عشق المغرور

«البارت الرابع»

البارت الرابع. . . . .
صدمت داليا من سؤال أباها فأخفضت رأسها ولم تجبه
علي : مالك قالي وأنا سألت عليه وباباه طلع صحبي وانا ومامتك موافقين ثم أكمل بخبث : بس لو انتي مش موافقه خلاص هقلو
داليا بسرعه : لا يا بابا انا موافقه قهقه علي على طريقتها : بتحبيه يا داليا
داليا بخجل : أيوه يا بابا
قاطعهم دخول ملك
ملك بفرحه وهي تقفز : مبروك يا دودي هتتجوزي خلاص
علي بضحك : وانتي عرفتي منين كنتي بتسمعينا
ملك بنفي مصطنع : لا لا طبعا يا بابا
علي : أومال عرفتي ازاي
ملك بأرتباك : اااا اا حسيت
علي بضحك : طب ماشي يا عم الحساس الناس جايه بكره تتفق ماشي
ملك : ايوه بقي ولعه يا دودي
داليا : ماشي يا بابا اللي انت شايفو أومال فين ماما
علي : كانت صاحيه بدرى النهارده فقولتلها تدخل تنام عشان متتعبش
داليا : طب عن اذنك انا هدخل اريح انا كمان
علي : ماشي يا حبيبتي وخدي النيله دي معاكي
ملك : لا لا امشي انتي انا عايزه بابا ف حاجه
داليا : ماشي سلاموز
ملك بدلع : بابا حبيبي
علي : أمم عايزه قد إيه
ملك بحزن مصطنع : ليه يا بابا هو انا مينفعش أدلعك غير لما يكون عايزه منك حاجه
علي بضحك : اخلصي عايزه كام
ملك : هي 500 جنيه ف شنطه ظهر عجبتني وهشتريها
علي : شوفتي انتي بنتي وانا عارفك
ملك بضحك : يا قافشني انت يلا بقي أيدك ع الفلوس
علي : عندك فلوس جوه خدي اللي أنتي عايزاه
ملك وهي تقبله : ثانكس بابا بجد تصبح ع خير
علي بحب : وأنتي من أهل الجنه
_ _ _ _ _ _ _ _ _ _ _ _
عند مالك الأوضاع متوتره
مالك : اووووووووف بقي عمو علي أتأخر يبقي مش بتحبني
أياد : يابني أهدي بقي متخفش
قاطعهم رنين هاتف مالك
مالك بيجيب بأستعجال : أيوه يا عمو علي ها ايه الاخبار
علي : انا أسف يابني انا حاولت معاها
مالك مقاطعا بحزن : خلاص يا عمي شكرا سلام
علي بضحك : استني بس هات باباك ومامتك بكره الساعه 7
مالك بفرح : بجد يا عمى شكرا شكرا اوووي
اقفل الخط مع علي
مالك : وافقت يا اياد بتحبني يا دود
أياد وهو يحتضن أخوه : مبروك يا ميكو منصور والد مالك : مبروك يا مالك يا حبيبي
مالك :الله يبارك فيك يا بابا
ماجده :كبرت يا ميكو
مالك وهو يحتضن والدته : لسه ابنك صغير يا ست الكل
شهد : يعني ميكو بقي عريس كبرت وهتتجوز وهتعجز
مالك وهو يجذبها لحضنه : عقبالك يا صغننتي
شهد بأبتسامه مصطنعي : اعفينا يارب
_ _ _ _ _ _ _ _ _ _ _ _
عند رغد
رغد : بجد يا حببتي مبروك. .عقبالك. ...هههههههه. ....ماشي سلام
أدم : ايه ف أيه مين هيتجوز
رغد : داليا اخت ملك
أدم بفرح : يااااه دالياربنا يتمم لها ع خير انسانه طيبه وتستاهل كل خير
رغد : طب سيبك منهم انت يا أدم مش ناوي تتجوز
أدم وهو يهم بالوقوف : مش هتجوز غيرها يا رغد لو هموت وبعدين ملكيش دعوه ركزي انتي ف المزاكره انا داخل اطمن ع ماما
رغد : ماشي يا حبيبي اللي يريحك
دلف أدم حجره والدته
أدم : ازيك يا ماما عامله ايه
صفاء : الحمد لله يا حبيبي
أدم :خدتي الدواه يا ست الكل
صفاء بحب : ايوه خدتوه وكنت هنام
أدم : خلاص هسيبك تنامي يا صفصف
