أحبك و لكن 😍👑😭

اول يوم تلاقينا

هداك النهار الاول الي شفتو فيه ..😍 كنت واقفة عند باب تاع ليكول مع صحبتي مروة لانتيم نستناوا فالبورتاي يفتح باش ندخلوا نقراو كانت السخانة هداك النهار 😒 الوغ روحنا شرينا لاكريم و قعدنا ناكلوا 😜 .. حتا حسيت بحاجة تتحرك عند رجليا😱 و كي خزرت صبتو كلب صغير صفر و شباب و جا موراه واحد لانووووش دالي عقلي من اول نظرة😍😍  شينوي و شباب جايب روحو شويا مي فالشباب الله يبارك رفدوا و قالي عجبك ؟؟ ،نعطيهولك ؟؟ و أنا مازال متحلبش لعبتها زعما منحلبوش زايرت على وجهى و قوتلوا يكتر خيرك عندي واحد خير منو و أنا صاح مكذبتش عندي كلب كبير و شباب المهم هو ضحك و قالي أيا صاحا و راح و أنا ذوبت من حلاوتو ماشي غير أنا مام لاكريم تاعي ذابت هههههه .. إييه و من بعد صونات و دخلنا نقراو نورمال مخممتش فيه بزاف غير فليل وليت مانرقدش و نقعد نخمم فيه بلا ما نحس بروحي حتا نصيب روحي شاردة فالاحلام ههههه ..
سييت ننساه و ندير روحي ماعلاباليش ڨاع بيه بصح الحب واعر ههههه كلما يفوت عليا عينيا يلصقوا فيه و صحبتي علابالها نحكيلها كلش قاتلي اوموان خليه يعرف اسمك قلتلها كيفاه قاتلي فوتي عليه و أنا نعيطلك من بعيد باش يسمع اسمك و نجحت الخطة و قالي ليندة هههههههه و أنا خلاص لوكان صبت تبلعني الارض في هاديك الدقيقة من الحشمة و ندمت على الي سمعت لكلام مروة بارسكو حسيت روحي حلابة و من هداك النهار بديت نتبدل و بدات عقليتي تخسر ..😱😱😭😭😭 ..
وقتها هو كان معروف في ليكول ڨاع يحكوا عليه بارسكو يضل يدير فالطوايش و يهبل الاساتذة و المراقبين ههههههه مي هو  البوقوص و الراجل فالدراري .. و أنا كنت كلما يبداو يهدروا عليه نبدا نسمع و نسقسي عليه و من هداك الوقت بداو يفيقولي بلي راني تايحة فيه ..
مي مايهمش المهم نعرف عليه .. عرفت برك بلي اسمو #تامر 3> و بلي واحد المراقبة فليكول تكون خالتو ههههه يا ودي كارثة اومباعد هي الي راح تحط جبل تاع مشاكل فوق راسي كي تسمع بيا .. خلاصت الصفحة الاولى ممكن تvوتولي و شوية كومونت باش نكمل مرسي منيش راح نطول عليكم حتى ندير الصفحة الثانية 👑