ع الكورنيش
كانوا جالسين بجوار بعضهم وينظرون الى البحر ويشمون نسيمة
وبعد عدة قائق
رؤى : شايفاك مدايق من ساعة ما جيت .. لو عايز ترجع ف كلامك وننهى الاتفاق متتكسفش قول
اياد بتنهيدة : الموضوع مش كدة خالص .. كونى عارفة طالما قولت حاجة لازم انفذها
رؤى : امال مالك ؟
نظر للبحر ولم يعطيها رد
رؤى : كل اللى اقدر اقولهولك .. لو حاسس انك مدايق او مخنوق استغفر يا اياد .. الاستغفار بيحل مشاكل كتير
لو خايف تاخد قرار معين .. اشتكى لربنا مفيش احن منة علينا هو الوحيد اللى هيحللنا مشاكلنا .. ربنا بيحب الانسان
اللى بيلح علية كتير .. لو حاسس بحاجة عايز تعملها بس خايف منها .. فكر كويس وبعقل .. فكر اذا كانت الحاجة دى
هتأذى حد قريب ليك او اينا كان حد تعرفة .. بلاش تعملها .. لو حاجة هتغضب ربنا .. ابعد عنها
ارتاح قليلا عندما سمع هذة الكلمات كان الله بعثها لة كى لا يتركب خطا ف حق الله
ثم نظر لها بابتسامة : شكرا يا رؤى
رؤى : يارب اكون افدتك
اياد : افدتينى كتير اوى وريحتينى كمان
رؤى : طب الحمدلله بقيت كويس تحب نروح ؟
كان يريد ان يقول لها : خليكى قاعدة معايا شوية , ولكنة غير قرارة وقال
اياد : تمام يلا بينا
......
كانت جالسة تنتظرة وهى ترتدى قميص قصير باللون الاحمر وواضعة علية الروب
كانت واقفة بقلق واتجهت نحو الباب ونظرت من العين السحرية ولم تجدة
دخلت الى البلكونة تشاهد الشارع لم ياتى
كانت تاتى وترجع ذهبا وايابا ف المنزل , وبعد فترة من الوقت طفت الشموع واغلقت الانوار
وقالت : مااشى يا اياااد يااناا ياانت
......
ف اليوم الثانى
استيقظت رؤى بفرحة واتجهت الى سرير شقيقتها
رؤى : بت يا داليا قووومى يااابت عندك محاضرات انهاردة
داليا : بس بقا يا رؤى سبينى نايمة
رؤى : قوومى ياا رؤى بطلى رخامة
داليا : اوووف ادينى صحيت اهووو
رؤى : مالك بقاا ؟
داليا : مفيش حاجة
رؤى : كدابة يا داليا
داليا : يابنتى مفيش حاجة .. ولو ع الجامعة انا مش رايحة انهاردة
رؤى : لية ها لية ؟
داليا : اهو كدة انا مش عايزة اروح انهاردة
رؤى : ممممم انت اتخانقتى مع نرمين ولا اية ؟
داليا : لاء لاء
ف نفس اللحظة رن هاتف داليا
امسكتة وقالت
داليا : اهى نرمين بتتصل ممكن تسبينى ارد عليها بقا
رؤى : ماشى ياختى
ورحلت رؤى
داليا : الوو
نرمين : اية يابنتى اتاخرتى لية ؟
داليا : لا ماانا مش جاية انهاردة
نرمين بتساؤل : ليية ؟ ف محاضرة مهمة
داليا : مش مهم بقا هبقى اجى بكرة واخد منك الاجندة
نرمين : طب خدى بقا كلمى كريم عشان عمال يزن علية من بدرى عشان اكلمك
داليا : لالالا قوليلة قفلت
نرمين : ماشى يا حبيبتى .. خد يا كريم عايزة تكلمك
داليا : اه يابنت الــ***
كريم : الووو
داليا : ايوة يا كريم
كريم : ازيك يا داليا
داليا : كويسة الحمدلله
كريم : هو انت مش هتيجى انهاردة ؟
داليا : لا مش جاية
كريم : طب قوليلى سيف عملك اية وانا هربيهولك
داليا : معملش حاجة يا كريم مش كل شوية هقولك كدة سلام
واغلقت الهاتف ف وجة
......
