فاطمه:- انتي شسمج وشكد عمرج وليش قبلتي تجين ويه اهلي
زينب تركت الاكل زعلت من سوْال فاطمه
فاطمه:-شبيج
زينب:-شوفي فاطمه اني نضلمت ماجنت متوقعه بيوم اهلي يتخلون عني ويطوني الناس ماعرفهم ولا يعرفوني اني شنو ذنبي اذا هو عمي الغلط
وهيه تتكلم بجت شأفته فاطمه ونقهرت عليه
قربت يمهه وخلت ايده على ايده
فاطمه :-أسفه مو قصدي اضوجج بس حبيت أتعرف عليج
زينب:-اسمي زينب وعمري 16 جنت ادرس بصف الرابع لحد ماجو اهلج وأخذوني (بجي)
فاطمه:-اسفه كله بسببي (وهيه تتكلم بجت )
زينب:-لا تبجين مو بسببج كله بسبب عمي فاضل (بحزن)
من سمعت فاطمه اسم فاضل اختنكت كلش وكامت تصيح عوفني (بسبب حالته النفسيه) زينب خافت كلش نزلت اصيح الام وسام
زينب:-خاله خاله (بصوت عالي)
سمع وسام صياح زينب اجه يركض
وسام:-شكو شبيج صيحين
زينب:-فاطمه فاط ختنكت وكامت تصرخ(بخوف)
وسام:-شنو (بقلق)
وراح يركض للغرفه شاف فاطمه تصيح (عوفني وخرمني)
وسام:-شبيج فاطمه تسمعيني فاطمه(بقلق)
فاطمه...
وسام تذكر كلام الطبيب كله لازم محد يجيب اسم الشخص التخاف منه ولا تشوفه
وسام:-انتيييي(بصياح)
زينب خافت كلش منه وكامت ترجف
وسام:-شكايلتله احجي (بعصبيه)
زينب:-م ممكلتله شي والله(بخوف)
وسام:-بشنو جنتن تسولفن(بصياح)
زينب:-ءاء سألتني عن اسمي وعمري وليش قبلت اجي وياك م واني
وقاطعه وسام بصياح:-احجي مختصر جبتي طاري الجلب عمج
زينب بخوف:-اء اي
وسام:-الله ياخذج ياحقيره
قرب وسام من زينب وخله ايده على ركبته وضغط على ايده
وسام:-بعد متكعدين يمهه واذا اشوفج واكفه يمهة لو تحجين وياهه ياويلج فتهمتي(بعصبيه)
صار شكل وسام يخوف من العصبيه ومحس على روحه من العصبيه خنك زينب وصارت زركه هو نتبه عليه تغير لونه وكوه تتنفس وخر يده وكعت على الأرض
راح يركض يصيح الامه واجت امه
وسام:-يمه تعال فاطمه رجعتله الحاله(بقلق)
ام وسام:-يمه بتي راح تروح من يدي ربي احفظه. الي يارب(بقلق)
شال وسام فاطمه وخلاهه على جربايه انطوهه مهدء ونامت لتفتت ام وسام وشافت زينب مغمي عليه بالأرض
ام وسام:-هاي شبيه(بغير مبالا)
وسام باوع على زينب مغمي عليه
وسام:- هاي الحقيره هيه سبب حالت فاطمه بـٍْْـٍْـٍْـٍْ؏ـٍْـٍْـٍْـْْد ماخليه شوفه وانتي. يمه انتبهي الفاطمه حنزل اخذه للمخزن
ام وسام:-الحقيره الله ياخذه هيه واهله(بخبث)
شال وسام زينب وحس بيه مجاي. تتنفس نزل خلاها بالمخزن(المخرن غرفه بس بيها هواي غراض ) وخلاها بالأرض قرب اله وخله ايده على خشمه حت يتأكد من تنفسه
يتكلم ويه نفسه"معقوله ماتت لا لا زين ليش تنفسه قليل. اكعده خطيه خاف (وتذكر فاطمه وسبب الي هًۑـه هسه بي )ختولي عساها بالموت"
وتركه بالأرض وطلع
وسام:-يمه اني طالع بليل ارجع ديري بالج على فاطمه
ام وسام:-انشاءالله يمه
طلع وسام من البيت وبقت فاطمه وزينب نايمات بسبب المهن لحد مصارت الساعه 5العصر
ام وسام:-ماما حبيبتي يلا اكعدي اكلي
فاطمه كعدت من نومه وجانت حالته زينه
فاطمه:-ها ماما (بنعاس)
ام وسام:-حبيبتي فطومه اريدج تاكلين كل هاذا الاكل
فاطمه :-وين زينب
ام وسام:-يلا ماما حبيبتي حيبرد الاكل (برود)
فاطمه:-ماشي
اكلت فاطمه وكملت اخذت ام وسام بقايه الاكل والمواعين نزلت خلِّتهم بالمطبخ وراحت للمخزن
ام وسام:-اف شنو هل تراب هي انتي كعدي البيت صاير هوسه يلا كومي نضفي(بخبث)
زينب ....
