هبه..جنت الصبح كاعدة بعد ماخلصت شغلي واسمع اكرم هبببببه تعاليييييي.يمه هذا شبي نزلت ركض ميته من الخوف واشوفه مثل الخبل صاير نار وشرار وعمي وعمتي يهدون بي يكولوله خلي نفتهم شسالفه.هبه هاا اكرم شبيك ماحس اله ضربني راشدي وجرني من شعري وصعدني فوك وعمتي تعيط وتصيحة بس ميسمع معمي عله عيونه عبالك.اكرم جنت كاعد ويا جماعتي واجاني تلفون من رقم مااعرفه جاوبته كالي انته هم حاسب نفسك شيخ عصبت كتله احترم نفسك وشرايد منو انته.جاوبني هه حبيبها لمرتك هبوشتي صدمني كتله منو احجي وياك اني مجاوبني كالي اسال مرتك وسدة بوجهي اني انعميت استاذنت من الجماعه ورحت ركض للبيت صحتها وجريتها من شعرها سالتهة كامت. تبجي كالت ولله ماعرف هديت وياهة شويه بس من دك تلفونها نفس الرقم كتلهة كالت ولله ماعرفه كتلهة جاوبي بسرعه جاوبته اسمعه يكول هبوشتي حياتي مشتاقلج اشو غلقتي الفون ورحتي ليكون زوجج رجع اني هنا لزمت الموبايل كسرته وجريتها كطعتها تكطع من الكتل بحيث اخر شي وكعت مدمايه ولزمت الغرفه كسرتها عله راسها.هبه اتفاجاءت بلي يصير ولله ممسويه هل شي بس اسمعه يحجي اريد ابرر مااكدر اختنكت بس اون من الوجع
اكرم.فتحت الباب اهلي يحجون ويدعون كتلهم مرتي محد يدخل بيه..رحت بقيت للصبح بلشارع افكر شلون هيج تسوي وساعه اكول مضلومه وساعه اكول لا هيه متحبني ومتريدني بس كلت ولله اله اندمها.هبه كعدت الصبح جسمي يوجعني مااكدر اتحرك يربي شلون ورة شويه رجع اكرم للبيت حاولت احجي وابرر بس ماكدرت مر 21يوم ميحجي وياي لحد ما يوم سوة عزيمه لعمامه كولهم وكالي انتي تهتمين بكلشي يدري بيه جنت تعبانه حيل بس يريدني اشتغل واجتي ضحى تذبلي كلام جنها تعرف بلسالفه...