نظر للهاتف بحزن
نرمين : هاا خلصت
كريم : مفيش فايدة
نرمين : سيبها يا كريم هى مش هتحبك ف يوم وليلة
كريم بحزن : بس انا مش قادر اشوفها كدة وانا مش فايدى حاجة اعملها
نرمين : معلش انا عارفة انت بتحبها اد اية .. وانا سالت سيف وهو حكالى اللى حصل بس الحمدلله طلع اهبل مفهمش هى زعلت لية ؟
كريم : طب هى زعلت لية ؟
نرمين : قالها انة بيحب هايدى
كريم : اااااااه عشان كدة بقا .. ماااشى لسة الوقت طويل
......
وبعد 3 ايام
ف الجامعة
دالياا : كان نفسى تكونى معايا ف خطوبة رؤى
نرمين : معلش بقا يا ديلو انت عارفة اياد كمان خطوبتة ف نفس يوم خطوبة رؤى
داليا : يعنى هما سابوة كل الايام ومسكوا ف اليوم دة
نرمين : هههههه معلش ابقى صوريلى رؤى صور كتير وابعتهوملى واتساب
داليا : اوكية
نرمين : انى واى عزمتى مين من صحابك ؟
داليا : عزمت مريم و خالد واحمد وشيرين
نرمين : وكريم ؟؟!
داليا : لاء معزمتهوش
نرمين : يابنتى حرام عليكى الواد هيموت عليكى وانسان كويس جدا ومحترم .. انا عايزة افهم بقا .. مكنش عاجبك عشان , شكلة واهو غير شكلة وبقا موز وزى القمر وبقا احسن من سى سيف بتاعك دة .. اية بقا اللى ناقص الواد
داليا : المشكلة انى بدات احس احساس غريب .. انا كل ما بشوفة بتعب يا نرمى .. قلبى بيوجعنى .. يعنى مش بمزاجى .. حتى نفسى مش طايقاه
نرمين بتفكير : استنى كدة ... احساس غريب ولما بتشوفية بتتعبى وقلبك بيوجعك .. يا موكوسة انت حبيبتى كريم ؟
داليا : طبعا لا بقولك نفسى مش طايقاه
نرمين : يا مختلفة لا انت بجد هبلة روحك دلوقتى متعلقة بكريم انت بتحبية يا هبلة
داليا : نرمين حبيبتى بقولك لما بشوفة بيحصلى حاجات غريبة يبقى ازاى روحى متعلقة بية
نرمين : وانت ايش عرفك ان عشان بيحصلك الحاجات دى تبقى مش طايقاه .. اللى بيحصلة الحاجات دى بيكون بيحب يا ديلو
داليا بتفكير : يعنى انا حبيبت كريم ؟ .. لا مش ممكن
نرمين : ع العمموم هتعزمية ولا انا اعزمة انا ع خطوبة اياد ؟
داليا : لا يا ستى اعزمية انت
نرمين : تمام
ف نفس اللحظة اتى كريم وهو يضع الهاند فيرى ف اذنية ويتحدث مع شخص
كريم : ايوة يا حبيبتى .. خلاص يا قلبى قولتلك حاضر .. ماشى تمام .. خلاص بقا يا حبيبتى معايا ناس .. سلام يا حبى
حجظت عينها وهى تضع يديها ع فمها ونظرت الى نرمين
نظرت لها نرمين وهى تقول لها : متخلفة اهو راح من ايدك
عندما اغلق المكالمة اتجة نحوهم
كريم : ازيك يا نرمين ؟
نرمين : كويسة الحمدلله ... كنت لسة بدور عليك
كريم : خير يا نرمين ؟
نرمين : خير .. كانت عزماك ع خطوبة اخويا بكرة لازم تيجى
كريم : بجد الف مبروك اكيد طبعا لازم اجى
نرمين : ماشى يا كيمو ولو عايز تجيب حد من قرايبك هاتهم
كريم : حاضر يا نرمى .. حاجة تانى ؟
نرمين : لا شكرا يا كيمو
كريم : عن اذنك عشان دكتور ماهر عاوزنى
نرمين : اتفضل ربنا معاك
كل هذا ولم ينظر او يعطى لداليا اى اهتمام
داليا : شوفتى حتى مبصليش ولا قالى ازيك ؟
نظرت لها داليا وقالت : عشان تعرفى انك بتحبية شكلك اوفر اوى ع فكرة وواضحة زى الشمس
......
