تزوجت مُجبرة

البارت ١^_^

قصة تتحدث عن بنت من عائلة فقيرة شوفو كيف صارت حياتها ادعموني حتى انزل باقي البارتات

الحياة التعيسة البارت الاول
مرحبا...
اسمي سناء عراقية و من عائلة فقيرة لاتجد لقمة عيش
والمجتمع عندنا بالقرية لازم البنت ما تسوي اي شيء لا تطلع وما تضحك وما تتكلم و و و
كانت حياتي تعيسة وكنت فقيرة لدرجة عندي بس قطعتين ملابس يومية ابدل بينهن
وكان بابا من العوائل اللي تكون عندهم البنت ماتدرس وما تتعلم ولاتدخل كليات ولا جامعات حدهم الثالث ابتدائي
وخلص البنت تبطل ف اني كنت يا دوب اقرأ اسمي
كنت اكره حياتي بسبب بابا
بيوم من الايام...
بابا:سناء ولج سناء وينج
سناء:نعم بابا محتاج شي
بابا:تعالي اريد احجي وياج
سناء:ان شاء الله بابا
بابا:شوفي سناء صديقي ابو احمد تعرفينه مو
سناء:اي اعرفه ليش؟
بابا:اجا وخطبچ مني واني وافقت بس اجيت انطيچ خبر
سناء:شلوووون بابا ابو ابو ابو..ابو احمد خ خ خطبني
بابا:اي شبيج ليش خايفة
سناء:بابا انت من كل عقلك جاي تكلي ابو احمد تدري شكد عمره
بابا:اي عمره ٤٧مابيهة شي ترة
سناء:لابابا اني ماموافقة
بابا:شنو ولج ادب سزز
وضربني راجدي(كف)
سناء:بابا ابوس ايدك ما اريده عفية
بابا:(بعصبية)انجبي ولج ،شوفي بعد يومين يجون يخطبونج وغصبن عليج توافقين فهمتي لولا
وطلع بابا وحسيت بحرقة بگلبي، تمنيت الموت حاولت انتحر بس فكرت انه حرام وفكرت ب آخرتي
واستسلمت وبعد يومين...(يوم الخطبة)
صحيح نسيت اعرفكم على امي هع اصلا امي غنية عن التعريف اني اسميهة (نبع الشرار)لانها كانت تكرهني وهي اصلاً مو امي هي زوجت ابوي تزوجها لما طلق امي المهم خلي نكمل القصة وتعرفون ليش اسميهة (نبع الشرار)
مرت ابوي:انتي ولج سناء گومي بدلي ملابسچ راح يجون الخطابة بعد ساعة وتتزوجين ونخلص منچ
بوقتهة اختنگت ورحت لغرفتي ابدل ملابسي
بدلت ملابسي ومشطت شعري ولبست دشداشة بس چانت جديدة مرت ابوي جابتهة الي علمود البسهة بس علمود الخطوبة
.
.
.
وخلص البارت شتتوقعون شراح يصير بالبارت الثاني ترقبووووو^_^