فتحت عيوني اول شي اباوع عمي ومصطفى يتعاركون بس ماكدرت كبل غفيت ..
مصطفى: بويه اني كتلك ماريده وانتو غصبتوني عليهه ماحبه ولا رح ادنالهه ولا اعتبرهه مرتي
ابو مصطفى: تحترم روحك وتعوف سوالف المراهقه احسنلك لا بشرفي خلاصك ع ايدي
مصطفى: اطلكه والله كلهه شكم شهر واطلكه
ابو مصطفى : ع جثتي واذا حاول تطلكهه اتبره منك ولا اني ابوك ولا انت ابني
اني ختنكت من حجيه امي تهدي بيه وتحاجيني
ام مصطفى: كافي ابو مصطفى مو زين عليك مصطفى كافي يمه فدوه لخاطري
ابو مصطفى: ابنج هذا دللتي هواي وشوفي نهايه دلالج اله يرفع صوته ع ابوه
مصطفى: والله اني مو لعبه بيدكم بكيفكم تزوجوني
كبل ابويه ضربني راشدي وباوع عليه بعصبيه
ابو مصطفى: هلمسكينه شنو ذنبهه يعني لو ميته بيدك اني شكل لابوهه ابوهه شيسوي بيك لو يدري هيج سويت بيهه والله يشنقك اسمع مصطفى رح احذرك وهذا اخر تحذير ساره تتركه واذا ما تركتهه لا ترجع للبيت ماعدنه مكان الك واعتبرني مو ابوك
اني ضجت من حجيه يزوجوني بكيفهم اني شنووو لعبه بيدهم باوعت ع سوسن يمه اختي وتمسح دم براسهه وضربت الباب وطلعت ..
---
جهازي احترك من الاتصالات مره امي ومره ساره ومره اختي
تعبت غلقت الجهاز ووكفت السياره وضليت صافن مرو من يمي عائله وطفلهم بينهم يمشي ولازم بيد امه ضليت اباوع عليهم ابتسمت بس بعدين اذكرت سوسن اخذت نفس كلت خلاص الله كاتبلي سوسن شلون الذنب مرح اكدر اتخلص منهه فتحت جهازي
اتصلت بأمي خابرتهه حته اطمئنهه كتله شويه وارجع للبيت خابرت ساره
---
ساره: الو ها حبيبي بشر شصار
مصطفى: ساره اني احبج وماكدر اعوفج وماكدر اطلك سوسن مو بيدي الشغله اذا تحبيني تبقين وياي لحد ما الكه حل الهاي المشكله
ساره: بس حبيبي
مصطفى: فدوه ساره كافي دايخ كلش ومتعارك وي اهلي وكلشي ماحصلت منهم غير التهديد واني ع مود امي راجع للبيت الي اريده منج تبقين وياي واوعدج خلي سوسن مرتي بس عمري مرح اتقربلهه
ساره: يعني شنو مصطفى نبقى هيج وضعنا
مصطفى: لا رح اتزوجج بس بدون علم احد ومن نكمل اروح اواجه ابويه واجيبج للبيت تعيشين وياي
ساره: وسوسن
مصطفى: خليهه اعتبريهه خدامتج اي شي هسه اني مدري شجاني ورحتله كبل متدرين شسويت بيهه هلمسكينه عفته وراسهه ينزف
ساره: شنو شصار
حجيتلهه كل القصه وساره وافقت نزوج بالسر ووعدتني متحجي لاحد الحد ما اني انطيهه الاذن .
---
رجعت للبيت شفت سوسن نايمه بفراشي ويمه اختي كتله ابقي يمهه رح انام بغرفتج ..
