Chapter 38
#Maya
انا ببص لآيه بصدمه .. مش عارفه اقولها ايه؟
حسين بيبص عالدولاب
رمضان بعصبيه : مهو اكيد ممشيش و سبها يوم الفرح!!! غير الاوضة مثلا عمل مقلب يستحيل يكون سبها يوم الفرح .. هو مش لعب عيال يا حسين .. مش لعب عيال
حسين : روحوا انتو اوضة آيه و انا هسأل عليه فالريسبشن
رحنا على اوضه آية و لسه محدش يعرف من الباقى و آية ساكته
انا : آية
آية ؛ مايا مش عايزة اتكلم.. اما نشوف الاول و نتأكد
.
.
شوية و كان حسين طلع و باصص لآية بحزن
حسين بزعل : هانى عمل check-out لما رجع!
لقينا آية ضحكت مره واحدة
آية : مريم .. هى مريم خليته يسيبنى
#Aya
ببص عليهم كلهم و انا عمالة اضحك هو مش المفروض انى اضحك؟
لقيت البنات كلها داخلين الاوضه و عمالين يصقفوا و يرقصوا
ندى : قلتلها ايه يا حسين بيضحكها اوى كده!!
بصتلهم و وقفت ضحك فجأة و حسيت بدموع فى عينى
انا : هانى مشى
نور ؛ مشى ازاى يعنى؟
انا : هانى رجع مصر!! هانى سبنى يوم الفرح
ياسمين : هو بيستعبطط!! ولا متخلف ولا ايه نظامه ده! فاكره لعب ولا ايه
انا : مضايقه ليه يا ياسمين انا مش مضايقة ياستى هو انا اول عروسه فرحها ميكملش؟
بصيتلها و قمت من وسطيهم خرجت بره الاوضه و فضلت اتمشى فالفندق
هانى سابنى .. و خد معاه كل حاجه بتاعتى! خد روحى معاه حاسه انى اتجننت او هيحصلى حاجة لو فضلت افكر كمان ثانيه
لقيت حد مسكنى من كتفى بلف لقيته حسين
حسين : آية .. عايزك تعرفى اننا جمبك و شوفى عايزة تعملى ايه و احنا كلنا هنعمله بس فى مشكله المعازيم يعتبروا وصلوا ! هتعملى ايه دول مش جايين قاعة دول جايين بلد تانيه عشانكم
انا ببرود : هعتزرلهم و امشى! ولا اقلك امشى على طول! اتعلم شويه من صاحبك عدم المواهجة
حسين مسك كتفى و لفنى عشان ابصله
حسين : آية انتى كويسه؟؟
انا : زى الفل
و مشيت و سبته .. رجعت عالاوضة لقيت نور و ملك اللة قاعدين فيها و انا دخلت كأنهم مش موجودين اصلا
لميت حاجتى فى شنطة
ملك : هتسافرى؟
انا : و اية إللى يقعدنى! انا المعازيم تيجى و هعتذرلهم و هرجع مصر .. و ياريت محدش يرجع معايا انا تمام لوحدى كملوا هنا انتوا
أنت تقرأ
تشابه
Fanfictionبنهرب من مكان لمكان.. ونوصل لسكه مسدوده ويقتلنا الحنين لزمان.. وناس مبقتش موجودة .. وجايز كل ده خير💙
