Choisi Six vs Escollido Seis—A War Over Humanity
©Yuzukicchi
--
Genre: Fantasy, Action, Adventure, Romance
--
Date Started: March 28, 2014
--
PROLOGUE
Choisi Six
O mas kilala bilang, CS6. Isang grupo o organisasyon na napag-alamang binubuo ng anim na miyembro. Ang mga nilalang na bumubuo rito ay may kasanayan sa pakikipaglaban, tulad ng martial arts, paghawak ng mga armas gaya na lamang ng baril. Sila ay sanay pumatay, na hanggang ngayon, walang nakakaalam kung sino ang nagtatag ng natukoy na organisasyon. Isa lamang ang malinaw, kakampi sila ng mundo, dahil ang pangunahing misyon nila ay durugin ang Escollido Seis, ang pinaka dahilan ng pagkabuo ng CS6.
Escollido Seis
O mas kilala sa tawag na ES6. Isang lipon ng anim na nilalang na asal hayop, tumatanggap ng bayad upang pumatay ng ibang tao, masama man o hindi, wala silang sinasanto—ni gobyerno. Sa bawat pagpatay ng mga kilalang tao tulad ng mga politiko, sakanila binibintang. Noong sobra na ang dulot na kasakiman ng ES6, nabuo ang CS6 upang supilin ang kasamaan nila.
Dito nag-ugat ang away ng dalawang grupo. Matira matibay ang labanan. Binabalanse nila ang mundo, kaya hanggang ngayon patuloy pa rin ang gulo sa pagitan ng dalawa.
Ngunit makalipas ang sampung taong pananahimik ng dalawa, na walang nakakaalam kung bakit, bigla na lamang nagparamdam ang CS6 sa mundo na walang kamuwang-muwang sa nangyayari. Isinampal sa mundo ang katotohanan, matagal ng talo ang grupo at ang tanging pag-asa nalang nila upang itigil ang kaguluhang dulot ng ES6 ay maghanap ng mga bagong bayani na papalit sa mga namatay na miyembro ng CS6, sila'y gagabayan at tuturuan ng isang miyembrong natitirang buhay ng lumang CS6, si Lucifer, o mas kilala sa katawagang—Boss.
Isang bagay ang pareho sa dalawang organisasyon ay ang mga miyembrong bumubuo rito, isa lang ang tingin ng mundo sa kanila—hindi sila tao.
