منقذي ❤

7

#منقذي7 

.
.
.
.
.
.
.
.
.
.
.
.
.
.
.
.
.
.
بعد امين طلع قعدت ابكي وابكي وايمان بتسكت فيني 😭😭 انا تعبت ياايمان يعني انا ربنا ماكاتب لي اعيش مبسوطة يوم انا تعبت شديد ياخ ،، لنا قالت لي معليش ياهند انتي عارفة امين وطبعو اسكتي خلاص 😥😥 قمتا دخلتا الحمام استحميت وطلعت بقينا راقدين ف السرير وفي صمت كده غريب وفي توتر 😓 لنا بتولع في سجارة وبتنتهي وتولع البعدها  وكالعاده بتسكر و ايمان ماسكه جوالها مركبه السماعات وانا راقده ف السرير وسرحانه لحدي ماتلفوني رنا 📞📞 لقيتو ده احمد شلت جوالي ومشيت البلكونة الوو انتي كويسة??! رديت عليهو وصوتي كام رايح لانو بكيت شديد ،، انا كويسة الحمدالله 😓😓 ليه م عملتي مسج طمنتيني عليك انا كنت خايف عليكي شديد ،، معليش سامحني بس جيت لقيت معانا ضيوف وكنت جايطه شويه 🖐🏽😓 طيب انتي صوتك متغير متأكده انك كويسة ،،، لا الحمدالله انك بخير (واحمد بقي يتكلم معاي لحدي ماخلاني ابتسم شوية ☺☺😌😌 قفل مني وقال لي نومي عشان السهر بيرهقك كتير وخلي بالك من نفسك 😍🖐🏽قلت ليهو طيب وانت من اهلو ... جيت لقيت لنا منتهية ع الاخر 😣😣وسكرانه شديد شلت منها القزازه وقلت ليها يالنا حرام عليكي نفسك ياخ انتي ماممكن تكوني كده بقيتي مدمنه عديل مستحيل يوم تكوني فايقة صحتك ياخ حرام عليكي 😡😡😡 بقيت تضحك وردت بصوت تقيل و بتلخبط في الكلام  علي صحتي ونفسي ?!😄 انتي ياهند ماعارفة العلي انا بس عشان مابحب اتكلم خليني ساكته بلاي وطيري من وشي 🖐🏽😄  لا لا في حاجه وانتي مخبيه علينا 😳 في شنو ي لنا ??! يا يااسمك منو انتي?😌 الموهم انا بحبو ياخ 😭 بحبو شديد والله وماقادرة اقول (😳😳😳 انا بقيت عاملة كده ) بتحبي منو يابت ده  منو الماحكيتي لينا بيهو ده 😳😳  شالت سجاره ولعتها تاني وقالت لي حاتعرفي في الوقت المناسب قلت لاايمان ،، لنا دي ماعجباني حاسة انها نفسيا ماكويسة ،، ايمان ردت علي ياهند طبيعي جدا تكون نفسيتها تعبانه هو الحاصل معانا ده مش مفروض يخلي النفسيات تتعب ده مفروض يخلينا نموت عديل 😔😔 لالا ي ايمان الموضوع ماعشان وضعنا وبس في حاجة تانية انا متأكده انا بعرف لنا من هسي ??! اكيد في شئ .. عليك الله ي هند ماتقدي راسي ماناقصة انا البنت دي سكرانه وماواعية بتكون بتلخبط وماواعيه بروحها هي اصلا بتمشي وين عشان تحب ياقاعده هنا ي قاعده ف شقة حماده 🖐🏽😓 اديني سجاره عليك الله وخلينا في حالنا راجعت كلام ايمان وقلت يمكن فعلا من العلينا يلا انا حانام تصبحي ع خير ردت لي  وانتي من اهلو 🖐🏽 اتلفت اشوف لنا لقيتها نايمة والسجاره مولعة وقربت تقع ف الفرش شلتها منها ورميتها وغطيتها انا بحب لنا شديد لانو بحس بيها اختي هي اصغر مني ب سنتين تقريبا انا عمري 24 وهي 22 😔😔 بفكر لو كان وضعنا غير كان يمكن نكون في مكان تاني رقدت ونمتا كل مااجي اقرب انوم لاذم اسمع قرآن حاجة كده بتجري في دمي من وانا صغيرة وحتي بعد المصايب البعملها دي مااتخليت عن الحركه دي بحس بيومي ناقص لو ماعملتها 😌😌 يمكن دي الشئ الوحيد المصبرني ،،، نومتا  جاتني  مكالمة من احمد 😌 في زمن صلاة الفجر رديت عليهو وانا مغمضة قال لي  صباح الخير  😊 صباح النور دكتور احمد انت ليه صاحي من بدري كده 😳 رد علي 😊انا كل يوم بصحي زي الوقت ده عشان اصلي الصبح حاضر وهسي عايزك تصلي الصبح حاضر وتدعي انو ربنا يسهل كل الامور وسيبي الكسل مش قالو لابارك الله في عمل يبطل الصلاة فمابالك لو كان نوم 😊😊😌 يلا قومي صلي وربنا يتقبل (اقسم بالله بالحركة