كتاب منوعات

امي

امي شكد حنينه بكبر الأحزان
تلم همومنه بلغت عبايتها
امي شكد عفيفه تستحي حيل
تضم عوز الوكت بطراف شيلتها
امي بنص حجيها جبال الهموم
ولا يوم اشتكت بس تجري دمعتها
وبحجت تلولي تفرغ الهموم
وتشكي بالنواعي هموم عازتها
واذا مرانه ضيم وسمعته شلون
تنشغ والدمع يترس مخدتها
رغيف امي تصير بساعه العوز
وتشبعنه وتضم بضحكه جوعتها
تنكط مستحه من دكت الباب
لو خطار اجاها معزبه عادتها
شكثر لفت العوز ونامت ويا
ولا مرة اشتكت للناس عازتها

يمه خبزة من ايدج لذيذه وبيها كل العافية
يمه من كون اتمرض مسحه ايدج كافيه

غربت يا يمه عنكم بالغرب شفت العجايب
وصبحت الدنيا على راسي أشكال واصناف المصايب

يم كلب ينكط محنه
ويم سوالف دافيه
ويم دمع يجري ع كلشي
الجنه حدج خايفه
الدليل لو ما نور وجهج
عندي ظلمه وطافيه
يمه مدغوشه النوايب
وبس انتي نيتج صافيه