عمر و علي و امير .. جهزوو نفسهم حتى يروحون ..
طبعا صار عيد ميلاد مريم العصر ...
قبل يطلعون
امير : ولكم غير ناخذ هدية 😒
عمر : صدك نسيت
علي : اي والله نسينا هههههه
امير : شكد عمرها لمريم ؟
عمر : ما اعرف
علي : راح اتصل ع ساره و أسألها
رن رن رن
ساره : نعم
علي : هلاؤؤ شلونج عيني 😊
ساره : شتريد 😒
علي : شكد عمر مريم ؟
ساره : 2 سنه
علي : صدك صغيرة ...
ساره : باي مشغوله
علي :باي
علي : عمرها 2 سنه
عمر : أوه صغيرة
امير :سهله خلي نجيبلها ملاعيب بنات
علي : اوك
راحوو ع المول و شتروو هداية .. وصلوو لبيت نور
رن جرس ..
رن رن رن
فتحت الباب سجى
سجى : هلاؤ نورتو .. تفضلوو
دخلوا ع بيت نور
ساره : مرحبا
امير : وين مريم ؟
سجى : هسه تجي ويا امها ☺
بعد لحظات وصلت نور و مريم ..نور حاملتها ل مريم .. امير جان دا يباوع عليهم ..و يكول : شكد حلوين سوى 😍
سجى : هما جننون
نور : مرحبا
لكل : اهلا
علي : هلاؤ اني علي
عمر : واني عمر
امير : واني امير ☺
نور : امير وياكم ب جامعه 😕
علي : لا بس صديقنا ☺
نور : اتشرفت
امير: وين ابوها ☺
سجى : نور امشي لنروح ع المطبخ ☺
نور راحت و هيه ما تذكر زوجها و تمنت يكون موجود .. 😔
امير : شنو صار؟ خوما كلت شي غلط
ساره : لا بس زوج نور مات بسبب حرب العراق .. و نور ربت مريم بحدها و احنه جنا وياها.. نور .... دائما تنطي بنتها لافض و متقصر وياها .. بس لمن تذكر زوجها 😓 كلش تنكسر و تزعل ع بنتها لأن بدون أب .
امير : الله يرحمه.. مجنت ادري اسف 😔
ساره : خلاص عادي مو مشكلة ☺
نور : هاي جبنا الكيك و البالون و جهزنه كلشي
خلي نبلش ☺
سجى بفرح: يلا
خلصوو عيد ميلاد مريم و كان كلش حلو .. و مريم فرحت هوايه ☺ و بعدا انطوها الهداية و اخر واحد امير ..
امير : هاي هديتج يا حلوو
مريم : جانت تضحك و كلش فرحانه
امير : اني امير يصير اكون صديقج 😅
مريم : اي 😅
لكل جان يباوعلهم و بعدا ساره طلعت ع الحديقة و عافتهم... علي دا يباوع و مشاف ساره ...
طلع علي ع الحديقة 😕 دا يدور ع ساره و شافها كاعده بحدها ...
علي : هاي ليش كاعده هنا بحدج 😕 شدا سوين
ساره متحملت و كامت تبجي 😢
علي بقلق : لج شبيج ليش دا تبجين
ساره : اريد ابقه وحدي ممكن 😢
علي : لا ما روح 😞
ساره كامت وكفت و علي عم كام... كلتلها ساره و هيه عيونها مليانه دموع
ساره : و بعدين وياك 😢
علي لمن شفت دموعها ما ادري ليش حسيت انو اني دا دمع اعيوني مو هيا 😞
علي حضنتها و حاولت تدفعني بس مكدرت
بعد لحضات هيه همين حضتني 😢 و جانت عيونها مليانه دموع ساره : يعني حلمي مستحيل
و هوا حاضنها 😟 بعد دقايق بعدت عن علي و مسحت دموعها 😒 و راحت
علي بس يباوع عليها .. ساره دخلت ع البيت و كالت اني تعبانه اريد ارتاح تصبحون على خير و دخلت ع غرفتها
علي مصدوم لك شنو صار قبل دقايق 😰
امير : يلا احنه نترخص وين علي
علي : نعم
عمر : يلا بااي
و راحوو
نور : راح روح نام اني و مريم تصبحين على خير حياتي
سجى : و انتي بخير 😍
سجى دخلت ع عرفت ساره و كالتها شبيج ؟
ساره : ....
سجى : بيوم من الايام راح يتحقق حلمج.. و صبر مفتاح الفرج.. الله كريم يا ساره بس اهدي
ساره : شكرا لأنج موجوده ☺
سجى : تصبحين على خير حياتي 😍
ساره : وانتي بخير ☺
هلاؤؤ شلونكم شخباركم احوالكم إموركم ... انشالله بخير ... راح تبلش الأحداث 😊 استنو و شوفو شنو نوع هل قصة.. متأكده راح تعجبكم.. البداية مو كلش حلوة .. بس هسه بلشت الأحداث و اعتقد هاي قصة شوي طويلة ... ☺☺
