بحياتنا بنمر باوقات بنكون فرحانين ...مبسووطين .. الدنيا مش واسعتنا.. بكونو حوالينا ناسنا.. احبابنا ... غوالينا ... فرحانين معنا ... يمكن ما بينعدو من كثرهم ... يمكن ما نقدر نحصيهم او نذكرهم كلهم ... وقتها بنكون مفكرين هدول الناس فرحانينلنا من قلوبهم .. بنحطهم ضمن قائمة الغوالي ... بنحطهم على رف مميز ... بنحكي هدول هم اللي بيستحقو قلوبنا .. هدول هم اللي بيستاهلو نفديهم بارواحنا ... بس ....
لما تسكر الدنيا بوجهنا .. لما الحزن يدب جوا قلوبنا ... لما وشاح السواد يلبسنا ... لما دموعنا ما تنشف .. وغصة قلوبنا تعلقم جوا حلوقنا ... وما نلاقي غير اقل من بضع اشخاص واقفين معانااا.. اقل من عدد اصابع ايدي ... ما بيستغرق ثانيتين ذكرهم... يسساعدونا .. يحملو عنا.. يخففو من الاعباء اللي حاملينها على ظهورنااا ... بكلمة منهم بيضمدو جروحنا .. حكيهم بكون عالوجع ومتل البلسم الشافي ... بمسحو دموعنا وهم مش شمتانين فينا ... همنا همهم .. وجعنا وجعهم ... تعبنا تعبهم .. بتقدر تسميهم وتينك ... بتقدر تحكي عنهم اخوتك ربنا قال {سنشد عضدك بأخيك }.. هدول اللي بيستااهلو تفديهم بروحك .. بيستحقو تعطيهم قلبك وتوقف جنبهم ... وصدق اللي قال .. بس بوجعك بتعرف مين ناسك ...
وبالنهاية كلنا مراحل بحياة بعض ... والله لا يحرمني ولا يحرمكم ناسكم 😍