______________
في اليوم التالي
ذهبت ملك برفقة رغد الجامعه بعد إنهاء المحاضره الأولي
قبل مغادرة ملك ورغد المدرجات
جاء إليهن احمد وأياد
أحمد : احم انا أسف جدا ع اللي حصل يا انسه ملك وأنسه رغد
رغد : خلاص مفيش حاجه عادي
ملك : حصل خير يا أستاذ
ثم أكملت وهي توجه نظرها لأياد : بس أظن أن فى حد لا يعتزرلي هو كمان
أياد وهو ينظر لأحمد :احمد انا هروح عشان الحق المعاد
ثم نظر لملك وهو يرتدي نظارته الشمسية وابتسم لها ابتسامة ليستفزها ورحل
احمد:متزعليش من أياد يا انسه ملك
ملك : هو مستفز اووي الصراحه
احمد : انا أسف تاني بالنيابة عنه
ملك : هو المفروض اللي يعتزرلي مش انت المهم انا همشي بقي يا رغد عشان الحق اجهز نفسي
رغد : طب ماشي يا حبيبتي خلي بالك من نفسك سلام
ذهبت ملك
احمد بستغراب : تجهز نفسها لايه
رغد : أصل اختها هيتقري فتحتها النهارده
احمد بترقب: غريبه وأخو أياد كمان هيقري فتحه النهارده
رغد : ربنا يتمملهم ع خير
احمد : يارب
ثم صمت الاثنان وفجأه نظره لبعض
احمد : استني استني اسمها ايه
رغد بسرعه : داليا وهو اسمه ايه مالك صح
احمد وهو يرجع خصلات شعره للخلف :ينهار مش فايت لو اللي ف بالي طلع صح
رغد بخوف:لا لا انشاء الله ملك ممكن تبوز الجوازه لو عرفت
احمد :وأياد مش هيسكت ع كده ربنا يعدي اليوم ع خير بصي متقوليش لملك حاجه وانا مش هقول لأياد
رغد:ماشي ماشي يلا المحاضره هتبدأ
____________________
ف المساء فى بيت علي
أمنيه: يلا يا بنات جهزتو
ملك :خلاص يا ماما جهزنا
أمنيه : وانتي يا دودي
داليا : أيوه يا ماما خلاص
قاطعهم صوت الباب
علي : يلا يا بنات ادخلو ع جوا يلا
دخل الفتاتان
علي وهو يحتضن منصور :ولله زمان يا منصور بقلنا كتير متقبلناش
منصور :الدنيا تلاهي يا علوه
ثم رحبو ع باقي المدعوين وكانو علي وماجد ومالك وأياد
علي : منورين يا جماعة
ماجده : بنورك يا أستاذ
منصور :بص يا علوه انا جي النهارده عشان نقره فتحه وآخر الاسبوع نخطبهم ونكتب كتابهم
علي : بس بدرى ع كتب الكتاب
مالك : بص يا عمي انا وداليا آخر سنه لينا ف الكليه وبعد ما نخلص انشاء الله نتجوز وعشان تبقي حلالي واعرف اتكلم معاها
علي : عين العقل ولله يابني
منصور : وده ابني أياد أولي طب
علي : منور يا أياد بسم الله ماشاء الله بنتي برده أولي طب
أياد :بنورك يا عمي
ماجده : طب هي فين عروستنا
أمنيه : ثانيه هروح اندههم
ذهبت أمنيه ونادت ع الفتاتان ودخلت داليا أولا حامله العصير وضعته ع الطاولة وسلمت ع الحاضرين وجلست
علي : عروستنا اهيه
منصور :ماشاء الله تبارك وتعالى زي القمر
داليا بصوت هامس :ده من زوق حضرتك
كانت ترتدي فستان رقيق من اللون الروز وعقدت شعرها كعكه
دلفت ملك ولم ينتبه أياد لأنه كان مشغول بهاتفه
وكانت ترتدي بنطال جينز وتيشرت لبني بأكمام قصيره (نص كوم)
وعقدت شعرها زيل حصان
علي : دي بقي آخر العنقود موكا
سلمت ملك ع الحاضرين وجاء دور أياد
لم تنتبه ملك له
وجاءت لتسلم عليه فرفع أياد بصره ولجمت الصدمه لسانهم
------------
عشق المغرور
بقلم حبيبه علي