اشترت رؤى فستان خطوبتها الذى كان جميلا بالفعل وجهزت كل شئ متعلق بالخطبة
ف النادى
كانت جالسة ومعها ياسمين ويتحدثون ويمزحون ويضحكون
ياسمين : اه بس يخربيتك كفاية ههههههه
رؤى : ههههه اه ياااه دة انا بقالى كتير اوى مضحكتش الضحك دة
ياسمين : وانا كمان .. انت خلصتى علية ف اللف معاكى ع الفساتين والحاجات هعمل اية مش قادرة اقف ع رجلى
رؤى : معلش عشان اتعب والف معاكى يوم فرحك ان شاء الله
ف نفس اللحظة كان اياد وايهاب اتيين
شهقت ياسمين
رؤى : ف اية يابت ؟
ياسمين : ايهااب ايهااب هنا
رؤى : ايهاب مين ؟
ثم نظرت خلفها لتجد اياد اتى ومع شخص عيناها تعلقت ع اياد واخذت تنظر له
فاخذ باله وثبت مكانة وهو ينظر لها بابتسامة
فاقوا من شرودهم عندما وقفت ياسمين ونادت علي ايهاب
اتجة اليها وقال
ايهاب : عاملة اية يا حبيبتى
ياسمين : الحمدلله .. شوفت الصدفة
ايهاب بغمزة : احلى صدفة
اتجة اياد نحوهم وقال
اياد : ازيك يا رؤى ؟
رؤى : الحمدلله .. اعرفكم ببعض دى صحبتى ياسمين .. ودة اياد
اياد وهو يرحب بياسمين : اهلا وسهلا
ياسمين : اهلا بيك
اياد : اعرفكم صديقى ايهاب .. دى رؤى يا ايهاب
ايهاب بابتسامة : اهلا بيكى
رؤى : شكرا
اياد : طب اية كنتو بتعملوا حاجة مهمة ؟؟
رؤى : لا ابدا احنا كنا قاعدين عادى
اياد : طب تحبوا اوصلكم ولا حاجة ؟
ايهاب : لالا انا هاخد ياسمين وانت خد رؤى روحها
نظرت رؤى الى ياسمين باستغراب
ونظر اياد الى ايهاب باستغراب
ايهاب : متبصش كدة انا هفهمك بعدين
اياد : طيب .. تحبى اروحك يا رؤى ؟
رؤى : لالا انا هروح لوحدى
اياد : تروحى لوحدك وانا موجود
ابتسمت رؤى وقالت
رؤى : ماشى
اياد : طب يا جماعة عن اذنكم
رؤى موجها كلامها لياسمين : كلمينى لما تروحى
ياسمين : حاضر
ورحل اياد ورؤى وظل ايهاب وياسمين
......
ايهاب : وحشتينى اوى اوى
ياسمين : وانت كمان
ايهاب : كنت هتصل بيكى عشان نخرج بكرة وسبحان الله الخروجة جت لوحدها
ياسمين : لا مش فاهمة خروجة اية اللى جت لوحدها ؟
ايهاب : صحبتك رؤى هتتخطب لاياد انت هتروحى خطوبتها وانا هروح خطبة اياد اللى هى هى ف نفس المكان
ياسمين : ااااه هههههه صح مجاش ف بالى خالص
ايهاب بتحذير : بس بقولك اية عارفة لو لاقيتك لابسة عريان
ياسمين : لالا متقلقش
ايهاب : ايوة كدة .. بجبك
ياسمين : بحبك
........
ف السيارة
اياد : تحبى تروحى مكان قبل ما تروحى ؟
رؤى : لا مفيش حاجة هعملها تانى
اياد : طب بما ان مفيش حاجة تانى هتعمليها ... تعالى نروح مطعم ناكل حاجة
رؤى : احم معلش يا اياد مقدرش اخرج معاك وانا مش قايلة لماما
اياد : طب نتصل بيها نستأذن
رؤى : معلش يا اياد خليها مرة تانية
اياد بهزار : خلاص ماشى بس لو موتت من الجوع انت اللى هتشيلى ذنبى
رؤى : ارجوك متحسسنيش بالذنب لما تروح كول براحتك .. او انزل اشترى حاجة
اياد بحزن : اوك
وقاد السيارة وذهب
