#شروكي_وافتحر
الجزء14
توجهنا للبوابه
الو حيدوري حبيبي تعال تره سياره اخو فيروز لحد هسه مجايين
حيدر- شنووو ولك قبل 4ساعات جينا وين صارو
حمزه- والله مااعرف بس ربك يستر تعال شوف حاله فراس واكف يم البوابه يبجي روح حيدر روح اجاني اتصال من المركز الله وياك
الو شنووو لااله الا الله اي جايين
فراس- شكو حمزه لا لتكولها دخيلك حمززززه
حمزه-قوي كلبك حبيبي حضنته ابجي وكع بالكع شلته خليته بالسياره وديته لبيتي يم احته اذا وديته لامه هسه تموت اجاني حيدر ورحنا للطب العدلي
كال الضابط انه سياره نفس الرقم النطيناهم
طاك واحد من تايراتها ودايس عليها لوري جان ماشي سريع بالطريق الخارجي ولا واحد عايش رحنا نتاكد بلكن مو هم بس اكيد همه قابل صعدو غير سياره
حيدر- حمزه مااكدر افوت مااتحمل المنضر
حمزه- ماشيً خويه اني افوت فتت وخرو الغطا مع الاسف هم كلهم 6نفرات امير الطفل منتهي
طلعت لحيدر ابجي ولك حيدوري شكول لفراس ابنك ماباقيله اثثثثر كمت اصيح مثل المخبل حيدوري فراس حيروح من ادينا
حيدر- لا اله الا الله ربي لا نسالك رد القضاء لكن نسالك اللطف به رحنا للبيت مال عمي وكلنالهم كلشي صديف فراس وحمزه توجهو لبيت حمزه ضرب ابره هو ونايم مهداه لا زم يهدا وامه هم كذلك
حمزه- بليل كاعد يم فراس اقره قران رونق دخلت للغرفه انهارت بس تبجي حس فراس حيدر فز من مكانه وره شوي جوي الولد اسعد ومحمود وي فزت فراس
فراس- حمزه شنو الصار ساعه ب2 احجي احجي باوعتله ابجي شفته منصي راسه
حمزه- اذكر الله فروسي بجيت متحملت
فراسس-لاااااا لتكولها ولك جبتها بشلعان الكلللب ولك انت ويايه وتعرف شون انلمت واخذتها وامير ابني وييييييين ولكم لتبجون احجو
حمزه- التمو عليه الولد كام يلطم مثل النسوان لزمو اللي يكوله هذا امر الله واللي يموله هذا طير بالجنه واللي يبجي لبجاه
----
للاسف موقف متكدر تسوي شي لعزيز كلبك غير الدعاء وتتفرج عليه كلبه يذوب
مها- جنت اسمع بجاه وصياحه وافرفح عالسجاده ربي دخيلك برد كلبه ربي دخيلك هونها عليه انت اخذتهم يمك بس نسي الولد حيلحكهم
رونق- فتت للغرفه ابجي والطم واسمع ابن ابويه يموت مااكدر اطلع اشوفه اووف يابعد كلبي شون كون بيه ولا بيهم ولاينمرد كلبك عليهم
حمزه- كملت الفاتحه اخر يوم فراس جان بس ساكت ومنصي هذا فراس الميسكت الولد التمو عليه سولفو وياه سوالف عن الصبر محمود واعي ويفتهم واصل بالدراسه الحوزويه بس ممتوضف حاله حال الخريجين كعد يفهمه عن صبر رفع نضره يباوعله وعيونه غركانه دمع
محمود- تذكر مصيبه زينب الكبرى كدامها ولدها واولاد اخوها واخوتها اباوعله عينه مدمعه ويباوعلي
حبيبي وروح امي الله دياجرك على كل دمعه دتنزل من عينك والله يبتلي المومن وتدري هسه عليمن دتبجي دتبجي على روحك
فراس- ليش يعني
محمود- حبيبي هم باحسن مكان بالجنه ويم ارجم الراحمين بس انت تبجي على فراكك الهم حتشتاقلهم اني فاقد اخ واب قبل فتره بسيطه
لو تدري اخذو من عمري بس من فكرت هم مرتاحين ارتاحيت وعلى الاشتياق يجي يوم واشوفهم
فراس- صح حجيك باوعتله وعيوني غركانه دمع شون كدرت على فراك اهلك
محمود- نصيت تذكرت اخويه جان يشبه حمزاوي باوعت لحمزه
حمزه- اني اكثر واحد شفته شصار بي دمعت عيني من باوعلي ادري بي جان من يشتاقله يجيني للبيت يكولي مشتاق لاخويه اريد اشوفك تقرب محمود يمي بجى بحضني وطلع من البيت
فراس- باوعت لحمزه الجي شبي ليش حضنك
حمزه- محمد اخو جان نسخه مني ومن يشتاقله يجي يشوفني لان ماعده كبر راح بالانفجار اي شي مبقه منه
فراس- اويلي يابه اويليييي ربي لا نسالك رد القضاء لكن نسالك اللطف به كمت اصيح فاقد وحمزه يبجي لبجايه وحيدر واكف ويقره على راسي
حمزه- كوم فروسي حتىكع صار 3ايام مماكل شي
فراس- حمزه عوفني
حمزه- ماعوفك وين رايح ويييين يمعود جريته من ايده ماخليك تطلع بالسياره
فراس- اي شسوي كلبي ديفرفح اريد اشوفهم
حمزه- دتعال اكل لكمه وهسه نطلع للنجف والقران زورهم ومناك ازورك الامير بس هو يبرد كلبك امشي وياي
