عشق والم

2

#عشق_والم
#الجزء2
بقلمي همسات الليل( ام ايه)

بقيت ساكته فتره وكلي شنو افهم من سكوتج رضا لو رفض..
واخيراا تجرأت وحجيت..كتله اني بصراحه جنت شايله هالافكار من راسي وحاطه كل تفكيري بالدراسه..يعني الي افهمه منج متريديني..
اسمحلي اكمل طريقه كلامك ودخولك الي من الباب وحرصك عليه غير فكرتي بهالموضوع..
الي اكدر اكوله انت انسان رائع بس يبقى رأي من رأي اهلي..واني تسمحلي افوت تصبح على خير..
انسانه واعيه واسلوبها وكلامها خلاني تمسكت اكثر بيها..
صار وكت النوم طبعا انام اني والحجيه بصاله بيت خالتي..حجيت ويه امي وكلتلها يوم اسيل بنت خالتي رايدها على سنه الله ورسوله شتكولين..فرحت امي وكالت هذا يوم المنى وباجر من نكعد احجي ويه خالتك ويصير خير ان شاءالله...
ثاني يوم فتحت امي الموضوع ويه خالتي وفرحت خالتي تعرفون بعد الخوات يتمنن كل القسم تصير بس بيناتهن...
خالتي حجت ويه عمي ابو حسن وكان موافق وكاللها نعم الولد ونعم الاصل...
المهم حجيت ويه عمي وتعذرت من جيت الوالد وفظت بيناتنا بحكم القرابه وقرينا الفاتحه واتفقنا بالعطله نكطع مهر ومن تكمل السادس نزوج..واستأذنت من عمي البسها حلقه قبل لا اروح وعمي كان موافق...
رجع ليث لكركوك وبديت احس تجاها مشاعر واحاسيس وبديت اشتاقله..وره يومين من روحتهم اني بغرفتي ساعه10 داقره ودك تلفوني كالعاده جان على الفرن صاحتني امي اسوله تلفونج ديدك اي ماماتي جيت..
اتفاجئت رقم غريب ..واني محد يدك عليه بس بابا وماما وحسوني ونور صديقتي عفته مرديت ..وراها دك وتكرر 3 مرات واني ماجاوب...
اجتني رساله...
يسعد مساء لؤلوتي النادره..جاوبيني اني ليث..
كلبي رجف وفرحت لان بديت اشتاقله...
دك من جديد وجاوبت
..الو..نعم...شلونج اسوله ..بخير الحمدلله
شدعوه يابه متجاوبين بس عفيه عليج عجبتيني بعد اكثر واكثر لؤلوتي..همست شكراا
ليث ماما نطتك الرقم؟لا اني دكيت على رقمي من تلفونج المشمور 24 ساعه بالمطبخ وخزنته..حركه مال مراهقين هسه تكولين عليه..
ضحكت بهدوؤ...تدرين كاتب على اسمج لؤلؤتي..
وانتي شنو راح تخزنين رقمي بيا اسم ..
سكتت وكتله (ليث )واني بداخلي كلت اخزنه (عشقي الى الابد)...
سولفنه نص ساعه تقريبا وكلي روحي كملي دروسج ماريد اشغلج...
ويوميه راح اتصل بيج هيج وقت ...
نهينا الاتصال وهو يودعني بشوق واني ابيع ثكل هههه...
رحت حجيت ويه ماما وكتلها ماما ليث اتصل بيا خوما تضوجين..جاوبتني لا ماما ابن خالتج (ام آيه)وخطيبج بس لتلحون وياثر على دراستج..كلتلها لا اتفقنا نص ساعه باليوم علمود قرايتي...
وكام يوميه يتصل وبده حبه يكبر بكلبي واعترفلي بحبه واني اكابر .. وبعده يسالني شنو مسميتني بتلفونج واني بعدني مصره واكوله( ليث) واضوجه..
كلي اني محضرلج مفاجئه بعدين..
وره شهر اجويه ليث وخاله وعمو...كملنا النيشان والذهب واتفقنا الشهر الجاي نكطع مهر ونسوي حفله بيناتنا..
بقوا 3 ايام تونسنه وطلعنه كلنا سوه ومره كاعدين بمطعم ويه الاهل واني بصفه وسألني شنو كاتبتني بتلفونج كتله بروود (ليث)  ... اهووو كلي شوفيني صور سفرتكم المدرسيه الي رحتي بيها ذاك الاسبوع
دنكلب بالصور..وهو بها الاثناء حط تلفونه جو الميز ودك عليه وقره الاسم مكتوب (عشقي الى الابد) طبعااا اني خجلت وفشلت وهو ضحك ضحكه وانتبه على نفسه وخجل وسكت..وفرح حيل
كلي ادري بيج تموتين عليه بس تريدين تشلعين كلبي ..
حجه ويا بابا واترخص منه  وكله عمو راح نروح اني واسيل داشتريلها شغله ونرجع ..وافق بابا
طلعنه ورحنا بالسياره وكام يغازلني حسيت روحي ذابت واتمنيت احضنه وماعوفه

نزلنه لا ابو الذهب وكله اريد تسويلي مداليه وزنجيل مكتوب بيها (عشقي الى الابد) ناعمه ومرصعه بزاركون ...وهذا العربون والاستلام تستلمه صاحبه الزنجيل ..كلي ابو المحل مريلي بعد اسبوع تلكين طلبج جاهز اختي..
طلعت من الصايغ وكلش فرحانه مع العلم جانت قيمتها لاشي يم الذهب الي اشتروليا الي جان بحدود 8 ملايين ..والهديه جانت 650 الف..
حبيته بجنون وزاد حبه بكلبي وكبر يوم بعد يوم..
ثاني يوم سافروا وكلش انقهرت حسيت روحي راحت ويااا ومقبوضه كلش..
اتعوذت من الشيطان وخابرته وره ساعتين كال احنه بالاستراحه دنغسل ونشرب جاي ونطلع حبيبتي...
وره ساعتين اتصلت بي جهازه مغلق واتصلت بخالتي هم مغلق راسا نغزني كلبي ..
تغدينا وصعدت لغرفتي توني اريد افتح كتابي وسمعت عيطت ماما يبوووو..