سوسن: كعدت الصبح باوعت منا ومنا نايمه يمي زهراء باوعت ع ساعه ب ٧ ردت ارفع راسي عبالك بداخل راسي حجاره وماكدر ارفعه كعدت زهراء
سوسن: زهراء كومي عندج دوام
زهراء: ماريد ابقه يمج اليوم مصطفى كلي
سوسن: مابيه شي صرت زينه يلا كومي
زهراء: ومنو يبقه يمج
سوسن: اني رح اكوم اسويلج ريوك بس واحسب ربع ساعه واذا مالكيتج اكل لابوج عليج
زهراء : يلا كمت كمت تعرفين نقطه ضعفي 😐
نزلت لكيت مرت عمي وعمي يتناقشون ومن دخلت سكتو
سوسن: صباح الخير
عمي: صباح نور بنتي ومدنك راسه مستحي من لي سواه ابنه بيهه
مرت عمي: صباح نور يمه شلونج اليوم
سوسن: زينه خاله زهراء عده امتحان اليوم اريد اسويله ريوك متعودين اني وياهه نتريك سويه
مرت عمي: هههه ماشي يمه يلا اني رح اتريك وي عمج اخذي راحتج
اني اسوي الريوك واسمع عمي يحجي بصوت ناصي لمرت عمي ابنج هذا بعد لهسه مكاعد روحي كعدي
سويت نفسي ما سمعت وعفتهم يتناقشون وصعدت الاكل فوك صعدت وصادف بوجهي مصطفى كلي
مصطفى: صباح الخير وراسه منزله لجوه عرفت هوه خجلان من السواه بيه بس ماعرفت ليش سوه هيج
سوسن: صباح النور
كملت طريقي ولزمني من ايدي
مصطفى: اوكفي ليش مستعجله شلونج ؟؟ بعده راسج يأذيج
سوسن: زينه لا راح الوجع يلا محتاج شي ؟
مصطفى : امممم اسف
سوسن: عادي
مصطفى: ح تسويلي اكل ؟
سوسن: موجوده خاله جوه سوتلك اكل
مصطفى: سوسن فدوه متعارك وي ابويه وماريد اشوفه جيبلياه وحطي بغرفه زهراء ولو رح اتعبج بس عندي شغل ومتأخر بالكعده
سوسن: ان شاء الله
مصطفى : اوكفي بعدج زعلانه. مني ؟ اسف والله اول مره امد ايدي ع بنيه واخر مره اعذريني سوسن تنكص ايدي بعد اذا مديت ايدي عليج
سوسن: ماشي يلا زهراء عدهه دوام اتاخرت عليهه
اتريكنا اني وزهراء كتله
سوسن: اخوج اعتذرلي
زهراء: صدك والله
سوسن: اي والله اني احاجي من وره خشمي ولا نوبه يتبله عليه يريد اجيبله ريوك خلي اجيبله واكملج السالفه ما اتاخر
رحت لكيته بالحمام همزين حطيت الاكل ورجعت للغرفه
زهراء: ها اي كملي
سوسن: ي شكمل سامحته بس من وره خشمي اكلج انتي مو عندج دوام كومي يلا بعدين نحجي
زهراء : اوف منج يلا بس اول ما ارجع تحجيلي كلشي
سوسن: ماشي
---
جاي انزل صاحني مصطفى
مصطفى: اوكفي سوسن اخذي هذني وياج
سوسن: حجيت بصوت ناصي هيه كل هذا لسويته وتتامر عليه خرب امري لله
مصطفى. : شنو
سوسن: لا هيج حطه هنا
---
نزلت وبديت انظف وي مرت عمي وكملنه ورحت سبحت وطلعت لهذاك الوكت رجعت زهراء من دوام بس مصطفى تأخر
ضلينه نسولف وهيه حجتلي ع ساره حبيبته واني خربت عليهم شويه وصل مسج لزهراء من مصطفى
مصطفى: زهراء اني اليوم رح ابات يم صديقي بلغي امي
زهراء: هذا اليوم يبات بره
سوسن: احسن خلي نرتاح منه شويه
---
مصطفى: رحت اني وساره زوجنه بالسر وكملنه وضليت يمهه اليوم كله جان احلا يوم بحياتي تحس مسويلك شغله جبيره بس بقيت شايل هم ابويه شون وصحتك وشون ح يتقبل ساره
ساره: مبروك النا حبيبي واخيرا
مصطفى: الله يبارك بيج
ساره: شبيك مصطفى شو صافن
مصطفى: هيج هيج
-----
رجعت للبيت باليوم ثاني ومرحت لدوام شفت غرفتي محجوزه زهراء وسوسن رحت نمت بغرفه اختي وكعدت ع صوت امي
ام مصطفى: يمه اصبلك الغده تريد تتغده
مصطفى: ها يمه بيش ساعه هسه اي جوعان كلش ياريت
ام مصطفى: هسه ابلغ مرتك تصبلك الغده
مصطفى: يمه ليش مو انتي ليش هيه
ام مصطفى: يمه هاي مرتك وهيه لحد هسه ممتغديه تغدو سوه اريد مره اشوفكم تتغدون سوه
بست ايد امي صار حجيه تأمرين هسه اسبح ونتغده اني وياهه
ضحكت وطلعت بمعنى هيه راضيه عليه