فراس- اي اخذني اكلت وطلعت وياه للمجف وكعت على كبرهم وحسيت روحي دتطلع ساعه ابجي واشهك انداريت ماكيت حمزه لكيته شوي ابعد واكف يم كبر هم يبجي كملت شوي احس روحي بردت رحت يمه لكيته واكف يم كبر امه وابو
تعيش وتتذكر حبيبي
حمزه- الله ينطيك الصبر يوم هذا اخويه الماجبتيليا يابه تتذكر من جنت تكولي نوبات تنطيك الايام اخ وصديق ودنيا حجايتك بمكانها الحمد لله الله نطاني هالاخ فراس انت اذا صار بيك شي اموت والله
فراس- انترهم اخويه ومشفت احد يخلف عليه بكدك اخذني للامير وهناك خليت قهري يمه بجيت بجي مجنت متوقع بحياتي راح ابجي
حمزه- واكف يمه
اجه السيد سال
شبي الولد هلكد بجه
عمي فاقد زوجته وابنه بحادث قبل يومين
السيد- لاحول ولاقوه الا بالله تعال وليدي تعال اويلي عالشباب
حمزه- اخذه ليجوه بسرداب الامير وخلاه براحته يبجي ارتاحيت كلش واحسه ارتاح وبقه يحاجي عن صبر الانبياء والائمه اشوف فروسي ارتاح ضل السيد يقره على راسه لحد مطلعنا باسه وطلع
---
ممنونين سيدنا بميزان اعمالك انشاء الله
وصلنا لبغداد فراس خانس
حمزه- اذبك بيت ابوك
فراس- لا لبيتي
حمزه- حبيبي متكدر تفوته صعبه
فراس- لا اكدر
حمزه- بس خل افوت للحمام نزلت من السياره بمطعم من المطاعم على طريق النجف- بغداد
اتصلت برونق حبيبي روحي لبيت فراس لتبقين اي شغله تخص مرته او ابنه يريد يبات هناك اذا شافه يتخبل تره
رونق- اي حبيبي خوش ركضت لبيتهم وكلبته كلب بس خليت قطعه وحده خاف ميتحمل ويريد ريحتهم الم وابجي عزيزه فيروز عليه مها جتي ويايه تبجي بحركه يمكن اكثر مني طلعت من الييت ورجعت لبيتي
حمزه- وصلته للبيت وفتت ويا
فراس- ليش هيج حمزه وين غراضهم كعدت عالقريوله خليت كفوف ايدي غطيت وجهي
حمزه- موزين عليك شي ثاني تبرعنا بيهم
فراس- دمعت عيني والله مرايد شي بس اشم ويحتهم وانام
حمزه- ماشي
الو ها عيني جيبي قطعه وحده ها خوش
فتحت الجرار هاك
فراش- ملابس امير وحجاب فيروز شميت عطرهم وصحت بعلو صوتي ربيييييي دخيلك رجعهم
حمزه- استغفر ربك بجيت من كالها
فراس- حمزه اريد انام عوفني
حمزه- نام حنام هنا بالكع مالك دخل بيه ماعوفك
فراس- كيفك حضنت هدومهم ونمت جنت 3ايام منايم
مها- معفت السجاده والدعاء اله بالصبر
حمزه- نمت بسرعه جنت تعبان احتاجيت رونق بحضني الله يعينك فراس ربي احفضها الي ولتخليني بمكان فراس يارب
كعدنا الصبح الحمد لله جان احسن
صباح الصبر
حبيبي حمزه صباح الخير حلمت بيهم البارحه
حمزه- بسته من راسه الله لا يحرمني عيونك الحلوه شنو حلمت
فراس- حلمت فتحو باب حديقه وجانو يبتسمون بس عبالك اموري كبران وديمشي كلولي بيباي وفاتو بس الحديقه هواها يخبل اني مكدرت افوت ابو الحديقه الواكف كلي بعدين تفوت انت بعد وكتك
حمزه- عمرك طويل انشاء الله يله امشي نروح يم رونق نتريك
فراس- اي خوش رحنا تريكنا جنت مااحب احجي عايش بخيالي وياهم
مها- اباوعله من بعيد ياكل وباله مو يمنا مطلعت ولا خليته يشوفني جابتلي رونق لفتي وكعدت اكل بغرفتي كالعاده
رونق - حبيبي اني رايحه بيت ابويه
حمزه- ليش
رونق- امي تعبان وبلقيس مدري شبيها بس تتخربط بالي يمها
حمزه- هسه اوديج واجي عليج بليل باوعتلها بتوسل تقربت منها شاورتها حبيبي والله صار 4ايام منايم زين مشتاق لعطرج وحضنج
رونق- اي ماشي الله ليحرمني منك تعال عليه بليل
رحت لاهلي ومن شفت بلقيس تخبلت ايام الفاتحه كلها مجتي وجوه عينها اسود ومن يم شفافها دم
ولج شبيج شو شكلج كلش تعبانه
باقيس- اني ماريده بعد عفيه قنعيهم كام يوميه يضربني الله يخليج حاجيهم
رونق- شفت اختي الصغيره تبجي وتتوسل تخبلت حضنتها تنكسر ايده ليش يضربج
بلقيس- يكولي تخونيني ومتحبلين فد حجي يخزي شكول دااكول ومن اكوم ابجي يضربني مثل المخبل المن احجي امي مريضه وابويه باعي حالته وفراس اخويه سندي حال الضيم حالته
رونق- هسه احاجي رند
رند تعاي
شكو
هذا ابن عمج لو يكعد راحه لو موته على ايدي
رند- لج بلقيس شبيج شمسوي بيج هذا النكس
بلقيس- تردون
