفرملش ليه" واعده تحاول بس منفعش وبعدها ليالي معرفتش تسيطر اكتر من كدا ودخلت في عمود و.......................
_____________________________
انتظروني الفصل القادم
وهو الفصل الاخير باذن الله
#فرفوره