اجت جابت الغده كتله لا بغرفتي خلي وتعالي نتغده سوه كلتلي متريد وهم نفس الحجي مجوعانه كتله حتلو بس اسمج تكعدين تتغدين حتلو متاكلين كعدنه نتغده ودخلت زهراء
زهراء: تتغدون واني ميته جوع ليش هيج ليش
سوسن : هسه اسويلج غده
لزمني من ايدي واشر لاخته براسه يعني روحي
هيه كبل خافت وراحت
سوسن: شكو
مصطفى : خليه تاكل وحدهه مو كليوم وياج اني شنو مثلا اكل وحدي ماعندي مره
سوسن: ماشي
تموتني ببروده هذا ، رن جهازي وكمت حجيت وي ساره وسولفنه ومن رجعت لكيته شايله الاكل ومرتب الفراش اني كبل رحت نمت
---
زهراء: سوسن طلع واحد نذل وهيه تبجي
سوسن: خيولي اني حسيته هيج خيولي اهتمي لدراستج واني وياج واذا دزلج رساله لتحاجينه ولتردين عليه حضري من كل حساباتج
زهراء: حقير نذل واني الغبيه عبالي يحبني ومصدكه يالله
سكتته وخليتهه ترتاح نامت وعفتهه
---
رجعت للغرفه ونمت شفته نايمه بعد احسن نمت درت وجهي وتغطيت هوه كبل حظني وضل مدري شيحجي وهوه نايم ماكدرت افلت من اديه ونمت
---
مصطفى: كعدت الصبح سوسن بين اديه باوعت ردت اكوم بس النومه تخبل الغرفه بارده والشمس بعدهه مطالعه وهيه تخبل جنه ملاك حظنتهه اكثر ورجعت نمت
---
دك المنبه مالتي وكعدت باوعت هاي وينهه قبل شويه جانت بين اديه باوعت منا منا ماكو دخلت للحمام ماكو كمت لغرفه اختي شفته يمهه يسولفن وتراجع لاختي
رحت بدلت وكبل للشغل دزيت رساله لاختي بلغته ح تأخر اليوم بالرجعه كتله خلي سوسن تسويلي عشا من ارجع
---
رجعت بليل بس اتاخرت يم ساره شفته حاطه راسه ع طاوله ونايمه ويمهه العشه نقهرت عليه خليتهه تنتظرني شلتهه واخذتهه للغرفه وبدلت ملابسي وححظنتهه ونمت
---
مرت الايام واني وساره علاقتنه زينه وعلاقتي وي سوسن هم زينه واهلي هم بس جاي اتغير ع ساره بسبب سوسن ساره ما تهتم بيه مثل سوسن ساره تزعل ع اتفه سالفه وتطردني تخليني انام وحدي وتهملني اني بس سوي هيج اتركه وارجع للبيت واروح لسوسن الكاه محضرتلي الحمام والغده والغرفه مرتبه وتخبل وبارده اكعد اقارن ساره ب سوسن والله سوسن تكسر ع ساره بأهتمامهه بديت احب سوسن واهمل ساره اتحجج بأهلي عليه وشغل
---
دخلت للبيت
سوسن: شعجب جاي من وكت
مصطفى: جوعان كلش حضريلي الاكل رايح اسبح خوش
سوسن: ماشي
حضرتله الاكل اجه اكل وماقبل ياكل الا اكل اكلت بعد وضل يسولف وياي
مصطفى: ليش بطلتي
سوسن: احسن ماحب الدراسه كلش
مصطفى: اشوف درجات اختي صارن زينات وانتي سبب
سوسن: اي بس مو توصل اني ادرس اضل اسخت وماانجح وحجيتله شون جانت فاطمه وصديقاتي يساعدني
مصطفى: واني عبالي البنات فقريات يمه طلعت تخوفن 😉
سوسن: هههههه
مصطفى: فدوه اروح لليضحك اول مره اشوفج ضحكين
سوسن:سكتت باوع ع اديه ولزمهن
مصطفى: امممم سوسن انتي مرتاحه وياي ؟ الله عليج احجي صدك
سوسن: لا والله انت واهلك كلش ممقصرين وياي
مصطفى: زين يلا اني نعست امشي ننام
سوسن : اي هسه بس خلي احاجي زهراء
مصطفى: ولج عوفيهه امشي يلا لزمتهه من ايده
واخذتهه للغرفه بدلت ملابسي وحطيت راسي ع مخده وغفيت
شويه وفتحت عيوني مالكيت سوسن يمي دورت عليه بالغرفه مالكيتهه
رحت لغرفه اختي وسمعته تحجي وي واحد تكله
سوسن: كافي تتصل احذرك
كبل دخلت عليهه وهيه صفنت وسدت جهاز والاتصال كتله ويامن تحجين سوسن ؟؟؟؟ بعصبيهه
سوسن: ااااا م م محد والله هذا اخويه صغير متعاركه وياه
مصطفى: اطيني موبايلج خلي اشوفه سحبته من ايده واتصلت طلع صوت ولد غريب
؟؟: الووو
مصطفى: منو انت
هوه من سمعت صوتي كبل انسحب وسداه لزمته من شعرهه وسحلتهه لغرفتي
مصطفى: تخونيني مووو
سوسن: لا والله مصطفى والله مخاينتك
---
يتبع
