مرحبا اسمي زينب عمري ٢٢ سنه طالبه مرحله ثانيه طب اسنان شكلي وملامحي شرقيه عيوني لونهم نرجسي وبشرتي بيضه شعري بني بي لون اسود طولي وجسمي مميز بالانوثه اعتبر نفسي متكبره منغره بشكلي وشهادتي اني والدي شيخ عشيرة بالمنطقه الغربيه بس اني من زمان عايشه بغداد بيت اخويه عمار متزوج وعندة ٣ جهال زوجه اخويه كانت صديقتي وخطبته لاخويه علاقتي اني وعمار نختلف عن طبائع وعادات وتقاليد اهلي اخواني ٣ احمد الجبير متزوج وعندة ٤ ولد ومحمد متزوج وعندة طفل واحد عمار مهندس واحمد نقيب بالجيش ومحمد مدرس ماما عايشه مرأة فقيرة ومابيدة شئ وابويه متشدد وقاسي مافد يوم حسيت بحنانه حبه ورعايته كله لمحمد لان يشبه بالطبع قاسي ومتعجرف اني اخويه عمار كل دنيتي هو ابويه واخويه وصديقي وسهى زوجته اني وياها مثل الاخوات كنت مميزة بالكليه بالبس والاناقه واغلب زملائي يتوددون ويتقربون مني بس اني اصدهم لان موا بالي الحب ولانيتي اسوي علاقه صديقتي الوحيدة بالكليه بسمه جرئيه وسبور واهله منطيهن حريه تتصرف براحته شخصيته حلوه اني اروح لاهلي بالعطله اظل شهر واحد وارجع لبغداد لان مااتحمل تصرفات بابا جدا قاسي ويايه ويا كل العائله محمد هو الامر الناهي بالبيت وصادف زواجي اقاربي فااني عدلت نفسي وكشخه عبالك عرسي رحت نظفت جسمي وع صالون سويت شعري واخذت احلى الملابس جان بالي ابين لوالدتي اني مرتاحه يعني كول مااروح دكولي صايره احله ابينلها انو اني اختياري صح من اختاريت اعيش وي اخويه لج زنوبه راح اشتاقلج يعني الا ترحين تشوفين اهلج لعد شلون ياحبي يابسومه مشتاقه لماما كولش اي بس نضل عالاتصال ويوميه نتخابر الصبح والعصر وبالليل 😂اي شنوا انتي علاج حتي ٣ مرات باليوم اخذج… طبعا البيت حايصير باهت بدونج حبي زنوبه اووي سهى حبيبي راح اشتاقلكم تعالوا ويايه… لاحبيبتي مااكدر عالسفر تعرفين اني شهر ٨ حمل واخاف عالجنين لان الطريق طويل… براحتج حبي هاي شنوا اليوم مجتمعات الصديقات… .عموري شلونك ..هلاو بسمه شلونج… يااخي انت ليش بذات وتنسى تعبي وياك تذكر من جنت اوصل سلامك لسهى واتحمل رزايل سهى… اي عيني جانت ثكيله وماتتحاجى ست سهي بس لانت وصارت هي تزحفلي… عابتلكم شلون اثنين متراهمين عمار وبسمه ام لسان لاتنبشون بالماضي.. اخجل اني ☺فديت الخجلان اني… ها يمعود عمار هو وكت تبوس موا احنا كاعديين… 😂 حلالي مابيه شئ انتم عواذل وكاعديين عاﮘلبنا… جانت هاي اخر مرة اضحك واسولف ويا عمار وسهى وبسمه ولو جنت اعرف بالي حايصير ابد ماسافرت لرمادي ثاني يوم الصبح اجه عليه عموا ابو محسن السايق مال بيتنا ابويه دازة هو والسيارة حتي ياخذني بالرمادي اني من النوع الي احب اسمع فيروز نجاة الصغيرة ظليت الطريق كوله اسمع اغاني نجاة الصغيرة وجنت مشتاقه لحضن أمي وحنانه واحنا دنمشي وصلنا قريب عالمنطقتنا وسيارة جتي عالسريع وطخت شوي بسيارتنا الله ستر ولطف بينا جان هسه احنا بخبر كان توقفت سيارتنا ورجع علينا الولد نزل الي طخ السيارة وحجى ويا عموا ابو محسن… اني اسف بس …جنت مستعجل وبالغلط طخيت اني مستعد اصلح الدعم… طلعت راسي من جامه السياره يعني اذا انت مستعجل حضرتك احنا نروح بيه اذا ماتعرف تسوق وتنتبه عالطريق شكوا اهلك منطيك سيارة بالاول اتعلم السياقه يله تمشي بطريق كله اوادم موا حيوانات فااهم لك … اختي ماله داعي هالكلام واني اعتذرت ومستعد لكولشي بس الساانج شويه..واعتذارك شيفيدلو احنا صارلنا شي… ان شاءالله ماصار شي واعرف زين شلون تحجين لا يصير غير شي😠… لا والله حضرتك تعلمني شلون احجي شنو يصير قابل لك اسمعني اني طالبه طب وتربيه بغداد واعرف شلون ارد احجي ويا الاوادم موا ويا اشباة الرجال مثلك الظاهر ماشايف نعمه وهاي اول مرة تصعد بسيارة…. السايق طلع اعتذر من الولد مااعرف شكله ورجع اليه ست زينب ماكوا شئ والسيارة طخه بسيط ويتعالج… .عموا بليز اسكت… 😡انتي الظاهر ماحد معلمج شلون تردين عالاكبر منج بادب… اني مؤدبه اكثر منك ياعديم الذوق… يله انكشر منا… هذا لسانج لو الي سلطه عليج اكصه وربج واعلمج شلون تحجين وتتعامليين ويا الناس… ..امشي عموا مااحب اسمع تفاهات لايتعكر يومي من هالشكولات… مرأة مااكدر ارد عليج لاتربيتي ولا اخلاقي تسمحلي متت حركه اويلي لو الزمج باايدي اله اخلي راسج جوه تاير السياره يله عموا خلصني افففف…… شلون جاهل ماعندة ذرة احترام… ..وانتي يادكتورة هم عليت صوتج عالولد مايصير هو تعذرمنه وهو رجال زين مسوه شي يعني مصايره هاي مونعرفه ابن منو شون هيجي تحجين ميصير بنتي انتي منطقه عشاير ذولي بسرعه يفور دمهم والله لو ممعتذر من الولد وكايله عنده ضرف جان صار غير شي مشفتي شون اتخبل … من خوفي شفت شلون طخ السيارة جان هسه احنا عظامنا مترضرضه… يله دكتورة وصلنا للبيت ولتفتحين الموضوع لاي احد.خاف يطلع الولد عرف😔😔