ام وسام:-هيييي انتي ماتستحين تنامين هل كد انتي هنا خدامه يعني لج وقت تنامين بي يلا كومي يلا(بصياح)
كعدت زينب وبين عليه التعب
زينب:-حاضر كايمه انضف (بتعب)
راحت زينب وأخذت معدات التنضيف وبلشت تنضف بالمطبخ ومرت ساعات وزينب تنضف بالبيت صارت الساعه 8بليل وزينب مماكله شي حست معدته وجعته بسبب الجوع راحت الام وسام تطلب منه اكل
زينب:-خاله اني كملت شغلي (بتعب)
ام وسام:-واني شسويلج (برود)
زينب:-م خاله اني جوعانه عادي اكل (بحزن)
ام وسام:-لا اول شي روحي طبخي للعشه شوربه ونواشف(بتيته وبتنجان)
زينب:-بس خاله اني ماعرف اطبخ
ام وسام:-هاي مو مشكلتي يلا روحي من وجهي(بعصبيه)
راحت زينب للمطبخ ومعده غير خيار وهيه تطبخ
اخذت جدريه (للطبخ) وخلته على الطباخ (جانت تعرف قليل من شغلات بالطبخ)
تتكلم ويه نفسه "هسه شسوي اوف خلي اجيب مي وأخلي العدس والله كريم"
وراحت جابت ميء وعدس خلت ألمي وبعدين
خلت العدس وملح وخلطتهم سوه وبعد شوي خلت القبق على الجدريه
جابت طاوة او تاوة بكيفكم✨😂
خلته على غير نار راحت جابت زيت (للقلي)
خلت منه هواي بالطاوة وراحت تقشر البيتنجان والبتيته حتارت شلون سويهن لين متعرف خلته البتيته على ايده بالطول وهيه دتقشر بيه. قشرت وياها ايده😳😂 ونجرحت تتكلم ويه نفسه"اخخخ اخ ياربي ياربي ساعدني فدوه آآُنـٌٌـي ڵــيْٰـش اجًٌـٌـٍيت هنا ليش ربي ". وهيه تتكلم ويه نفسه كامت تبجي بسبب الالم وبسبب جيته البيت ابو وسام راحت لفت ايده بقطعه قماش ورجعت حت تكمل شغله قشرت وكملت بَـس جان شكل البيتنجان والبتيته غريب راحت تخليهم بالزيت الحار كلش خلت قطعه من البتيته وخلت الثانيه تركتهم على نار وراحت سوي زلاطه او(سلاطه) بكيفكم
سوت الخيار والطماطه والبصل وخلت الطرشي شوي وشتمت ريحت حرك😶 شافت الطاوة لكته كابه بالدخان راحت للطباخ تركض جابت خاشوكه وماعون وحاولت طلع البتيته المحروكه بس مكدرت حاولت ثاني مره وهيه دطلع بيها طفر على ايده زيت حار وكعت الماعون ونكسر
سمعت ام وسام صوت الماعون المكسور واجت للمطبخ من دخلت نصدمت بالفوضه الي مسويته زينب جان المطبخ كله هوسه ودخان
ام وسام بصدمه:-هاي شكو
زينب:-خاله فدوه ساعدني ايدي ايدي(تتكلم وتبجي)
ام وسام:-اني سالتج على مطبخ ليش مسويه بي هــُيُـج احجي(بعصبيه)
زينب...بدون رد وتبجي
قربت ام وسام الزينب ولزمته من شعره ومشت جر بيه من شعره.
زينب تحاول تؤخر ايده بس مكدرت
زينب:-شبيج خاله اخخ اخ شعري عًوفيني عًوفيني (تتكلم وتبجي)
ام وسام بقت تجر بيه لحد موصلت للمخزن دخلت زينب للمخزن ودفعته وكعت زينب على كومه مالت غراض متربه تأذت بسبب الدفعه
ام وسام:-انتي وحده غبيه وكلشي متعرفين ابقي اهنأ لا اكل ولا شرب عقاب الج يا حيوانه (بعصبيه)
طلعت وقفلت باب المخزن وزينب جوه
زينب تألمت كلش أيديه وحده نجرت وحده حتركت والدفعه آذت خاصرته (صفحته)ورجله بقت زينب تبجي وتتألم لحد ما غفت على ارض ونامت
بعد ساعه نزلت فاطمه دور على زينب
فاطمه:-زينب. زينب وينج
وهيه صيح باسم زينب اجه وسام ستغرب يتكلم ويه نفسه"منو هاي زينب شبيه فاطمه معقوله كل هاي سبب حالته النفسيه "
مجان يعرف الفصليه الاخذوها اسمه زينب
وسام:-شبيج حبيبتي منو هاي زينب
فاطمه:-زينب متعرفه (بستغراب)
وسام:-لا منو هاي؟
فاطمه:-البنيه الجبتوه قبل 3 ايام
.......................
خلص البارت😳💔
@to_ik3 👉🏻😉
#ذوقايه
