مواضيع

حول الزواج

اغلب البنات معذورات بخوفهن من يتأخر زواجهن ، لأن عادات مجتمعنا يجبرهن على ارتباط ممدروس تحت ضغوط قاسية محد يكدر يستحملها او يتحملها ، ضغط اسرتها عليها من تشوف صديقتها انخطبت لو وحدة اتزوجت ، غير ضغطها هي على نفسها بسبب ارتباط اصدقائها ، الموضوع صاير للبنية المتأخرة بزواجها مثل الطالبة الكاعدة بالامتحان ومجاوبة صح ، تنتظر الاستاذ يصيح اسمها من العشرة الأوائل
يصيح اسم الاولى مو هي ، يصيح اسم الثانية مو هي ، يصيح عالثالثة ، شوية شوية ويه كل صيحة اسم وهي اسمها مموجود
حالتها النفسية تتعب ، توترها يزيد ، ويمكن هي اسمها يكون رقم 10 بس من كثر التوتر والضغط ممكن تتصرف تصرف يأذيها وتصرخ : اسمي وينة ؟
الي هو = بالحياة الواقعية توافق على اَي واحد يتقدملها
العالم النفسي "الفريد أدلر" بكتابة معنى الحياة ) ، اصعب شيء يواجه الانسان هو اجبارة على تكملة حياته مع شخص ليس من اختيارة 100‎%‎ ، حينها سيعيش بنصف حياة ونصف روح )
ابن خالتي عمر صارلي عشر سنين مشايفة ، اغترب واتزوج وراها رجع للعراق يعيش ، دخلت البيتهم سلمت على والدتة ، وره السوالف كلتلي تلكاه بالفرع الورانه اكو محل بلي ستيشن هو هناك يلتقي ، استغربت ، معقولة عمر ليهسة يلعب بلي ستيشن المفروض زواجة يخلي يفكر بأمور اهم من اللعب ،
رحتلة استغربت اكثر من شفتة ، كاعد بصف طفل يلعب وياه طوبة ، كعدت وراه محجيت وياه بقيت اباوع علّي ،
عمر : راح اضرب هالجزاء بس لتباوع على ايدي
الطفل : انت مو باوعت على ايدي من ضربت الفاول شمعنى متقبل هسه
عمر : اسمع لك تره اضربك بالجويستك على وجهك
الطفل : اوكي ماباوع بس اليخسر هو اليدفع فلوس الكيم
راد يكمل ويغلط الطفل اندار شافني وراه كاعد ، بعد السلامات والاحضان قبل ليطلع باوع عالطفل كلة : ادفع الفلوس بعدين اني ادفعلك ، الطفل كلة : ميصير هيج دائماً تسويها بيه ،
سألت عمر : كتلة منو هالطفل ، كلي نسيت اكلك هذه ابني يونس
كتله لاصدك ؟ ، كلي والله شبيك عمرة عشر سنين واني هم صغير من اتزوجت هاي نعمة تشيلهم ويشيلوك ، تلكه واحد تتعكز علّي من ماتلكه صاحب مثلك ، اني خلفت صديق مو ابن ،
الممثلة الامريكية ومقدمة برامج مهمة ( اوبرا وينفري ) من أغنى السيدات بالعالم ، اتزوجت قبل سنتين لو اقل ، انشغلت 26 سنة تبني اسمها وتاريخها ، نجحت نجاح منقطع النظير ، عدم زواجها ماجان عائق كدامها ،
زها حديد معمارية عراقية اختيرت كرابعة اقوى امرأة بالعالم ، ابداعها وتاريخها يسبقها ، جانت ممتزوجة وهذه الشي ماخلاها تكمل طموحها الحد مااتوفت بنوبة قلبية ، الله يرحمها
الزواج مثل اَي شغلة بالحياة ممكن تشوفة زين بأمور وترفضة بأمور ثانية ، ماكو مشكلة اذا اتزوجت من وكت ولامصيبة اذا مااجتي قسمتج ، ماكو شي اسمة راح تعنسين او متلكه عروسة ترضى بيك ، ولاالك ذنب اذا اجه نصيب اصدقائك من وكت ،
صح الزواج بي متعة تشوف بي جهالك يمك وتفرح بيهم ، بس المشكلة اذا جان الاختيار الأم خطأ او اختيار الاب مو صحيح
التفكر صح وفاتها القطار احسن من التزوجت خطأ ودهسها القطار ،
( كن هباء في الهواء ينثرك الله حيثُ يشاء )