عشق المغرور

«البارت الاول »

البارت الاول :
تلك التي تنام بأغماء علي فراشها الذي يتميز باللون الزهرى وخصلات شعرها الغزير تغطي وجهها بالكامل نسيم من الهواء النقي داعب خصلاتها البنيه ليظهر وجهها الذي يشع احمرار أثر النوم وثغرها الوردي ثوان ويرن هاتفها معلن موعد استيقاظها تغلق بعيون نصف مفتوحه ومن ثم تفتح عينها لتظهر خرزتيها بلون الزمرد " ملك "
تدلف والدتها لغرفتها امنيه : يلا يا ملك عشان تفطرى
ملك بأبتسامه : حاضر يا ماما هاخد شاور وأجي
أنهت ملك الشاور الخاص بها وأرتدت الملابس التي جهزتها لأول يوم في الجامعه كانت ترتدي بلوزه بيضاء بأكمام قصيره وبنطلون جينز أزرق وحذاء رياضي ابيض وحقيبه بلون البنطال
دلفت ملك الي الصالون
ملك : ازيك يا بابا عامل ايه
علي : الحمد لله يا دكتوره جاهزه
ملك بضحك : انا مرعوبه يا بابا
علي بأبتسامه : متخفيش يا موكا كلو هيبقي تمام
ملك : حاضر يا بابا فين ماما
علي : في المطبخ
ذهبت ملك الي المطبخ وجلست على الكونتر وتناولت تفاحه

ملك وهي تأكل بملئ فمها : ايه يا ست الكل بتعملي ايه

أمنيه وهي تضرب ملك علي رأسها : مش هتبطلي تتكلمي وانتي بتاكلي بقي انتي المفروض تكوني دكتوره
حدقت ملك بها : يعني ايه ياماما دكتوره لا انا لسه طفله صغيره وربنا مرحش الكليه
أمنيه بضحك : خلاص خلاص راديو اتفتح انتي مش هتسرحي شعرك يا ملك
ملك وهي تلعب بخصلاتها : لما اجي نازله
امنيه : طب يا بنتي قصيه ده واصل لغايه ركبك عشان متتعبيش وانتي بتسرحيه
ملك : لا يا ماما طبعاً مش هقصه
أمنيه وهي تضحك : طب ادخلي صحي داليا
ملك وهي تقفز : ايه ده مش تقولي انها لسه نايمه ربنا يقدرنا علي فعل الشر
أمنيه بضحك هستيري على طريقه ابنتها الصغيره : براحه عليها
ملك وسط ضحكتها الشريره : انسي
_ _ _ _ _ _ _ _ _ _ _ _ _ _ _ _
اقترب منه بهدوء وابتسامة شر تغزو وجهه
صرخ مالك بجانب أياد : حريقه
انتفد اياد : ايه فى ايه حريقه فين
انفجر مالك بضحك : لا مفيش كنت عايز اصحيك بس
رمقه اياد بنظره ناريه وهو يقظفه بالوساده : وربنا عيل
مالك بضحك : اصحي يا كسلان انا مش عارف التنسيق جابك  كليه طب ازاي
أياد بضحك وهو يفرك وجهه : زي ما وداك هندسه
مالك بشرود : الكليه دي احسن حاجه حصلتلي ف حياتي
أياد وهو يضع منشفه حول رقبته : ايوه بقي يا عم الحبيب فكك من الجو ده

مالك بضحك : طب أخلص عشان هوصلك
خرج أياد من غرفته وأتجه إلي الشرفه حيث تجلس والدته في الشرفه
أياد : صباح الخير يا ماما
ماجده : صباح الخير يا حبيبي
أياد : أومال فين بابا
ماجده : راح الشركه الصبح بدرى
أياد : ماشي تمام ألحق انا اجهز نفسي عشان الكليه
ماجده : مش هتفطر
أياد بنفي : لا هفطر مع أحمد ومالك
أخذ أياد حمامه وأرتدي تيشرت أسود وبنطال جينز أزرق وحذاء رياضي اسود
أياد هاتف أحمد
أياد :ايه يا باشا جهزت
احمد: أيوه جهزت
أياد :طب أنزل دلوقتي عشان هنفطر انا وأنت ومالك
أحمد بضحك : علم وسينفذ يا فندم
_ _ _ _ _ _ _ _ _ _ _ _ _
دلفت ملك غرفه شقيقتها داليا التي كانت تنام بثبات
ملك وهي تقفز علي الفراش :داليا دودي اصحي بقي
داليا بغضب ممزوج بنعاس:ايه يا ملك اللي أنتي بتعملي ده وربنا لسه عيله
ملك بضحك:ايه يا باشمهندسه كل ده نوم معندكيش كليه
داليا وهي تفتح دولابها :مقدرتش انام غير لما أخلص الروايه اللي كنت بتابعها
ملك بتقزز:يادي الروايات دي دماغك دي هتتعبك
داليا بضحك :لما نشوف هتعملي ايه لما تحب
ملك نافيه :انا أحب
ثم أكملت بضحك : ملك والحب كلمتين ميتجمعوش فى كلمه واحده
داليا وهي تخرج من الغرفه :طب ماشي خليكي فكره كلامك ده
كادت ملك أن تتكلم ولكن قاطعها صوت رنين هاتفها
رغد :ها يا ملك انزلي انا تحت
ملك بأرتباك :تحت فين
رغد :تحت بيتكم يا ملك انزلي يلا
ملك وهي تسرع:ماشي ماشي نزله سلام
دلفت ملك لغرفتها سريعا ربطت شعرها برابطه صغيره وتركت العنان لبعض الخصلات البنيه ووضعت عطرها المفضل ملك وهي تسرع:انا نازله يا ماما
أمنيه طب انتي مكلتيش
ملك : مش هلحق رغد تحت سلام
نزلت ملك سريعاً
رغد :كل ده يا ملك انتي بتستهبلي
ملك بضحك:معلش بقي كنت بصحي رغد ازيك يا أدم
{ادم أخو رغد الكبير}
آدم بضحك : تمام الحمد لله اقفلي بقي يا رغد
ملك : يابني تقفل أيه دي هتفضل كده لغايه ما نوصل
رغد بحده: يا سلام اتفقتوا عليا انتو الاتنين
ادم بضحك:خلاص خلاص يلا بسرعه عشان الحق اوصلكو عشان اروح الورشه بتاعت الرسم

_______________
عشق المغرور
بقلمي:حبيبه علي