دي كبر في عيني اكتر وبقيت اتبسم براي زي المجنونه قلت ليهو حاضر ) قمتا صليت الفجر وقعدت ادعي وادعي انو ربنا يسهل اموري ويهديني ويبعدنا انا وصحباتي عن السكة الحرام دي  صليت وقريت شوية قرآن ماجاني نوم تاني مشيت برة فتحت التلفزيون في الهول وبقيت اقلب ف القنوات شالتني نومة خفيفه صحيت بيد ايمان في كتفي   الساعه 10كده .. هند ياهند اصحي ليه نايمه في الكنبة قومي ادخلي جوه ... صحيت مخلوعه قلت ليها والله ماحسيت بنفسي 😴💤💤 بعد صليت الصبح شالتني نومه ''" ياسلام ياهند بقيتي تصلي الصبح 😍 ياخ ربنا يهدينا احنا كمان انا والسكرانه الحيرانه دي 😅😅قعدنا نضحك بس جات لنا طالعة من الغرقه وشكلها كان عجيب الشعر منكوش 😂 و الفستان فوووق مع الصره واللباس ظاهر وتدعك في عيونها قالت لينا سامعاكم بتقطعو فيني 😴 ااااخ يابنات الصداع حايكسر راسي .. قلت ليها تستاهلي عشان انتي مابتسمعي الكلام كل ماتسكري بتقومي بصداع كده خففي شويه من الشئ ده حايهرد بطنك 😒 والله ولاردت لي خشت الحمام ايمان قالت لي خليها دي انتي عارفاها عنيده والفي راسها بتعملو انا حادخل اعمل قهوة عايزه ?? قلت ليها اي عليك الله نفسي فيها .... طلعت لنا من الحمام وجات قعدت جنبي شالت الرموت غيرت القناة وجابت اغاني وولعت سجاره ورفعت رجولها في الكنبة ... نادت ايمان ي قلبوشتي ريحة القهوة رهيييييبة اعملي لي معاكي يمكن الصداع يخف 😓😓 عاينت ليها مسافه قالت لي هند هي ها مالك بتعايني لي كده 😳😳 قلت ليها انتي بتحبي منو ???! 
طوالي شالت الرموت وبقت تغير ف القنوات واتكلمت معاي من غير ماتكون بتعاين لي احب شنو ياهند انتي مجنونه الزيينا ده مامن حقو يحب 😅 واتلفتت لي شايفاكي انتي خاشة بالتقيل في موضوع الحب ده بس اعملي حسابك شديد عشان ماتتوجعي وجعه ماحتستحمليها 🖐🏽 قلت ليها ياخ الحب ده حاجة مابيد الانسان وانا ماكنت مقررة انو احب احمد او غيرو بس جات كده ولسة بقول يمكن ربنا شايل لي حاجة حلوه بعد ده 😓 طفت السجاره وقالت لي فعلا الحب مابيد الزول 🖐🏽 والا كان غيرنا حاجات كتيرة شديد عارفة وكمان اصعب شئ انك تحبي وماتقدري تبوحي بحبك ده  (كلامها كان بدل انو هو بتحب بس هي ناكره ليه ماعارفة😳 ) المهم جات ايمان داخله وشايلة صينية فيها 3كبابي قهوة وقالت لينا الفاتني شنو ياشباب 😌  سامعاكم حب وماحب ... ردت ليها لنا بري دي صحبتنا دي اليومين دي بتحب عزبتنا بالحب 😂 ايمان قالت لينا بمناسبة الحب ماوريتكم الشمار الزبون الجابو لي امين ومشيت ليهو لما كنتي عامله فيها عيانه ياهند متزكراهو ولنا انتي كنتي ف شقة حمادة ،،، ردينا ليها اهاااا 😍😍قالت لي رسل لي امس ف الواتس وقال عايز يشوفني 😍 في بيتو مش قلت ليكم قال عايش براهو 😍قلا ليها طيب وحاتمشي?? قالت لي طبعا اصلا هو عاجبني 😌لو مااداني قروش اصلا برضو حامشي ... لنا قالت ليها طيب اعملي حسابك عشان امين لو عرف بتمشي شغل من وراهو حايطلع ميتينك وانتي عارفه عندو عيون في اي مكان ومراقبنا
المهم الساعه 5 مساء جات ايمان بتجهز عشان تمشي للزبون في بيتو .... انا ولنا قاعدين ساي لحدي مالنا تلفونها اتصل 📞 قالت لي ده امين الو يابيبي 😍 قال ليها الو وينك مابتردي سريع ?! 😒الجوال في الغرفه ... طيب البسو سرعه وتعالو شقة حمادة ف شغل .... انتي و هند ... ايمان قالت لي انو حاسة بصداع وحمي ماشة المستشفي انتو تعالو !!مفهوم ولااعيدو 🖐🏽😒 لالا ي امين مامحتاج تعيدو قفل الخط سالت لينا مالو قالت لي شغل كالعاده 😓😓

بقلم نضال علوي
#يتبع